I-Rom 14:15 - Te B'aib'ara

¹⁵ B'a ngkana e rawawata nanon tarim i bukini kanam, ao ko aki nakonako n te aro n tangira. Tai urua maiun temanna are E mate Kristo i bukina, n te am'arake are ko kanna.

I-Rom 14:15 ပူးပေါင်းရင်းမြစ်များ

Etekiera 13:22

A karaoi b'aai aika N na bon aki karaoi. A keweia aomata aika a raoiroi ao a kaungaia b'a a na karaoi m'akuri aika a kaairua, ao a anai nanoia aomata aika a buakaka b'a a na teimatoa ni karaoa te bure ma ni kaburei toroni maiuia.

I-Rom 13:10

Ane tangira raona n aomata ao e aki kona ni karaoa ae buakaka nakoina. Ma ngaia ae b'ainan te tangira boni kakoroan nanon te Tua ni kabane.

I-Rom 14:20

Tai urua ana m'akuri te Atua i bukini kanam. Akea te am'arake ae kam'ara, ma e bure kanakin te am'arake are e na riki b'a te b'ai ni kab'akab'aka nakon temanna.

I-Rom 15:2

Ti na bane n tatabemaniira nako ni kakukureia raora ni baika na bongana i bukiia, b'a a aonga ni buokaki aia onimaki ni kakorakoraki.

1.I-Korinto 13:1

I kaota nako imi te aro ae moan te raoiroi riki: ngkana iai i rou te kona n taetae n taetaen aaba nako ma aia taetae anera, ma ngkana akea te tangira i rou, ao I riki n ai aron te b'ai ni katangitang ae te buraati ae e karongoa tangina, ma te b'ai ni katangitang ae te timbara ae e karongoa naba tangina.

1.I-Korinto 8:1

Ti na nori taekan am'arake ake karea nakoni bouannanti: ti ataia b'a “ti bane n atatai”, n ai aron aia taeka tem'angina. E karika te kainikatonga te atatai, ma te tangira e buokia aomata b'a a na teimatoa.

I-Karatia 5:13

B'a kam weteaki nakon te aro n inaomata, taari; ma kam na tai b'aina te aro n inaomata b'a aonami i bukini baika e tangiri te rab'ata; ma kam na i torotoro iroumi n te tangira.

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.

1.Ioane 2:2

boni Ngaia te kareanraoi i bukin ara bure; ao tiaki ti ara bure, ma aia bure naba kaain aonnaba ni kabaneia.