I-Rom 14:8 - Te B'aib'ara

⁸ B'a ngkana ti maiu, ao ti maiu i bukin te UEA, ao ngkana ti mate, ao ti mate naba i bukin te UEA. Ma ngaia ae ngkana ti maiu ke ti mate ao ana b'ai naba te UEA ngaira.

I-Rom 14:8 ပူးပေါင်းရင်းမြစ်များ

Ruka 20:38

B'a te Atua tiaki Atuaia ake a mate, ma Atuaia ake a maiu; b'a iroun te Atua, a bane ni maiu.”

Ioane 21:19

E atonga aei Iesu b'a E na kaota aroni mateni Betero, are e na neboa te Atua iai. Ngke E a tia n atonga aei, ao E taku nakoni Betero, “Ko na irai!”

M'akuri 13:36

B'a ngke e a tia Tawita n tou mwin nako ana taeka te Atua n ana roro, ao e mate, ao e kaweneaki rab'atana i rarikiia ana bakatibu, ao e mka rab'atana.

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

M'akuri 21:13

E taku ngkanne B'auro nakoia, “Tera ae kam karaoia ngkai kam katumaua te tang, ma n urua nanou? B'a I a tauraoi nakon tiaki ti te kabaeaki, ma nakon naba te mate i Ierutarem i bukin aran te UEA are Iesu.”

1.I-Korinto 15:23

Ma iai bairean temanna ma temanna ngkana e a manga kamaiuaki mai buakoia maate: b'a Kristo moa, ao rimwi te koraki ake a onimakinna ngkana E roko;

I-Biribi 1:20

n ai aron nanou ae korakora ma au kaantaninga b'a N na aki mamaa n te b'ai teuana, ma N na rangi n ninikoria n taetae n ai aron aroarou n taai nako ao ngkai naba, ni kaota neboakini Kristo n rab'atau, tao ni maiu ke ni mateu.

I-Biribi 2:17

Ami onimaki ma ami m'akuri aika kam karaoi b'a kanga ibonga ai aron te karea nakon te Atua; ao tao N na kamateaki, ao n te aro aei N na riki b'a ai aron te karea are te raraa are kab'aroaki i aon te karea. Ngkana arona b'a e riki aei, ao N na boni kim'areirei, ao N na kim'areirei ma ngkami;

I-Biribi 2:30

b'a e kaania matena i bukin ana m'akuri Kristo n aki mutiakina maiuna, b'a e aonga n anganai buokau n aron are aki kona n reke mai roumi.

1.I-Tetaronike 5:10

are mate i bukira, b'a ti na uaia ni maiu ma Ngaia ngkana tao ti maiu ke ti mate.

Te Kaotioti 14:13

Ao I ongo te b'ana mai karawa b'a e kaangai, “Ko na korea ae kaangai, A a kab'aia maate akana mate ma ngkai, n aki raure ma aia Uea.” E taku te Tamnei, “Bon te koaua, b'a a na motirawa man aia m'akuri ae korakora; b'a a airi taekan aia m'akuri ma ngaiia.”