I-Rom 3:20 - Te B'aib'ara

²⁰ B'a akea i matan te Atua te aomata ae e na kaetaki arona n reitaki ma Ngaia ni karaoan nanon te Tua; b'a e ataaki raoi te bure n te Tua.

I-Rom 3:20 ပူးပေါင်းရင်းမြစ်များ

Iobi 15:15

E bon aki onimakiniia naba Ana anera te Atua, ao a aki itiaki naba i matana,

Taian Areru 130:3

Ngke arona b'a Ko tau mwin ara bure, ao ai antai, ae na aki konaaki ni kabuakakaaki?

Taian Areru 143:2

Tai motika taekan am toro ni kabuakaka; b'a akea te aomata ae maiu ae e raoiroi i matam.

M'akuri 13:39

Ao akana onimaki a bane ni kainaomataki i rouna mani buure ni kabane.

I-Rom 2:13

B'a tiaki akana ongora n te Tua ae e na reke i rouia te reitaki ae e raoiroi ma te Atua, ma e na reke irouia akana ira nanon te Tua.

I-Rom 3:28

B'a ti taku b'a e aki kaetaki aron te aomata n reitaki ma te Atua ni karaoan nanon te Tua i rouna, ma e kaetaki i bukin ana onimaki.

I-Rom 4:13

B'a e anganaki te taeka n akoi Aberaam ma ana kariki are e na riki iai b'a te tia abaaba i aonnaba, tiaki n te Tua, ma i bukini kaetan arona n reitaki ma te Atua are e reke n te onimaki.

I-Rom 4:15

B'a irian te tua bon te reke ni kai; ma ike akea te tua iai, ao akea naba riaoana iai.

I-Rom 5:13

b'a bon iai te bure i aon te aba i m'ain rokon te Tua, ma e aki atongaki b'a te bure ngkana akea te tua.

I-Rom 5:20

Ma e roko te Tua b'a e aonga ni m'aiti te bure; ma ike e m'aiti iai te bure, ao e a manga m'aiti riki iai te akoi.

I-Rom 7:11

B'a te bure, ngke e reke ana tai, ao e burebureai n taekan te Tua, ao e kamateai iai.

I-Rom 9:32

B'a e aera? I bukina b'a a aki kataia ni karekea ni kawain te onimaki, ma a kataia ni karaoia ri nanon te tua. A reke waeia n te “atibu ni katatata” ao a tata nako iai;

1.I-Korinto 15:56

Te bure boni ngaia ana b'ai ni kaikoaki te mate, ao korakoran te bure bon te Tua.

I-Karatia 2:16

ao ti ataia b'a e aki kaetaki reitakin te aomata ma te Atua ni karaoani baika tangiraki n te Tua, b'a ti n onimakinan Iesu Kristo; ngaira naba, ti onimakina Kristo Iesu, b'a a aonga ni kaetaki reitakira ma te Atua n onimakinani Kristo, ma tiaki ni karaoan are e tangiraki n te Tua: b'a bon akea temanna ae e na kaetaki reitakina ma te Atua ni karaoani baika tangiraki n te Tua.

I-Karatia 2:19

B'a bon iroun te Tua are I a riki ni mate iai nakon te Tua, b'a I aonga ni maiu i bukin te Atua. I tauraki n te kaibangaki ma Kristo.

I-Karatia 5:4

Kam a raure ma Kristo, ngkami aika kam taku b'a e reke reitakimi ma te Atua n te Tua; kam b'aka man te akoaki.

Ebera 7:19

B'a akea te bae e kona ni kakororaoia te Tua; ma iai te kaantaninga ae raoiroi riki, are ngaia ae ti a kona iai n roko ni kaania te Atua.