I-Rom 14:4 - Te B'aib'ara

⁴ Antai ngkoe b'a ko na bairea taekan ana toro temanna ni kabuakaka? Bon ana toka ae na bairea taekana b'a e nako raoi ana m'akuri ke e aki. Ma ane e na nako raoi ana m'akuri te toro, b'a E kona te Atua ni buokia b'a e aonga n nako raoi ana m'akuri.

I-Rom 14:4 ပူးပေါင်းရင်းမြစ်များ

Taian Areru 17:5

I a tia n taai nako n iririko n toua kawaim ao I tuai man tibanako mai iai.

Taian Areru 37:17

B'a ane e na anai korakoraia akana buakaka te UEA, Ao E na buokiia akana raoiroi.

Taian Areru 37:24

Ngkana e tata nako, ao e na aki b'aka. B'a E na taua baina te UEA.

Taian Areru 37:28

E tangira te kaetitaeka ae eti te UEA, ao E aki kitaniia ana Aomata aika kakaonimaki: E kakawakiniia n aki toki, ma a na kakioaki nako aia kariki aomata aika buakaka.

Itaia 40:29

Bon te UEA ae e anga te korakora nakoia aika a kua.

M'akuri 11:17

Ma ngaia are, ngkana a anganaki aomata aika tiaki I-Iutaia te b'ai n tituaraoi iroun te Atua, ae ti te bo arona ma are E anganira, ngke ti onimakina te UEA are Iesu Kristo, ao antai ngai b'a N na tuka te Atua?

I-Rom 11:23

Ao te koraki ake m'aanga ake a oteaki ni kaakaki, ngkana a toki man aroia n aki onimaki, ao a kona ni manga kaokaki nakon aroia are rimoa; b'a E kona te Atua ni karaoia.

I-Rom 14:3

Te aomata are kang am'arake nako e na aki kakeaa bongan te aomata are iai baika e aki kona ni kang; ao te aomata are kang ti am'arake man aroka nako ke e tai kabuakaka te aomata are kang am'arake nako, i bukina b'a e butim'aeaki arona anne iroun te Atua.

I-Rom 16:25

Ti na neboa te Atua! B'a E kona ni kateimatoaingkami n te euangkerio are I tataekinna, are rongorongon Iesu Kristo, ao ni kaotiotan te baere raba are karabaki ma ngkoa i nanon rooro ma rooro;

I-Rom 9:20

Nao! Antai ngkoe b'a ko na kaekaa te Atua? Iai riain te b'ai ae e karaoaki man te bokaboka b'a e na kaekaa te aomata are karaoia ni kaangai, “E aera ngkai ko karaoai n arou aei?”

Ebera 7:25

Ma ngaia ae E kona ngkai ao n taai nako ni kamaiuia akana nako n te Atua i Rouna, ngkae E maiu n aki toki b'a E na bubuti i bukiia.

1.Betero 1:5

ngkami aika kam kawakinaki ni m'aakan te Atua n te onimaki, i bukin te kamaiuaki ae e tauraoi ni kaotaki n te kabanea n tai.

Iuta 1:24

Ao ana b'ai Teuare kona ni kawakiningkami b'a kam na aki b'aka, are kona naba ni kaakingkami i matana ni mimitongina b'a aomata aika itiaki ma ni kim'areirei,