I-Rom 14:22 - Te B'aib'ara

²² Am onimaki ane i roum ae kaeti ma baikai, bon am b'ai i marenam ma te Atua. E a kab'aia te aomata are namakinna b'a e aki kabuakakaki n are karaoia ngkana e koaua iai b'a e aki bure.

I-Rom 14:22 ပူးပေါင်းရင်းမြစ်များ

M'akuri 24:16

Ao ngaia aei ae I kakorakoraai iai b'a N na aki toki ni b'aina te nano ae itiaki i matan te Atua ao i mataia aomata.

I-Rom 14:14

Ngkai I reitaki ma te UEA are Iesu n au onimaki, ao I bon ataia raoi b'a akea te b'ai ae kam'ara n arona are e karikaki iai; ma ane taku b'a e kam'ara te b'ai teuana, ao e boni kam'ara i bukina.

I-Rom 14:2

E taku temanna n ana koaua b'a e riai i rouna te kang am'arake ni kabane, ao temanna ae mamara n ana onimaki e taku b'a e riai i rouna te kang am'arake man aroka nako.

I-Rom 14:23

Ma ane nanokokoraki ngkana e am'arake, ao e kabuakakaki iai i bukina b'a e aki karaoia ma te nano n onimaki; b'a te bae karaoaki ma te aki onimaki bon te bure.

I-Rom 14:5

E taku temanna b'a e kakannato riki te bong teuana nakoni boong ni kabane, ao temanna e taku b'a ti te bo aroni boong nako. Ke a kareke nanoia aomata nako aika a na aki katiotioaki aia iango iai.

I-Rom 2:1

Ma ngaia ae bon akea aonam, ngkoe ae te aomata ae ko taku n am baire b'a a buakaka aomata nako: b'a ane ko taku b'a e buakaka, ao ko boni motika naba iai taekam ni kabuakakako, i bukina b'a ngkoe ae ko kabuakaka ko boni karaoi naba baikai.

I-Rom 7:15

B'a I aki atai nanoni baika I karaoi: b'a ae I kani karaoia ao I aki karaoia, ao ae I ribaia ao I karaoia.

I-Rom 7:24

Te aomata ae kananoanga ngai! Ai antai ae na kamaiuai man te rab'ata aei ae uotai nakon te mate?

1.I-Korinto 8:7

Ma a aki bane aomata nako n ata te koaua aei. A a tia n taneiai aomata tem'angina ma bouannanti, ao a taku naba ngkai b'a ngkana a kang am'arake ake karea nakoni bouannanti, ao a kang iai kanaia bouannanti aika maiu; e a kanganga i rouia ae a na ataia b'a e eti ke e aki are a karaoia, ao e a reke i rouia te namakin ae a taku b'a a kam'ara iai ngke a kang.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

I-Karatia 6:1

Taari, ngkana e bure te aomata temanna, ao ngkami akana kam kairaki iroun te Tamnei, kam na manga kaetia n te nano ae nimamanei; ma ko na tarataraiko, b'a ko kaawa ni manga kaririaki naba ngkoe.

Iakobo 3:13

Antai te aomata ae rabakau ae atatai i buakomi? E na kaotia ni maiuna ae e raoiroi ao n ana m'akuri aika raraoi aika e karaoi ma te nimamannei ao te rabakau.

1.Ioane 3:21

Ngkami aika kam tangiraki, ngkana a aki kabuakakaira nanora, ao ti aki maaku i matan te Atua;