I-Rom 15:28 - Te B'aib'ara

²⁸ Ma ngaia aei, ngkana I a tia ni karaoa aei, ma n anganiia naba rab'atan te m'aiti ni m'ane are e a tia ni bobotaki i bukiia, ao N na karoko iroumi i aoni kawaiu nako Tibein.

I-Rom 15:28 ပူးပေါင်းရင်းမြစ်များ

Taeka n Rabakau 19:21

Ti konaa ni karaoi ara babaaire aika a bati, ma e na bon karaoa are e bon baaireia te UEA.

B'aeb'aeti 3:37

Bon akea ae kona ni karaoa are e taku ngkana tiaki nanon te Atua.

Mataio 27:66

Ao a nako, ao a kamatoa te nne ni mate arei, ao a kaki te kanikina i aona ni kaotia iai b'a akea ae na kam'akura te atibu; ao a katikuia tautia ikekei b'a a na tantani i rarikin te nne ni mate.

Ioane 3:33

Ane butim'aea ana rongorongo ao e kaotia ae e kakoaua b'a E koaua te Atua.

M'akuri 19:21

Ngke a tia n riki baikekei, ao e moti i nanoni B'auro b'a e na ri nuukani M'aketonia ma Akaia n nako Ierutarem, ao e kaangai, I mwin rokou i Ierutarem, ao e riai b'a N na nora naba Rom.

I-Rom 15:24

Ngkana I m'ananga nako Tibein; ao I kaantaningaia b'a N na noringkami i aoni kawaiu n au tai ni m'ananga, ao ni bakaborauaki nako iai iroumi i mwin tiau n nora aroni kakukurein te mena i buakomi i nanon te tai ae kimototo.

I-Biribi 4:17

Tiaki nanona b'a I kani karekea te b'ai n tituaraoi, ma I tangira aromi n angab'ai.

I-Korote 1:6

are roko i roumi ao i aonnaba ni kabane: ao e kariki uaa ma n riki rake naba i nanomi man te bong are kam ongo taekana iai, ao n ata raoi ana akoi te Atua n arona ni koaua.