I-Rom 2:7 - Te B'aib'ara

⁷ Nakoia ake a ukoukora te neboaki ma te karineaki ma te aki-mamate, n aia botum'aka ni kakaraoi m'akuri aika raoiroi, ao te maiu are aki toki.

I-Rom 2:7 ပူးပေါင်းရင်းမြစ်များ

Iobi 17:9

E na bon aki toki waen te aomata ae raoiroi, ao e a rikirake ni korakora ma ni korakora ane e itiaki baina.

Taian Areru 27:14

Ko na kaantaninga te UEA, Ko na korakora ma n ninikoria; Ko na kaantaninga te UEA.

Taian Areru 37:3

Onimakina te UEA, ao karaoa ae raoiroi; Ko na maeka ma te rau raoi i aon te aba.

Taian Areru 37:34

Kaantaninga te UEA, ao ira nanona; E na karineko n anganiko te aba, ao ko na nora ane buakaka ni kakioaki nako.

Etekiera 18:17

ao e rawa ni karaoa te m'akuri ae e buakaka ke n anaa bakaon ana tangom'ane te aomata ae e tangom'ane i rouna. E iri nanon au Tua nako ma au reirei nako. E na riai ni maiu te m'aane aei. E bure tamana, ma e na kamaiuaki te m'aane ae e raoiroi aei ao e na aki tiringaki i bukin ana bure tamana.

Mataio 25:46

Ao e taku Iesu, “Ane a na bane n nako nakon reken te kai are aki toki. Ma ake a raoiroi a na nako nakon te maiu are aki toki.”

Ruka 21:19

Ane kam na kareke maiumi n nanom'aakami.

Ruka 8:15

Ao i bukiia ake n te tano are raoiroi, akanne bon te koraki ake a ongo te taeka ao a taua ni kamatoa ma te nano ae koaua ae raoiroi, ao a kariki uaa i bukin aia taotaonaki n nano.

Ioane 4:36

Ane bobooti uaa nakoni neia ngkana a tai ao e kaboaki, ao e boti uaa i bukin te maiu are aki toki; b'a a aonga n uaia ni kim'areirei te tia ununiki ma te tia bobooti uaa.

Ioane 5:44

Kam na kanga ni kona n onimakinai ngkai kam butim'aea te kamoamoaki mairoun temanna ma temanna, ao kam aki ukoukora te kamoamoaki mairoun Temanna are bon ti Ngaia te Atua?

I-Rom 2:10

ma te neboaki ma te karineaki ma te rau bon aia b'ai aomata nako akana kakaraoa te raoiroi, aika I-Iutaia moa ao I-Erene naba.

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

I-Rom 8:18

B'a I kakoaua b'a a aki kona ni kabotauaki taiani b'ainikirinaki aika reke nako ira ni boong aikai ma te neboaki are nang kaotaki nako ira.

I-Rom 9:23

E kaota aron neboakina ngke E nanoangaiia aomata ake E a tia n rineia b'a a na reke naba tib'angaia n neboakina.

1.I-Korinto 15:42

Ao ai aron naba manga utiia maate. E na mka te rab'ata are taunaki, ma ngke e a manga uti, ao ai te rab'ata ae aki kona ni mka.

1.I-Korinto 15:50

Ao aio au taeka, taari: e aki kona ni karekea uean te Atua te iriko ma te raraa, ao e aki kona naba ni karekea te aki mka te mka.

1.I-Korinto 15:58

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

I-Karatia 6:9

Ma a na tai toki nanora ni kakaraoa ae e raoiroi, b'a ti a bon tai anai mwin ara m'akuri n te tai ae riai, ngkana a aki b'ara nanora.

I-Ebeto 6:24

E na mena te akoaki irouia aomata ni kabaneia ake a tangira ara UEA are Iesu Kristo n te tangira ae akea tokina.

I-Korote 1:27

E karaoa aei te Atua b'a E tangiringkami aika tiaki I-Iutaia b'a kam na ata te baere raba ae kamimii ae mimitong; ao te bae raba aei boni Kristo i nanomi, are Ngaia ami kaantaninga b'a e na reke neboami.

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

2.Timoteo 1:10

ma ngkai, e a kaotaki nako ira n rokon ara Tia Kamaiu are Iesu Kristo, are kamaunaa te mate, ao E kaota te maiu ma te aki-mka n te euangkerio.

Ebera 2:7

Ko karinanoa riki nakoia anera i nanon te tai ae aki maan; Ko baunna b'a kanga te uea n te neboaki ma te karineaki.

Ebera 6:12

b'a kam na aki taningaroti, ma kam na kakairi irouia ake a tia ni karekea kanoan te taeka n akoi i bukin aia onimaki ma aia taotaonaki n nano.

Ebera 6:15

Ao i bukin aron Aberaam n taotaona nanona, ao e a reke i rouna mwin te taeka n akoi arei.

1.Ioane 2:25

Ao aio te taeka n akoi are E tuangiira: b'a ti na maiu n aki toki.