I-Rom 15:5 - Te B'aib'ara

⁵ Ao te Atua are e riki mai Rouna taotaonan te nano ma kabebetean te nano, E na anganingkami te nano ni bonnano are e reke ni katotongan aroni Kristo Iesu,

I-Rom 15:5 ပူးပေါင်းရင်းမြစ်များ

2.Rongorongo 30:12

Ao te Atua e karaoia aomata ni kabane i Iuta b'a a na rangi ni kan karaoi b'aai ake a tuangaki irouia Etekia ma ana mataniwi.

Taian Areru 86:5

Te UEA, Ko raoiroi ao Ko kab'ab'arai buure; E bati am Tangira nakoia akana tataro nakoim ni kabaneia.

Te Otinako 34:6

Ao i mwiina, e ri matan Moote ao e weewete ni kaangai, “Bon te UEA Ngai ae te Atua. I nanoanga ao I taotaonaki n nano nakoia au aomata. I kaota nakoim te tangira ae e korakora, ao te kakaonimaki.

Ieremia 32:39

N angan nanoia te kantaninga ae ti teuana n te maiu aei b'a: neboakiu n taai nako, are e na bon nako ia mwiina ae e raoiroi ma aia kariki.

Etekiera 11:19

Ao i mwiina, N na taekiinako taningabonomi ma ni karikingkami b'a kam na rangi ni kan kakaonimaki raoi. Ane kam na tangiria n ongotaeka i Rou

M'akuri 4:32

A b'aina te nano ae ti teuana taan onimaki ake a bati, ao akea temanna i rouia ae tauti n ana b'ai; ma a buokanib'ai n aia b'ai nako.

I-Rom 12:16

Kam na kabobo nanomi. Tai b'aina te nano ni kani kakannato riki nakoia tem'angina, ma kam na kukurei n i raorao ma akana mangori. Tai iangoingkami b'a kam wanawana.

I-Rom 15:13

Ao te Atua are e riki mai Rouna te kaantaninga, E na kaon nanomi n te kim'areirei ni kabanea ma te rau i bukina ngkai kam onimakinna, b'a e aonga n teimatoa ami kaantaninga ni m'aakan te Tamnei are Raoiroi.

I-Rom 15:3

B'a E aki kakukureia i bon i rouna Kristo; n ai aron are koreaki ni kaangai, “A b'akarai aia taeka n iowawa ake a taetae n iowawa nako im.”

1.I-Korinto 1:10

I bubutingkami, taari, n aran ara UEA are Iesu Kristo, b'a kam na kaboraoi nanomi. A na akea te i kakaiwi i marenami, ma kam na reitaki n te nano ae ti te arona, ao n te kaantaninga ae ti te arona.

2.I-Korinto 13:11

Te kabanea, taari, kam na kakatonga, kam na kanako raoi aromi, kam na karau nanomi, kam na b'aina te nano ae ti te arona, kam na raoi; ao E na mena i roumi te Atua are e reke mai Rouna te tangira ma te raoi.

2.I-Korinto 7:6

Ma te Atua are karau nanoia akana b'ara nanoia E karau naba nanora n rokon Tito.

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

I-Biribi 1:27

Kam na ti kakaraoa ae boraoi ma nanon ana euangkerio Kristo; b'a ngkana I roko n noringkami, ke ngkana tao I mena n te tabo teuana, ao I kan ongo rongorongomi, b'a kam teimatoa n aromi ni maiu b'a kanga te tamnei ae ti teuana, ni kakorakoraingkami b'a kanga te aomata ae ti temanna, i bukin te onimaki are reke man te euangkerio;

I-Biribi 2:2

ao kam na kaona au kim'areirei, b'a kam na i buoka n iango, kam na b'aina te tangira ae ti te arona, kam na katiteuanaki n ami iango b'a kanga ai aron temanna n aomata ngkami:

I-Biribi 3:16

Ma ae ti a roko iai, ao ti na nakonako iai n te kawai naba anne.

I-Biribi 4:2

I butiia Nei Euoria ma Nei Tuntuke, b'a a na b'aina te nano ae ti te arona ngkai a reitaki ma te UEA.

1.Betero 3:20

Ake te koraki n aki ongeaba nakon te Atua ngke E tataninga ma te taotaonaki n nano ni boong ake e kabaa iai ana kaibuke Nooa; are a kamaiuaki i nanona ti tabeman te aomata, aika waniman, n te ran.

1.Betero 3:8

Kabanean au taeka ngkanne: kam na bane ni b'aina te nano ae ti te arona, ma te namakin ae ti te arona; kam na tangiriia raomi ni Kristian, kam na nanoanga, ao kam na nanorinano.

2.Betero 3:15

Kam na tara taotaonan nanon ara Uea b'a te kawai i bukini kamaiuami, n ai aron are e koroia naba nakoimi tarira are tangiraki are B'auro, n ai aron te rabakau are e anganaki.

2.Betero 3:9

E aki baenikai te Uea ni karaoa nanon ana taeka n akoi, n ai aron are a taku tem'angina n aia iango; ma E taotaona nanona nakoimi i bukina b'a E aki tangira temanna i buakomi b'a e na mate, ma E tangiriia aomata ni kabaneia b'a a na rairi nanoia.