I-Rom 4:17 - Te B'aib'ara

¹⁷ n ai aron are koreaki ni kaangai: “I karaoiko b'a tamaia botannaomata aika bati.” Ma ngaia ae e raoiroi te taeka n akoi i bukin aron te Atua, are e onimakinna Aberaam are te Atua are kamaiuia maate, ao are iai i rouna te kona ni kariki b'aai ngke bon akea.

I-Rom 4:17 ပူးပေါင်းရင်းမြစ်များ

Karikani B'aai 17:16

N na kakab'aiaa, ao N na karekea natim te mm'aane mai rouna. N na kakab'aiaa, ao e na riki b'a tinaia botannaomata nako, ao a na riki uea irouia kanoana.”

Karikani B'aai 17:20

I a tia n ongo am bubuti i bukin Itimaera, ma ngaia are, I a tia ni kakab'aiaa, ma n anganna natina aika m'aiti, ma kanoana aika m'aiti naba. E na riki b'a tamaia nati n uea ake tengaun ma uoman. N na karika te botannaomata ae buubura mairouia kanoana.

Karikani B'aai 28:3

E bia kakab'aiaa am mare te Atua ae M'aaka man anganiko natim aika m'aiti, b'a ko aonga n riki b'a tamaia botannaomata.

Itaia 43:6

N na kaangai nakon meang ao maiaki, “Kainaomataia natiu m'aane ma natiu aine! kaokiia man aaba aika a raroa.

Itaia 44:7

Iai ae e konaa ni kabotauaki ma ngai? Ngkana iai, ao ake a taetae tuangai n te tai aei. Tuangiia b'a a na taekina te b'ai ae e a tia n riki man te tai are I karaoa iai au botannaomata n taai ake ngkoa, ao ke a taekin b'aai aika a na riki

Itaia 48:13

I karika te aonnaba n oin baiu ao n taakina nako karawa. A ongotaeka n taeka ni kabane.

Itaia 49:12

Ao i mwiina, a na oki au aomata man aaba aika a raroa mai meang ao maeao ao man te kaawa ae e buubura are Tiene.

Itaia 51:2

E rinea Aberaam ao Taara te UEA b'a ami bakatibu. E kakab'aia Aberaam te UEA ao man te aomata ane temanna anne ane a nako maiai kariki aika a m'aiti.

Itaia 55:12

Kam na karaoa ami bootaki ni kukurei, ngkana kam a kainaomataaki ma ni m'ananga n okiri ami auti ma te rau. Ane a na anene taiani maunga ao taian tabuki ngkana kam rirarikiia, ao ane a na uboubo taian aroka.

Mataio 3:9

ao tai taku i nanomi ni kangai, Iai tamara b'a Aberaam; b'a I taku nako imi, b'a E kona te Atua ni karikiia natin Aberaam man atibu aikai!

Ioane 5:21

B'a aron te Tama ngkai E a manga kamaiuia aika mate, ao E angania te maiu, ao ai aron naba te Nati, E anga te maiu nakon ane E bon taku.

Ioane 5:25

Bon te koaua ni koaua ae I a tuangngkami b'a e a roko te tai, ma e a boni kaman roko, ae a na ongo iai b'anaan Natin te Atua maate; ao a na maiu akana ongo.

Ioane 6:63

Ae E anga te maiu bon Tamnein te Atua; akea irouia aomata ae kona ni karaoa aei. A riki taeka aika I a tia n atong b'a kawain rokon te Tamnei ao te maiu iroumi.

M'akuri 15:18

Aei ana taeka te UEA, ae kaoti baikai ma ngkoangkoa.”

I-Rom 3:29

Ti Atuaia I-Iutaia te Atua, ao tiaki Atuaia naba aomata aika tiaki I-Iutaia?

I-Rom 4:18

E teimatoa n onimaki Aberaam e ngae ngke akea bukin ana kaantaninga, b'a e na riki b'a tamaia botannaomata aika bati, n ai aron are atongaki ni kaangai: “Ai aron naba m'aitiia am kariki taian itoi.”

I-Rom 4:2

B'a ngke tao e kaetaki arona n reitaki ma te Atua i bukin ana m'akuri, ao bon iai ana b'ai ni kamoamoa iai; ma e aki kona ni kamoamoa i matan te Atua.

I-Rom 8:11

Ma ngkana E maeka i nanomi Tamnein te Atua, are manga kamaiua Iesu mai buakoia maate, are maeka i nanomi, ao te Atua are kamaiua Kristo Iesu mai buakoia maate E na kamaiu naba rab'atami iroun Tamneina.

I-Rom 9:11

B'a ngke a tuai ni bungiaki natina, ngke a tuai ni karaoa ae e raoiroi ke ae buakaka, ao e kaangai te taeka nakoina, “E na toro te karimoa iroun te karimwi.” E taekina aei b'a e na kaotaki iai arona n rinea te nati ae temanna b'a e nako man oin ana kaantaninga;

I-Rom 9:26

ao n te tabo are e taekinaki iai ae kaangai nakoia, ‘Tiaki au aomata ngkami,’ ao a na atongaki naba iai b'a natin te Atua ae maiu.”

1.I-Korinto 1:28

E rinei b'ain aon te aba te Atua aika atongaki b'a a mangori ma n akea bonganaia, ma baika tiaki oi ni b'ai, b'a E na kamaunai baika atongaki b'a oi ni b'ai.

1.I-Korinto 15:45

Ao ai aron naba are koreaki ni kangai, “Te moa n aomata are Atam bon te aomata ae maiu”; Te kabanea n Atam bon te tamnei ni kamaiu.

1.Timoteo 6:13

I tuangko i matan te Atua, ae anga te maiu nakoni b'aai ni kabane, ao i matani Kristo Iesu, are kaota tauani bukin te koaua are raoiroi i matani Bontio Birato,

Ebera 11:12

ma ngaia are a riki mairoun ae ti temanna ae kanga ae mate, kanoana aika ai aroni m'aitin itoini karawa, ao ai aron te tano ae i aon te bike, ae e aki konaki ni warekaki.

Ebera 11:3

I bukina ngkai ti onimaki, ao ti a ataia iai b'a a karikaki karawa ma aonnaba n ana taeka te Atua; ma ngaia ae te bae noraki e a karikaki mani baika aki noraki.

Ebera 11:7

I bukin ana onimaki Nooa, ao e ongo ana taeka ni katauraoi te Atua i bukini baika na riki rimwi aika aki konaki n noraki. E ongeaba nakon te Atua ao e kabaa te kaibuke are e a kamaiuaki iai ma ana utu. Ao i bukin aei a motikaki iai taekaia kaain aon te aba ni kabuakakaki, ao Nooa e riki b'a te tia b'aib'ai n te raoiroi are reke n te onimaki.

1.Betero 2:10

Tiaki ana botannaomata te Atua ngkami ngkoa, ma ngkai kam a riki b'a ana botannaomata; kam aki nanoangaki ngkoa, ma ngkai kam a nanoangaki.

2.Betero 3:8

Ma aei te koaua teuana ae kam na aki m'aninga taekana, ngkami aika kam tangiraki: b'a ti te bo te bong ae ti te bongina ma ririki aika tengaa iroun te Uea, ao ti te bo tengaa te ririki ma te bong ae ti te bongina i rouna naba.