I-Rom 16:26 - Te B'aib'ara

²⁶ ma, ngkai, e a tia ni kaotaki, ao e a ataaki irouia botannaomata ni kabaneia ri nanon aia boki burabeti n ai aron are E tua te Atua b'a e na koreaki, b'a a aonga n onimakinna ma n ongeaba i rouna.

I-Rom 16:26 ပူးပေါင်းရင်းမြစ်များ

Karikani B'aai 21:33

Ao Aberaam, e unika te aroka ae te Tamaritiki i Beerateb'a, ao e taromauria te UEA, ae te Atua ae akea tokina.

Itaia 40:28

Kam tuai ataia? Kam tuai naba ongo? Bon akea tokin te UEA, Te tia karaoa te aonnaba. E bon aki konaa ni kainano ke ni kua; bon akea tian wanawanana.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Mareko 16:15

Ao E taku nako ia, Kam na nako n taabo nako ao tataekina te euangkerio nakoia kaain aonnaba ni kabaneia.

M'akuri 10:43

A bane burabeti ni kaotiota taekan Iesu, b'a ane onimakinna ao e na reke i rouna kab'aran ana bure n arana.

M'akuri 6:7

E buta nako ana taeka te Atua, ao a bati riki ake a ongo ao a onimaki: a kabatiaki m'aitiia aomata ake a onimaki i Ierutarem, ao a m'aiti aia koraki ibonga ake a butim'aea taekan te euangkerio.

I-Rom 1:2

E a kaman taekina te euangkerio aei te Atua i nanon te B'aib'ara irouia ana burabeti:

I-Rom 1:20

B'a a kaman noraki raoi aron te Atua aika aki nonoraki, are m'aakana ae akea moana ma tokina, ma arona n Atua, ma ngke a moa ni karikaki aonnaba; ao a ataaki ni baike E karaoi. Ma ngaia are, bon akea aonaia.

I-Rom 1:5

Boni Ngaia are ti anganaki mai Rouna te kona n riki b'a taan tuatua i bukin arana, b'a a aonga n onimaki ma n ongeaba botannaomata ni kabaneia.

I-Rom 15:18

B'a N na ninikoria n taekina te baere E a tia ni karaoia Kristo i rou n au taeka ma au m'akuri i bukini kairaia aomata aika tiaki I-Iutaia, b'a a aonga n ongeaba nakon te Atua.

I-Rom 15:4

B'a b'aai ni kabane ake a koreaki ngkoa a koreaki i bukin reireiara, b'a e aonga n reke iroura te kaantaninga n taekan te taotaonaki n nano ma te kaunga nano n te B'aib'ara.

I-Rom 3:21

Ma e a tia ni kaotaki ana kawai te Atua ni kaeti aroia aomata n reitaki ma Ngaia, ae akea rekerekena ma te tua. E boni ngae n anne ma bon iai taekana n te Tua ao irouia burabeti.

I-Karatia 3:8

E a kaman ataia te B'aib'ara, b'a te Atua E na karekea reitakiia aomata aika tiaki I-Iutaia ma Ngaia n te onimaki; ao e taekina te euangkerio nakon Aberaam rimoa, ao e kaangai, A na bane ni kab'aia botannaomata i roum;

I-Ebeto 1:9

ao E a tia ni kaota nako ira nanona ae raba, n ai aron nanona are E tangiria, are E a kamani baireia i nanona;

I-Ebeto 2:20

Kam kateaki i aon taiani boua ake taan tuatua ma burabeti; ao Kristo Iesu boni Ngaia te atibu are bouan te maninganinga are moan te kakannato;

Te Tua-Kaua 33:27

Nnera ni karabaira te Atua ae akea tokina; E uotiira ni baina. Ngkana E tuangkami te UEA b'a kam na tiringiia ami kairiribai, ao ane E na kabirinakoia mai m'aaimi.

I-Korote 1:26

are te baere raba, are karabaki ma ngkoangkoa ao mairouia rooro nako; ma ngkai, e a kaotaki nakoia ana aomata aika itiaki.

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

2.Timoteo 1:10

ma ngkai, e a kaotaki nako ira n rokon ara Tia Kamaiu are Iesu Kristo, are kamaunaa te mate, ao E kaota te maiu ma te aki-mka n te euangkerio.

Ebera 13:8

Ai uana nako naba Iesu Kristo ngkoananoa, ao n te bong aei, ao n aki toki.

Ebera 9:14

ao ai bati ra riki kaitiakani mataniwin nanora mani m'akuri aika akea uaaia n raraani Kristo are anga Ngaia iroun te Tamnei are Raoiroi n aki totoki b'a te karea ae akea buakakana nakon te Atua, b'a kam aonga n toro iroun te Atua ae maiu!

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.

Te Kaotioti 1:17

Ngke I noria ao I katorobubua ni bobaraaki i rarikini waena n ai aron te mate; ao E kaaki baina are ataina i aou, ao E kaangai, “Tai maaku! Boni Ngai te Moa ao te Toki.

Te Kaotioti 19:10

Ao I katorobubua ni bobaraaki i rarikini waena b'a N na taromauria. Ao e taku nako iu, “Tarataraiko b'a ko na aki taromauriai; bon raom n toro ngai, ao raoia naba n toro tarim ake a teimatoa n taua te koaua are E kaotiotia Iesu. Ko na taromauria te Atua n tii Ngaia; b'a te koaua are E kaotiotia Iesu boni ngaia ae angania ana aomata te Atua te kona n taetae ni burabeti.”