I-Rom 16:27 - Te B'aib'ara

²⁷ Ao ngkai, i bukin Iesu Kristo, ti a kona n angan te Atua, are ti Ngaia ae rabakau, te neboaki n aki toki. Amen “E na mena iroumi ana akoi ara UEA are Iesu Kristo.” Ao B'aib'ara tabeua a kaaki te kibu 25, 26 ao 27 ni kabanean te m'akoro 14; ao te B'aib'ara teuana e kaaki kiibu aikai ni kabanean te m'akoro 15; ao iai B'aib'ara tabeua ake akea i rouia kiibu aikai.

I-Rom 16:27 ပူးပေါင်းရင်းမြစ်များ

Taian Areru 147:5

E kakannato ara Uea ao E korakora; akea tokin ana atatai.

Itaia 31:2

E a aki baba te UEA! E karaoi baika e a tia ni berita iai ni kabane, ao e konaa ni karokoa te kangaanga. Ngkana ko bon buakaka naba, ao ko na bon kamaunaaki.

I-Rom 11:36

B'a mairoun te Atua b'aai ni kabane; a bane ni karikaki i bukina, ao a na bane ni manga oki nakoina. Ana b'ai te neboaki n aki toki. Amen.

I-Ebeto 3:10

b'a e aonga ni kaotaki n te ekaretia rabakaun te Atua ae a bati arona nakoia uea ma ake a korakora i karawa,

I-Biribi 4:20

Ana b'ai te Atua ae Tamara te neboaki n aki toki. Amen.

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

1.Timoteo 6:16

ae ti Ngaia ae aki mamate, ae maeka n te oota are aki konaaki ni kawaraki; akea te aomata ae e a tia n noria, ao akea ae kona n noria. Ana b'ai te karineaki ma te m'aaka ae aki totoki. Amen.

2.Timoteo 4:18

E na boni kainaomataai te Uea man aaro nako aika bubuaka, ao E na kamaiuai ma ni karinai i nanoni ueana are i karawa. Bon ana b'ai te neboaki n aki totoki. Amen.

Ebera 13:15

Ma ngaia ae i nanon Iesu ao ti na tai toki n anga te karea ae karaoiroan te Atua, ae te karea ae ti anga ni wiira aika kaotiota onimakinan arana.

Ebera 13:21

E na katauraoingkami nakoni m'akuri aika raraoi ni kabane b'a kam aonga ni karaoa nanona, ao b'a kam aonga iroun Iesu Kristo ni karaoa are E na kukurei iai te Atua. Ao ana b'ai Kristo te neboaki n aki totoki. Amen.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

2.Betero 3:18

Ma kam na rikirake n te akoi ao n ataakin ara Uea ao ara Tia Kamaiu are Iesu Kristo. Ana b'ai te neboaki ngkai, ao n aki toki. Amen.

Iuta 1:25

ana b'ai te Atua ae ti temanna, are ara Tia Kamaiu, iroun Iesu Kristo are ara Uea, te neboaki, ma te karineaki, ma te tau-taeka, ma te m'aaka, ngke a tuai ni karikaki b'aai, ao ngkai, ao n aki toki. Amen.