I-Rom 5:19 - Te B'aib'ara

¹⁹ B'a aroia aomata aika bati ngke a riki n atongaki b'a taani bure n ana aki-ongeaba te aomata ae ti temanna, ao ai aroia naba aomata aika bati b'a a na kaetaki aroia n reitaki ma te Atua n ana ongeaba te aomata ae ti temanna.

I-Rom 5:19 ပူးပေါင်းရင်းမြစ်များ

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

I-Rom 11:32

B'a E a tia te Atua ni kabaeia aomata nako i aan te aro n aki-ongeaba, b'a E aonga ni kaota ana nanoanga nakoia ni kabaneia.

I-Rom 5:12

Ma ngaia aei, b'a ngkai e roko te bure i aon te aba iroun te aomata ae ti temanna,

I-Rom 5:15

Ma te aki-ongeaba nakon te tua bon tiaki ti te bo arona ma te b'ai n tituaraoi. B'a ngkai a bati aika mate i bukin ana aki-ongeaba temanna nakon te tua, ao e a m'aiti riki ana akoi te Atua ma te b'ai n tituaraoi are reke n ana akoi te Aomata ae ti temanna are Iesu Kristo, nakoia ake a bati.

I-Rom 5:18

Ma ngaia aei, ngkai a kabuakakaki aomata ni kabaneia i bukin te bure ae ti teuana, ao ai arona naba, b'a a na bane aomata nako ni kainaomataki ma n anganaki te maiu n te m'akuri ae e raoiroi ae ti teuana.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Ebeto 1:6

Ti na neboa te Atua b'a E rangi n tituaraoi nako ira i bukin Natina are tatangiraki i rouna,

I-Biribi 2:8

E kananorinanoa i bon i rouna, ao E ongeaba ni karokoa te mate, are te mate n te kaibangaki.