I-Rom 2:22 - Te B'aib'ara

²² Ngkoe ae ko taku b'a e na aki wene ni bure te aba, ko wene ni bure? Ngkoe ae ko ribai bouannanti, ko anai b'ain Tembora n te aro n iowawa?

I-Rom 2:22 ပူးပေါင်းရင်းမြစ်များ

Taian Areru 50:17

Ko rawa ni kaetan arom, Ao ko ribaai au tua.

Ieremia 5:7

Kaain Iuta, N na kangaa ni kab'ara ami bure? I anganingkami b'aai nako, ma kam kiitanai ao kam taromauri bouannanti. Ngkami aika mm'aane kam nako ni kawariia ainen matawa ao kam aki kakaonimaki nako ia buumi.

Ieremia 9:2

Tera ngke I konaa n nakon te rereua ni kakaaea te tabo ni karabaraba mairouia aomata ni kabane aika a b'anganikewe ao aika a aki kakaonimaki nakon te Atua.

Etekiera 22:11

ke ma buuia tabem'aang. Ao tabeman a manga matu ma oin ai m'aaneia natin tamaia ke tinaia ma temanna.

Maraki 1:14

Kam anga n onei mwiin maan aika a kariaiakaki ake kam a tia ni berita iai nako iu, maan aikai aika a aki marurung. N na bon katuaaingkami i bukin aei, i bukina ngkai bon te Uea Ngai ae I kakannato, ae te UEA ae Moan te M'aaka, ae I taromauriaki irouia botannaomata n taabo nako.

Maraki 1:8

Kam bon aki ataia b'a e bure kareanakin taiani man aika a mataki, m'auku, ke a aoraki? Ao ngkana ngaia kam na ti kataia n anga taiani man aikai nakon te koowana. Ni koauana e na bon aki kani kukurei ke ni buokingkami.

Maraki 3:8

Kam kimoai Ngai ae Atuami ngkami aika aomata. Ikai are kam titiraki iai nako iu ni kaangai, “Ti kimoaiko n te aro raa?” Kam kimoaai n te angab'ai ao n te kabwianib'ai are bon Au b'ai.

Mataio 12:39

Ma E kaekaia Iesu ao E taku, “A ukoukora te kanikina te roro ae buakaka ae aki ongotaeka nakon te Atua!” ma akea te kanikina ae a na anganaki, b'a ti te kanikina are te baere e riki nakon Iona are te burabeti.

Mataio 16:4

A ukoukora te kanikina te roro ae buakaka ae aki ongotaeka nakon te Atua; ma akea te kanikina ae a na anganaki, b'a ti te kanikina are te baere riki nakon Iona are te burabeti.” Ao E kitaniia, ao E nako.

Mareko 11:17

E reireiia ngkanne aomata ao E taku nako ia, “E koreaki n te B'aib'ara ana taeka te Atua ae kangai, ‘E na atongaki au um'antabu b'a te tabo n tataro i bukiia aomata nako.’ Ma kam a tia ni karaoia b'a neia ni maeka taani kimoa!”

M'akuri 19:37

B'a kam kairiia mai aomata aikai, aika tiaki taani kurib'ai Tembora i bukiia anti, ao a aki taetaebuaka naba Nei Aritemito.

I-Rom 12:9

Tai m'am'anaa te aba n ami tangira. Ribaa te buakaka, ao nim ma te raoiroi.

Iakobo 4:4

Ngkami aika kanga ainenum'a aika taani wene ni bure, kam aki ataia b'a te iraorao ma b'ain te maiu aei bon ribaan te Atua? Ma ngaia aei, b'a ane kan i raorao ma b'ain te maiu aei, ao e riki b'a ana kairiribai te Atua.