I-Rom 3:3 - Te B'aib'ara

³ B'a tera? Ngkana a aki kakaonimaki tabem'aang, ao e na uruaki ana kakaonimaki te Atua n aia aki-kakaonimaki?

I-Rom 3:3 ပူးပေါင်းရင်းမြစ်များ

Taian Areru 84:7

A rikirake riki ni marurung n aia tai ni m'ananga; A na nora te Atua ae tautaeka i aoia atua i Tion.

Itaia 55:11

Ao ai anne naba aron au taeka nako. A aki konaa n okirai ngkana a aki karaoa te b'ai are I kanakoia iai b'a a na karaoia.”

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

Mataio 24:35

A na mauna karawa ma aonnaba, ma a na aki kona ni mauna au taeka.

Ioane 1:16

Man onrakena n te akoi ma te koaua, ao ti a karekea iai te akoaki teuana i mwin te akoaki teuana.

I-Rom 10:16

Ma a aki bane aomata n ira nanon te euangkerio. B'a e kaangai Itaia, “Te UEA, antai ae onimakina ara rongorongo?”

I-Rom 11:29

B'a E aki kona te Atua ni kaoki b'aai ake E a tia n anga, ao E aki kona ni m'aninga taekaia aomata ake E a tia n rineia.

I-Rom 9:6

Tiaki b'a aongkoa iai aki nako raoin te taeka n akoi; e a tia ni koro nanona, b'a tiaki Iteraera ni kabaneia aika ana aomata ni koaua te Atua;

2.I-Korinto 3:18

Ao ngaira ni bane ma matara aika aki rabunaki, aika ti nora mimitongin te UEA kanga n te tirotaam, ti tabe n onikaki nakoni katotongana man te mimitong teuana nakon teuana; ao e riki aei mairoun te UEA ae te Tamnei.

2.I-Tetaronike 1:3

Taari, ti bon riai ni katituaraoa te Atua n taai nako i bukimi, ngkae e riki rake ni matoatoa ami onimaki, ao e kabatiaki ami i-tangitangiri ni kabaneingkami.

2.Timoteo 2:13

ngkana ti aki kakaonimaki, ao Ngaia E boni kakaonimaki, b'a E aki kona n eekaanako oin arona.”

Ebera 4:2

B'a e a tia n taekinaki te euangkerio nako ira, n ai aroia; naba; ma e matebuaka i rouia te rongorongo are a ongo, b'a a aki b'aina naba te onimaki are e reke irouia te koraki ake raoia n ongora.

1.Tamuera 15:29

Ao i rarikin anne, bon tiaki te aomata Atuaia Iteraera ae akea tokina E aki taetaekina te kewe ke ni bibitaki nanona.”