I-Rom 14:14 - Te B'aib'ara

¹⁴ Ngkai I reitaki ma te UEA are Iesu n au onimaki, ao I bon ataia raoi b'a akea te b'ai ae kam'ara n arona are e karikaki iai; ma ane taku b'a e kam'ara te b'ai teuana, ao e boni kam'ara i bukina.

I-Rom 14:14 ပူးပေါင်းရင်းမြစ်များ

Mareko 7:2

A noriia tabem'aang i buakoia ana reirei Iesu b'a a am'arake ma baiia aika aki itiaki, b'a a tuai n teboki n ai aron are a tataneiai iai B'aritaio

M'akuri 10:28

E taku nakoia, “E ataaki iroumi b'a e aki riai n taekan te tua, b'a te aomata ae te I-Iutaia e na i raorao ma kaain te aba teuana, ke e na kawaria; ma E a tia te Atua ni kaotia nako iu b'a akea te aomata temanna ae N na atongnga b'a e aki itiaki ke e kam'ara.

I-Rom 14:2

E taku temanna n ana koaua b'a e riai i rouna te kang am'arake ni kabane, ao temanna ae mamara n ana onimaki e taku b'a e riai i rouna te kang am'arake man aroka nako.

I-Rom 14:20

Tai urua ana m'akuri te Atua i bukini kanam. Akea te am'arake ae kam'ara, ma e bure kanakin te am'arake are e na riki b'a te b'ai ni kab'akab'aka nakon temanna.

I-Rom 14:23

Ma ane nanokokoraki ngkana e am'arake, ao e kabuakakaki iai i bukina b'a e aki karaoia ma te nano n onimaki; b'a te bae karaoaki ma te aki onimaki bon te bure.

1.I-Korinto 10:25

Kam na kang am'arake nako akana kaboaki man te tabo ni kabo iriko-maiu n aki neneri taekaia i bukini mataniwin nanomi.

1.I-Korinto 8:10

B'a ngkana ko noraki, ngkoe ae iai am “atatai”, iroun temanna ae mamara mataniwin nanona b'a ko rarikiriki n am'arake i nanon te tabo are e tataromauriaki iai te bouannanti, ao tiaki e na buokaki iai nanona n noram i rouna b'a e na kang am'arake ake karea nakoni bouannanti?

1.I-Korinto 8:7

Ma a aki bane aomata nako n ata te koaua aei. A a tia n taneiai aomata tem'angina ma bouannanti, ao a taku naba ngkai b'a ngkana a kang am'arake ake karea nakoni bouannanti, ao a kang iai kanaia bouannanti aika maiu; e a kanganga i rouia ae a na ataia b'a e eti ke e aki are a karaoia, ao e a reke i rouia te namakin ae a taku b'a a kam'ara iai ngke a kang.

1.Timoteo 4:4

B'a a bane n raraoi baika karikaki iroun te Atua, ao akea te b'ai teuana ae na kakiaki, ngkana e anaaki ni katituaraoaki te Atua iai,

Tito 1:15

A bane n itiaki b'aai nakoia akana itiaki; ma akea te b'ai ae itiaki nakoia akana kam'ara i bukin aia bure ma akana aki onimaki, b'a a uaia ni kam'ara nanoia ma mataniwin nanoia.