I-Rom 3:30 - Te B'aib'ara

³⁰ Eng, bon Atuaia naba aomata aika tiaki I-Iutaia. B'a ti temanna te Atua ae na kaeti aroia I-Iutaia n reitaki ma Ngaia n aia onimaki, ao E na kaeti naba aroia aomata aika tiaki I-Iutaia n reitaki ma Ngaia i bukin aia onimaki.

I-Rom 3:30 ပူးပေါင်းရင်းမြစ်များ

I-Rom 2:26

Ma ngaia aei, b'a ngkana e toua mwin ana taeka te Atua ane aki korotabonim'aneaki, ao tiaki e na atongaki iai ngkai e tuai ni korotabonim'aneaki b'a aongkoa e a tia ni korotabonim'aneaki?

I-Rom 2:27

Ao ngkami aika iai iroumi taekan te Tua ae koreaki aika kam a tia ni korotabonim'aneaki ma kam urua te Tua, ane kam na kabuakakaki irouia aika tuai ni korotabonim'aneaki n rab'ataia ma a ira nanon te Tua.

I-Rom 3:22

E kaeti aroia aomata te Atua n reitaki ma Ngaia n onimakinan Iesu Kristo i rouia; ao E karaoa aei nakoia aomata ni kabaneia aika onimakina Iesu.

I-Rom 3:28

B'a ti taku b'a e aki kaetaki aron te aomata n reitaki ma te Atua ni karaoan nanon te Tua i rouna, ma e kaetaki i bukin ana onimaki.

I-Rom 4:16

Ma ngaia ae iai te taeka n akoi i bukin te onimaki, b'a e na kaotaki aron te taeka n akoi aei b'a bon ana b'ai n tituaraoi te Atua, ao e na teimatoa arona i bukiia ana kariki Aberaam ni kabaneia; tiaki ti nakoia ake a ongeaba nakon te tua, ma nakoia naba ake a onimaki n ai aron Aberaam:

I-Rom 4:9

Ti aia b'ai akana korotabonim'aneaki te kab'aia aei, ke aia b'ai akana aki korotabonim'aneaki? B'a ti taku b'a e atongaki ana onimaki Aberaam b'a ngaia ae e reke iai kaetan arona n reitaki ma te Atua.

I-Karatia 3:20

Ma e aki kainanoaki te tia itoman ngkana ti temanna te aomata ae na tabe ma ngaia; ao te Atua bon ti temanna.

I-Karatia 3:28

Akea kaokoron te I-Iutaia ma te I-Erene i nanoni Kristo, ao akea kaokoron te toro ma te aomata ae inaomata, ao akea naba kaokoron te mm'aane ma te aine: b'a ti temanna ngkami ni kabaneingkami i nanoni Kristo Iesu.

I-Karatia 3:8

E a kaman ataia te B'aib'ara, b'a te Atua E na karekea reitakiia aomata aika tiaki I-Iutaia ma Ngaia n te onimaki; ao e taekina te euangkerio nakon Aberaam rimoa, ao e kaangai, A na bane ni kab'aia botannaomata i roum;

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

I-Karatia 6:15

B'a e aki kakawaki te korotabonim'aneaki ke te aki-korotabonim'aneaki, ma e kakawaki reken te maiu ae boou ni maiun te aomata.

Te Tua-Kaua 6:4

Kakauongo, Iteraera. Bon ti te Atua ni koaua te UEA ae Atuara.

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

1.Timoteo 2:5

B'a ti temanna te Atua, ao ti temanna naba te tia raoi i marenan te Atua ma aomata, b'a te aomata are Kristo Iesu,