I-Rom 2:27 - Te B'aib'ara

²⁷ Ao ngkami aika iai iroumi taekan te Tua ae koreaki aika kam a tia ni korotabonim'aneaki ma kam urua te Tua, ane kam na kabuakakaki irouia aika tuai ni korotabonim'aneaki n rab'ataia ma a ira nanon te Tua.

I-Rom 2:27 ပူးပေါင်းရင်းမြစ်များ

Mataio 3:15

Ao Iesu E kaeka ni kangai, “Kariaia ngkai: b'a te b'ai ae riai i roura b'a ti na karaoi b'aai ni kabane ake E tangiri te Atua.” Ao e kariaia Ioane.

M'akuri 13:22

Ao ngke E a tia ni kam'awa, ao E kateirakea Tawita b'a aia uea; ao aikai ana taeka te Atua i bukina: “E a reke irou Tawita are natin Iete; boni ngaia te aomata ae I tangiria, ae na karaoi b'aai ni kabane aika I tangiri.”

I-Rom 13:10

Ane tangira raona n aomata ao e aki kona ni karaoa ae buakaka nakoina. Ma ngaia ae b'ainan te tangira boni kakoroan nanon te Tua ni kabane.

I-Rom 2:15

A kaotaki n aroia b'a e koreaki i nanoia kanoan te Tua, ao a kaota aei mataniwin nanoia b'a e koaua, ngkai a kona n tuangaki n aia iango b'a a raoiroi ke a buakaka baike a karaoi.

I-Rom 2:20

ao te tia reireiia akana mamara nanoia ma merimeri, ao ko atai kanoan te Tua ni kabane ma koaua i nanona.

I-Rom 2:25

B'a bon iai bongan te korotabonim'aneaki ngkana ko toua mwin te Tua; ma ngkana te tia ri aon te Tua ngkoe, ao e riki korotabonim'aneakim b'a te b'ai ae akea nanona.

I-Rom 2:26

Ma ngaia aei, b'a ngkana e toua mwin ana taeka te Atua ane aki korotabonim'aneaki, ao tiaki e na atongaki iai ngkai e tuai ni korotabonim'aneaki b'a aongkoa e a tia ni korotabonim'aneaki?

I-Rom 2:29

Ma te I-Iutaia ni koaua bon te aomata ae te I-Iutaia i nanona; ao te korotabonimm'aane ni koaua boni b'ain te nano, ae e nako mairoun te Tamnei, ma tiaki kanoan te Tua. E reke kamoamoakin te aomata aei mairoun te Atua ma tiaki mairouia aomata.

I-Rom 3:30

Eng, bon Atuaia naba aomata aika tiaki I-Iutaia. B'a ti temanna te Atua ae na kaeti aroia I-Iutaia n reitaki ma Ngaia n aia onimaki, ao E na kaeti naba aroia aomata aika tiaki I-Iutaia n reitaki ma Ngaia i bukin aia onimaki.

I-Rom 8:4

B'a e aonga ni karaoaki nanon te Tua iroura ngaira aika ti maiu n aron nanon te Tamnei, ma tiaki n aron nanon te rab'ata.

1.I-Korinto 7:19

Akea manen te kaitiakaki, ao akea naba manen te aki-kaitiakaki; ma bon iai maneni kawakinan ana tua te Atua.

2.I-Korinto 3:6

are karaoira b'a taani beku aika iai aia kona i bukin te boraraoi ae boou, are kanoana tiaki te b'ai ae koreaki, ma te Tamnei; b'a e tiritiri te b'ai ae koreaki, ma E kakamaiu te Tamnei.

I-Karatia 5:14

B'a e kabaneaki te Tua n touaki mwina n ae kaangai, “Ko na tangira raom n ai aron tangiram i bon iroum.”

I-Ebeto 2:11

Ma ngaia ae kam na ururingnga, b'a tiaki I-Iutaia ngkami ngkoa n rikimi, aika kam atongaki b'a te Aki-korotabonim'aneaki i rouia ake a atongaki b'a te korotabonim'aneaki n aroia ngke a korotabonim'aneaki ni baiia aomata;

2.Timoteo 3:15

ao ko ataia b'a ma ngke te merimeri ngkoe ao ko a kaman ata te B'aib'ara ae tabu, b'a e kona ni kawanawanako ma ni kairiko nakon te kamaiuaki are reke n onimakinani Kristo Iesu.

Ebera 11:3

I bukina ngkai ti onimaki, ao ti a ataia iai b'a a karikaki karawa ma aonnaba n ana taeka te Atua; ma ngaia ae te bae noraki e a karikaki mani baika aki noraki.