I-Rom 2:14 - Te B'aib'ara

¹⁴ B'a aomata aika tiaki I-Iutaia aika akea te Tua i rouia, ngkana a ongeaba nakoni b'anaani mataniwin nanoia n aki ataia ae a ira iai nanon te Tua, ao a kaotiia iai b'a a ata ae a riai ni karaoia ao ae a aki, e ngae ngke akea te Tua i rouia.

I-Rom 2:14 ပူးပေါင်းရင်းမြစ်များ

M'akuri 10:35

E kukurei iroun ane iai i rouna karineana ae moan te bati, ao e kakaraoa ae e raoiroi, e aoria b'a kaain te botannaomata ra ngaia.

M'akuri 14:16

I nanon rooro ake rimoa, ao E aki tutukiia botannaomata nako mani karaoani baike a tangiri;

M'akuri 17:30

Ma ngaia ae E aki bairei taekaia aomata te Atua i nanon tain te babanga arei; ma E tuangiia aomata ngkai ni kabaneia n taabo nako b'a a na rairi nanoia,

I-Rom 1:32

A bon ata ana taeka te Atua ae kaangai, A riai mateia akana karaoi baikai. A aki ti kakaraoi baikai, ma a boni kaoti naba nanoia aika kukurei ngkana a karaoaki baikai irouia tem'angina.

I-Rom 2:12

B'a ngkai a bati aika bure ao akea te Tua i rouia, ao a na boni mate n akea naba te Tua i rouia; ao ngkai a bati aika bure ao iai te Tua i rouia, ao a na boni baireaki taekaia i aan te Tua.

I-Rom 2:15

A kaotaki n aroia b'a e koreaki i nanoia kanoan te Tua, ao a kaota aei mataniwin nanoia b'a e koaua, ngkai a kona n tuangaki n aia iango b'a a raoiroi ke a buakaka baike a karaoi.

I-Rom 2:27

Ao ngkami aika iai iroumi taekan te Tua ae koreaki aika kam a tia ni korotabonim'aneaki ma kam urua te Tua, ane kam na kabuakakaki irouia aika tuai ni korotabonim'aneaki n rab'ataia ma a ira nanon te Tua.

1.I-Korinto 11:14

A aki reireiningkami aroni b'aai aika karikaki, b'a e aki toronaomata te mm'aane ngkana e ananau iran atuna?

1.I-Korinto 9:21

Ao ngkana I m'akuri i buakoia aomata ake aki tautaekanaki n te tua, ao I riki n ai aroia n aki tautaekanaki n te tua, b'a a aonga n riki b'a Kiritian; ma tiaki nanona b'a aongkoa akea ana tua te Atua i rou, b'a I boni mena i aan ana tua Kristo.

I-Ebeto 2:12

ao kam tuai n reitaki ma Kristo ngkekei, ngke kam ianena nakoia te botannaomata ae Iteraera, ao akea nnemi n taiani boraraoi ake kanoan te taeka n akoi, akea ami kaantaninga ao kam aki reitaki ma te Atua ni maiumi i aon te aba aei.

I-Ebeto 2:3

ake boni ngaira naba ngkoa i buakoia ngke ti bane ni kaoti arora ni maiura b'a ti iri nanoni kaib'ab'arun rab'atara ma nanora; bon aomata ngaira aika e mena i aora unin te Atua, ao ti te bo arora ma aomata ni kabaneia.

I-Biribi 4:8

Te kabane ngkanne: taari, kam na ti iaiangoi baika koaua, aika eti ma n itiaki, aika tangiraki ngkai a raraoi, aika baika riai ni kamoamoaki, ngkana iai te raoiroi teutana iai, ao ngkana iai te b'ai ae e kamoamoaki te aba iai.