I-Rom 16:12 - Te B'aib'ara

¹² Anga au kamauri nakon Nei Terubaina ma Nei Terubota, ake a m'akuri i bukin te UEA; ao angan naba raoraou are Bereti, are rangi ni m'am'akuri i bukin te UEA.

I-Rom 16:12 ပူးပေါင်းရင်းမြစ်များ

Mataio 5:47

Ao ngkana kam kamauriia ti kaain te Aro, tao a raka riki aromi iai nakoia aomata nako? Tiaki a karaoa naba aei te koraki ake a tuai n onimakina te Atua?

Mataio 9:38

Ma ngaia ae kam na butiia Teuare ana b'ai baikai b'a E na kanakoia taani m'akuri b'a a na rikoi ana uaa.”

I-Rom 16:11

Anga au kamauri nakon au bu are Erorion. Anga au kamauri nakon ana utu Narekito, ake a onimakina naba te UEA.

I-Rom 16:13

Anga au kamauri nakon Rubo are e rangi ni moamoa arona ni m'akuri i bukin te UEA; ao anga naba au kamauri nakon tinana, are e tabeakinai b'a kaanga ai aron natina ngai.

1.I-Korinto 15:10

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

1.I-Korinto 15:58

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

1.I-Korinto 16:16

kam na karineia n iri nanoia te koraki akana ai aroia nakanne, ma aomata nako akana buobuoka te m'akuri, ao akana m'am'akuri.

I-Korote 1:29

ao anne bukin ae I kekeiaki m'aaka naba ni m'akuri, ao I kamanena te korakora ae bati are E anganai Kristo, ao ae e m'am'akuri i nanou.

I-Korote 4:12

E kamauringkami Eb'abera, ae raomi, ae ana toro Kristo Iesu, ae e aki toki ni kakorakora n tatataro i bukimi b'a kam aonga n ata raoi te bae E tangiringkami iai te Atua b'a kam na karaoia, ao b'a kam na kabanea ni karaoia.

1.I-Tetaronike 1:3

ngkai ti aki toki, i matan te Atua are Tamara n ururinga ami m'akuri ae kanoan ami onimaki, ma ami m'akuri korakora ae kanoan ami tangira, ao ami kaantaninga ae nene i nanon ara Uea are Iesu Kristo.

1.Timoteo 4:10

B'a ti kakorakoraira ni m'akuri ao ti kekeiaki m'aaka i bukina ngkai ti onimakina te Atua ae maiu, ae aia Tia Kamaiu aomata ni kabaneia, ai moara riki te koraki aika onimaki.