I-Rom 15:8 - Te B'aib'ara

⁸ I tuangngkami b'a E roko Kristo b'a te tia buokiia I-Iutaia, ni kaotia nakoia b'a E a tia ni kakaonimaki te Atua ni kakoroa bukin ana taeka n akoi ake E taekin nakoia aia bakatibu ake a kakannato;

I-Rom 15:8 ပူးပေါင်းရင်းမြစ်များ

Taeka n Rabakau 8:7

I aki toki n tataekina te koaua ao I aki kan taekina te kewe.

Mika 7:20

Ko na kaota Am kakaonimaki ao Am tangira ae e teimatoa nakoia Am aomata, aika kanoaia Aberaam ao Iakob'a, n ai aron are Ko berita iai ngkoa nakoia ara bakatibu.

Mataio 15:24

Ao Ngaia E kaekaia ni kangai, “I kanakoaki nakoia ti tiibu ake a bua ake Iteraera.”

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

Ioane 1:11

E roko i abana ni koaua, ma a aki m'aneia n akoia kaain abana.

Ioane 10:16

Iai au tiibu tabeman aika aki mena i buakoia tiibu aikai; e riai b'a N na kairiia naba, ao a na ongo b'anaau. N te aro aei, ao a na riki b'a te nanai ae ti teuana, ao ti temanna te tia kawakinia.

M'akuri 13:46

Ao a taetae ma te ninikoria B'auro ma B'arenaba ni kaangai, Bon te b'ai ae riai taekinani moa ana taeka te Atua nakoimi. Ma ngkai kam rawa iai, ma ni baireia n ami iango b'a kam aki riai n anganaki te maiu are aki toki, ao noria, ti nangi nako ni kawariia aomata aika tiaki I-Iutaia.

I-Rom 11:22

Ko nora ngkanne aron ana ataataiaomata te Atua ao arona ni matoatoa: E matoatoa nakoia ake a tia ni b'aka, ma E ataataiaomata nakoimi, ngkana kam teimatoa n onimakina arona nakoimi. Ma ngkana kam aki, ao ane kam na koreaki ni kaakaki.

I-Rom 11:30

B'a kam a tia ngkami aika tiaki I-Iutaia n aki ongeaba nakon te Atua ngkoa; ma ngkai, kam a nanoangaki i bukin aia aki-ongeaba I-Iutaia.

I-Rom 15:16

b'a ana tia m'akuri Iesu Kristo ngai i bukiia aomata aika tiaki I-Iutaia. I m'akuri b'a ai aron te ibonga ngai n tataekina ana euangkerio te Atua, b'a a aonga n riki aomata aika tiaki I-Iutaia b'a ai aroni karea aika E na kukurei te Atua i rouia, aika a tia ni katabuaki i bukina iroun te Tamnei are Raoiroi.

I-Rom 3:26

ma n taai aikai ao E mutiakin aia bure aomata, b'a E na kaota arona ae eti; n te aro aei ao E a kaotia iai te Atua b'a E b'ab'aina te eti, ao E kaeti aroia aomata nako aika onimakina Iesu, n reitakiia ma Ngaia.

I-Rom 3:3

B'a tera? Ngkana a aki kakaonimaki tabem'aang, ao e na uruaki ana kakaonimaki te Atua n aia aki-kakaonimaki?

I-Rom 4:16

Ma ngaia ae iai te taeka n akoi i bukin te onimaki, b'a e na kaotaki aron te taeka n akoi aei b'a bon ana b'ai n tituaraoi te Atua, ao e na teimatoa arona i bukiia ana kariki Aberaam ni kabaneia; tiaki ti nakoia ake a ongeaba nakon te tua, ma nakoia naba ake a onimaki n ai aron Aberaam:

1.I-Korinto 1:12

Ae I nanonna n au taeka aei bon aei: b'a kam kangai n tatabemaningkami nako, “Raoni B'auro ngai”; ke, “Raon “Aboro ngai”; ke, “Raoni Keeb'a ngai”; ke, “Raoni Kristo ngai.”

1.I-Korinto 10:19

Tera ae I nanonna ngkanne n au taeka? I nanona iai kakawakini karean te bouannanti, ke kakawakin te bouannanti?

1.I-Korinto 10:29

Ae I taekinna, tiaki mataniwin nanom, ma mataniwin nanon teuarei. “B'a bukin tera ngkae e na baireaki aron inaomatau ni mataniwin nanon temanna?

1.I-Korinto 15:50

Ao aio au taeka, taari: e aki kona ni karekea uean te Atua te iriko ma te raraa, ao e aki kona naba ni karekea te aki mka te mka.

2.I-Korinto 1:20

B'a boni Ngaia te “Eng” nakon ana taeka n akoi ni kabane te Atua; ao i Rouna naba te “Amen” are ti neboa iai te Atua.

I-Ebeto 2:12

ao kam tuai n reitaki ma Kristo ngkekei, ngke kam ianena nakoia te botannaomata ae Iteraera, ao akea nnemi n taiani boraraoi ake kanoan te taeka n akoi, akea ami kaantaninga ao kam aki reitaki ma te Atua ni maiumi i aon te aba aei.