I-Rom 16:25 - Te B'aib'ara

²⁵ Ti na neboa te Atua! B'a E kona ni kateimatoaingkami n te euangkerio are I tataekinna, are rongorongon Iesu Kristo, ao ni kaotiotan te baere raba are karabaki ma ngkoa i nanon rooro ma rooro;

I-Rom 16:25 ပူးပေါင်းရင်းမြစ်များ

Taian Areru 78:2

N na kabonganai taian taeka n rabakau, Ao N na kab'arab'arai nanoni baike a raba ake b'ai nikawai,

Taniera 2:22

E kaoti b'aai aika a nano ao aika a raba; E atai baika a raba n te rotongitong, ao E otab'aniniaki n te ota.

Amota 3:7

E na bon aki karaoa te b'ai teuana te Uea ae te UEA ngkana e tuai kaota moa nanona ae e raba nakoia ana toro aika burabeti.

Mataio 13:17

E koaua ae I a tuangngkami b'a a bati burabeti ma aomata aika raoiroi, ake a kan nori baika kam nori ao a aki nori; ao a kan ongo baika kam ongo, ao a aki ongo.

Mataio 13:35

B'a e na kakoroaki bukin are e atongaki iroun te burabeti, ngke e kangai: “N na kabonganai taeka ni kabotau ngkana I taetae nako ia; na taekini baika karabaki mani moani karikan aonnaba.”

Mataio 20:7

A taku nako ina, ‘B'a akea ae kam'akurira.’ E taku nako ia, ‘Kam na nako naba nakoni nnen te kureebe.’

M'akuri 20:32

Ao I anga ngkami ngkai nakon te Atua, ao nakon naba ana taeka n akoi, are kona ni kateimatoaingkami ma n anganingkami te kab'aia are E kawakinna i bukiia ake a kaitiakaki ni kabaneia.

M'akuri 9:20

E nako ni m'aneaba nako ao e tataekina Iesu b'a Natin te Atua Ngaia.

I-Rom 11:25

B'a I aki tangiringkami, taari, b'a kam na aki ata te b'ai ae raba aei, b'a kam kaawa ni bakanrabakau iai: b'a iai tem'angina i buakoia Iteraera aika a matoatoa nanoia n rawa n onimaki, ao a na tiku n aroia aei ni karokoa ae e koro m'aitiia aomata aika tiaki I-Iutaia n nakon te Atua.

I-Rom 14:4

Antai ngkoe b'a ko na bairea taekan ana toro temanna ni kabuakaka? Bon ana toka ae na bairea taekana b'a e nako raoi ana m'akuri ke e aki. Ma ane e na nako raoi ana m'akuri te toro, b'a E kona te Atua ni buokia b'a e aonga n nako raoi ana m'akuri.

I-Rom 16:24

E na mena iroumi ni kabaneingkami ana akoi ara UEA are Iesu Kristo. Amen.

I-Rom 2:16

Ma ngaia are, n reitaki ma kanoan te euangkerio ae I tataekinna, ao bon aei aron te bae e na riki n te bong arei, ngkana E motiki taekaia aomata te Atua i nanon Iesu Kristo ni kaeti ma iango ake a raba i nanoia aomata.

1.I-Korinto 1:23

Ao ngaira ti tataekina Kristo are kamateaki n te kaibangaki, ae te b'ai ni kab'akab'aka nakoia I-Iutaia, ao te nanobaba nakoia aika tiaki I-Iutaia;

1.I-Korinto 2:7

Ti taekina rabakaun te Atua ae akea temanna ae ata arona, are te rabakau ae raba, are E a tia ni motika taekana te Atua, i m'ain rikin aonnaba, b'a E na karekea iai arora n neboaki.

1.I-Korinto 4:1

Aei arora ae kam na iangoira iai: iangoira b'a ana toro Kristo, aika touati i bukin tataekinani baika raba aika ana b'ai te Atua.

2.I-Korinto 4:3

Ao ngkana e rabunaki ara euangkerio, ao e rabunaki nakoia ake a nangi mate;

2.I-Korinto 4:5

B'a ti aki taekinira, ma ti taekina Kristo Iesu b'a te UEA, ao ngaira b'a ami toro i bukin Iesu.

I-Karatia 2:2

I nako b'a tuangau n te kaotioti are roko i rou; ao I tuangiia te euangkerio are I tataekinna i buakoia aomata aika tiaki I-Iutaia; ao I karaoa aei nakoia uake a atoatongaki b'a taani kairiri, ngke ti ngai ma ngaiia, b'a a kaawa ni matebuaka au m'akuri ake I a tia ni karaoi n taai aika nako, ao aika I karaoi ngkai.

I-Ebeto 1:9

ao E a tia ni kaota nako ira nanona ae raba, n ai aron nanona are E tangiria, are E a kamani baireia i nanona;

I-Ebeto 3:11

n ai aron nanona ma ngkoangkoa are E kakoroa irouni Kristo Iesu are ara UEA.

I-Ebeto 3:9

ao te kaota nakoia aomata ni kabaneia aroni m'akurian te baere raba, are karabaki ma ngkoangkoa iroun te Atua are kariki b'aai ni kabane;

I-Ebeto 6:19

ao i buku naba; b'a I aonga n anganaki te taetae, b'a N na kaurea wiiu n aki mamaku, ni kaota te baere raba are n te euangkerio,

I-Korote 2:2

I karaoa aei b'a a aonga ni kauungaki nanoia, n aroia n reitaki n te tangira, ao b'a a aonga n aki nanokokoraki teutana n te atatai, are e na ataaki raoi iai te baere raba, are Kristo, are mairoun te Atua,

I-Korote 4:3

ao kam na tataro naba i bukira, b'a E na karekea nako ira te anga are ti na kona iai n taekina te rongorongo are taekan te baere raba are taekani Kristo, are ngaia, are I kabaeaki iai i bukina;

1.I-Tetaronike 3:13

b'a E na kateimatoai nanomi, b'a a aonga n itiaki ma n akea kabuakakakiia i matan Atuara ae Tamara, ngkana E roko ara Uea are Iesu ma ana aomata aika itiaki ni kabaneia.

2.I-Tetaronike 2:14

E weteingkami nakon aei te Atua n te euangkerio are ti taekinna, b'a kam aonga ni buokanib'ai ma ara Uea are Iesu Kristo n neboakina.

2.I-Tetaronike 3:3

Ma E kakaonimaki te Uea; E na kateimatoaingkami ma ni kawakiningkami mairoun teuare buakaka.

2.Timoteo 1:9

are kamaiura ao E weteira b'a ti na riki b'a ana aomata, tiaki i bukini baika ti a tia ni karaoi, ma i bukin oin ana kaantaninga ma ana akoi, are ti anganaki ngkai ti reitaki ma Kristo Iesu; ao te akoi aei e a kaman tauraoi i bukira ngke a tuai ni karikaki b'aai;

2.Timoteo 2:8

Ko na ururinga Iesu Kristo, are E a manga kamaiuaki mai buakoia maate, are kanoan ana kariki Tawita, n ai aron taekana n te euangkerio are I tataekinna;

Tito 1:2

i bukini kaantaningaan te maiu are aki toki, are E taku te Atua ngke a tuai ni karikaki b'aai, b'a E na angania aomata; ao bon te Atua Ngaia ae aki kona ni kewe,

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.

1.Betero 1:20

E a kaman rineaki n ai aron nanon ma ana baire ma ngkoangkoa te Atua ngke a tuai ni karikaki b'aai, ma E a kaotaki ni boong aikai aika kabaneani boong i bukimi,

1.Betero 5:10

Ao te Atua are mai Rouna te akoi ni kabane, ae weteingkami nakon neboakina ae aki toki ngkai kam reitaki ma Kristo, E na karaoingkami b'a a na nako raoi aromi i mwini marakimi n te tai ae aki maan, ao E na kateimatoaingkami ma ni kakorakoraingkami ma ni kamatoatoaingkami

Te Kaotioti 10:7

Ma ngkana e katanga ana bu te anera are te kaitiman, ao te Atua E na kakororaoa ana kaantaninga are raba, n ai aron are E taekinna nakoia ana toro ake burabeti.