I-Rom 14:17 - Te B'aib'ara

¹⁷ B'a tiaki uean te Atua te am'am'arake ma te momooi, ma bon te katei ni maiu are karaoan nanon te Atua, ma te rau, ma te kim'areirei ake ti anganaki iroun te Tamnei.

I-Rom 14:17 ပူးပေါင်းရင်းမြစ်များ

Itaia 32:17

Ao ane e na kaotinakoa te rau ao te kamanoaki ae akea tokina.

Itaia 45:24

A na kakoaua b'a bon ti te Atua Ngai ae I karokoa te kaetitaeka ae eti. Ane e un ma ngai e na bon rangi ni kamaamaaeaki ao e na rairaki nako iu.

Itaia 55:12

Kam na karaoa ami bootaki ni kukurei, ngkana kam a kainaomataaki ma ni m'ananga n okiri ami auti ma te rau. Ane a na anene taiani maunga ao taian tabuki ngkana kam rirarikiia, ao ane a na uboubo taian aroka.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Taniera 9:24

Itiua m'aitin te itibwi te ririki, bon maanin te tai are e na roko iai kainaomatakiia am Aomata ma te kaawa are e tabu man te bure ao te b'ai ae e kam'araa iroun te Atua. A na kab'araaki buure, ao e nangi roko te eti ae akea tokina, b'a e aonga ni koro bukin te kaotioti ma te taetae ni burabeti, ao e na manga katabuaki te Tembora.

Mataio 3:2

ao e taku, “Rairi nanomi, b'a e a kan roko Uean te Atua!”

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

Ruka 14:15

Ngke e ongo taeka aikai temanna i buakoia aomata ake a rarikiriki n am'arake ma Iesu, ao e taku nako Ina, “E a kab'aia te aomata are na am'arake n uean te Atua!”

Ioane 16:33

I atongi baikai nakoimi b'a e aonga n reke iroumi te rau ngkana kam reitaki ma Ngai. Ami b'ai i aon te aba te rawawata; ma kam na ninikoria, b'a I a tia ni kataea ana kai te aba.”

Ioane 3:3

E kaeka Iesu ao E taku, “Bon te koaua ae I a tuangko b'a ngkana e aki manga bungiaki” te aomata, ao e aki kona n nora uean te Atua.

Ioane 3:5

E taku Iesu, “Bon te koaua ae I a tuangko, b'a ngkana e aki bungiaki te aomata n te ran ma te Tamnei are Tabu, ao e aki kona n rin n uean te Atua.

M'akuri 13:52

Ao a kaonaki reirei ake i Antioka n te kim'areirei ao n te Tamnei are Raoiroi.

M'akuri 9:31

E wene n rau ngkanne te ekaretia i aon Iutaia ni kabuta, ma Kariraia, ma Taamaria, ao e kateimatoaki; a kaotia ni maiuia kaaina b'a iai karinean te Atua i rouia, ao e rikirake m'aitini kaaina n ana buobuoki te Tamnei are Raoiroi.

I-Rom 15:13

Ao te Atua are e riki mai Rouna te kaantaninga, E na kaon nanomi n te kim'areirei ni kabanea ma te rau i bukina ngkai kam onimakinna, b'a e aonga n teimatoa ami kaantaninga ni m'aakan te Tamnei are Raoiroi.

I-Rom 8:6

B'a nanon te rab'ata bon te mate, ma nanon te Tamnei are Raoiroi bon te maiu ao te raoi.

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

1.I-Korinto 4:20

B'a uean te Atua e a noraki arona ni maiuia aomata ni baika karaoi ma tiaki n taeka ake a atong.

1.I-Korinto 6:9

Kam ataiia aomata aika buakaka b'a e aki reke i rouia uean te Atua? Kam na tai kababaingkami; e aki reke uean te Atua irouia taani wene ni bure, ma taan taromauri bouannanti, ma aomata aika aki kakaonimaki nakon aia berita ni mare, ma mm'aane aika baka ni kan aine, ma mm'aane aika bure ma mm'aane,

1.I-Korinto 8:8

Ma akea aron te am'arake ae na karaoiroaki riki iai reitakira ma te Atua. Akea te bae ti na buakaka riki iai ngkana ti am'arake, ao akea naba te bae e na karaoiroira riki iai ngkana ti am'arake.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

I-Biribi 2:1

Ma ngaia aei, ngkai e reke karauan te nano irouni Kristo, ngkai iai kaungaan te nano n te tangira, ngkai iai te i-raorao ma te Tamnei, ngkai iai te ataataiaomata ma te nanoanga,

I-Biribi 3:3

B'a boni ngaira ma ngkami kaain te korotabonim'aneaki ni koaua, aika ti taromauria te Atua iroun Tamneina, ma ni kamoamoa irouni Kristo Iesu, ao ti aki onimakina te rab'ata,

I-Biribi 3:9

ao I aonga n noraki n arou n reitaki ma Ngaia, b'a e aki reke kaetan arou n reitaki ma te Atua n te Tua, ma e reke n onimakinani Kristo; kaetan arou aei boni mairoun te Atua, ao e reke i bukin te onimaki.

I-Biribi 4:4

Kam na kim'areirei ngkai kam reitaki ma te UEA n taai nako; ao N na manga atonga riki ae kaangai, Kam na kim'areirei.

I-Biribi 4:7

Ao te rau are mairoun te Atua, are te rau are aki konaaki n ataaki teutana, e na kawakin nanomi ma aia iango nanomi ngkai kam reitaki ma Kristo Iesu.

I-Korote 1:11

ngkai kam kakorakoraki n te kakorakora ni kabanea, are nako mani m'aakana ae kamimii, b'a e aonga n reke i roumi te nanom'aka ni kabanea ma te taotaonaki n nano ma te kim'areirei;

1.I-Tetaronike 1:6

Kam riki b'a taani kakairi i roura ma te Uea, ngke kam butim'aea ana taeka ma te kim'areirei are mairoun te Tamnei are Raoiroi, i buakon rawawatami ae bati:

1.I-Tetaronike 2:12

Ni kaungaingkami, ma ni kabebeteingkami, ma n tuatuangkami b'a kam na b'aina te maiu ae boraoi ma nanon te Atua, ae weteingkami nako nanon ueana ma neboakina.

Ebera 13:9

A na tai anaaki nanomi n aeka n reirei nako aika kaokoro ma taekan te euangkerio. B'a e raoiroi ae reke kateimatoan te nano n te akoi, ma tiaki n taian am'arake, aika akea kab'aiaia iai akana katabeia iai.

1.Betero 1:8

are kam tuai n noria, ma kam tangiria naba; are kam aki noria ngkai, ma kam onimakinna naba, ao kam kim'areirei n te kim'areirei ae rangi ni bati ae aki konaaki ni kab'araki arona n taian taeka;

2.Betero 1:1

Mairoun Timon Betero, ae ana toro ma ana tia tuatua Iesu Kristo, nakoia akana reke i rouia te onimaki ae kakawaki ae ti te arona ma ara onimaki, ae reke n ana raoiroi Atuara ma ara Tia Kamaiu are Iesu Kristo.