I-Rom 3:27 - Te B'aib'ara

²⁷ Ao e nga te kamoamoa iai? E tukaki! N te tua ra? N tuan te m'akuri? Tiaki; ma e tukaki n te tua n onimaki.

I-Rom 3:27 ပူးပေါင်းရင်းမြစ်များ

Teb'ania 3:11

N te tai arei, ao N na kam'awaia taan kairiri aika a kamoamoa mani kainikatonga, ao ane ko na aki manga kainikatonga n au maunga are e tabu.

Mareko 16:16

Ane onimaki ao e b'abetitoaki, ao e na kamaiuaki; ma ane aki onimaki ao e na kabuakakaki.

Ioane 3:36

Ane onimakina te Nati ao e reke i rouna te maiu are aki toki; ao ane aki ongotaeka nakon te Nati, ao e na aki reke i rouna te maiu, ma e memena unin te Atua i aona.

I-Rom 10:5

Ao aei are e koreia Mote b'a taekani kaetan aron te aomata n reitaki ma te Atua n iran nanon te Tua: “Te aomata ane karaoi baikai, ao e na maiu.”

I-Rom 11:6

ao ngkana tiaki i bukin ana akoi ae e riki iai aei, ma i bukin te b'ai are a karaoia ana aomata, ao nanona ngkanne b'a akea koauan ana akoi.

I-Rom 2:17

Ma ngkoe, ko taku b'a te I-Iutaia; ko onimakina te Tua, ma ni kamoamoako i bukin arom n reitaki ma te Atua;

I-Rom 2:23

Ngkoe ae ko kamoamoako i bukin te Tua, ko kamatauninga te Atua n riaoakin te Tua i roum?

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.

I-Rom 3:26

ma n taai aikai ao E mutiakin aia bure aomata, b'a E na kaota arona ae eti; n te aro aei ao E a kaotia iai te Atua b'a E b'ab'aina te eti, ao E kaeti aroia aomata nako aika onimakina Iesu, n reitakiia ma Ngaia.

I-Rom 4:2

B'a ngke tao e kaetaki arona n reitaki ma te Atua i bukin ana m'akuri, ao bon iai ana b'ai ni kamoamoa iai; ma e aki kona ni kamoamoa i matan te Atua.

I-Rom 7:21

I a kunea ngkanne te tua aei: b'a ngkana I kani karaoa ae e raoiroi, ao iai naba i nanou te kani karaoa ae buakaka.

I-Rom 7:23

ma I nora te tua ae kaokoro ae m'akuri i nanoni b'ain rab'atau, ae te tua ae buakana tuan nanou, ao e tauai b'a te bure ngai nakon tuan te bure ae i nanoni b'ain rab'atau.

I-Rom 7:25

E na katituaraoaki te Atua iroun Iesu Kristo are ara UEA! Ma ngaia ae aio ngkanne arou: b'a I toro iroun ana tua te Atua n nanou, ao rab'atau e toro iroun ana tua te bure.

I-Rom 8:2

B'a ana tua te Tamnei, are karekea te maiu nako ira i nanoni Kristo Iesu, e kainaomataai man ana tua te bure ma te mate.

I-Rom 9:11

B'a ngke a tuai ni bungiaki natina, ngke a tuai ni karaoa ae e raoiroi ke ae buakaka, ao e kaangai te taeka nakoina, “E na toro te karimoa iroun te karimwi.” E taekina aei b'a e na kaotaki iai arona n rinea te nati ae temanna b'a e nako man oin ana kaantaninga;

I-Rom 9:31

ma te botannaomata ae Iteraera, ake a ukoukora te tua are e na kaeta aroia n reitaki ma te Atua, e bon tuai n reke i rouia.

I-Rom 9:32

B'a e aera? I bukina b'a a aki kataia ni karekea ni kawain te onimaki, ma a kataia ni karaoia ri nanon te tua. A reke waeia n te “atibu ni katatata” ao a tata nako iai;

1.I-Korinto 4:7

B'a antai ae karaoiko b'a e na raka arom nakoia tem'angina? Ao tera ae iai i roum ae ko aki anganaki? Ao ngkana e a tia n reke i roum, ao ko aera ngkai ko kamoamoako b'a aongkoa ko aki anganaki?

I-Karatia 2:16

ao ti ataia b'a e aki kaetaki reitakin te aomata ma te Atua ni karaoani baika tangiraki n te Tua, b'a ti n onimakinan Iesu Kristo; ngaira naba, ti onimakina Kristo Iesu, b'a a aonga ni kaetaki reitakira ma te Atua n onimakinani Kristo, ma tiaki ni karaoan are e tangiraki n te Tua: b'a bon akea temanna ae e na kaetaki reitakina ma te Atua ni karaoani baika tangiraki n te Tua.

I-Karatia 3:22

Ma e taku te B'aib'ara b'a a bane aomata nako ni mena i aani m'aakan te bure; ma ngaia are ana taeka n akoi te Atua bon i bukiia akana onimakina Iesu Kristo.