I-Rom 14:10 - Te B'aib'ara

¹⁰ Ao ngkoe, ko aera ngkai ko motika taekan tarim? Ao manga ngkoe, ko aera ngkai ko kakeaa bongan tarim? B'a ane ti na bane n tei i matan te Atua b'a a na motikaki taekara i rouna.

I-Rom 14:10 ပူးပေါင်းရင်းမြစ်များ

Te Minita 11:9

Ko riai ni kukurei ma ni kim'areirei n te maiu aei ngkai ko rikirake! Karaoa ae ko tangiria, ao kakaaea te kukurei n te b'ai ae ko nooria. Ma ko na tai m'aninga ae E na motika taekam te Atua ni b'aai ni kabane aika ko karaoi.

Te Minita 12:14

Te Atua, E na motikitaekan b'aai nako aika ti karaoi, e ngae ngkana ti karaoa te b'ai teuana ni karabaa, te b'ai ae e raoiroi ke ae e buakaka.

Mataio 7:1

Tai motiki taekaia aomata ni kabuakakaia, b'a E kawa ni motikaki taekami ni kabuakakaki iroun te Atua.

Ruka 18:9

E taekina naba te rongorongo ni kabotau aei Iesu nakoia tabem'aang ake a taku i nanoia b'a a raoiroi, ao a kakeai bonganaia aomata nako:

Ruka 23:11

Ao Erote ma ana tautia, a kaota te aro n aki karinerine nako Ina, ao a kakanikoa; ao ngkanne a katokaa i aona te kunnikai ae tamaroa, ao a manga kaokia nakoni Birato.

Ioane 5:22

B'a akea ae motika taekana te Tama, ma E angan te Nati te motiki-taeka ni kabane;

M'akuri 10:42

Ao E tuangiira b'a ti na tataekina te euangkerio nakoia aomata, ao ti na kaotiotia b'a boni Ngaia are rineaki iroun te Atua b'a te tia motiki taekaia akana maiu ma akana mate.

M'akuri 17:31

i bukina b'a E a tia ni motika te bong are E nang kaeti iai taekaia kaain aonnaba n te raoiroi iroun te Aomata are E a tia n rineia; ao E kaota koauana nakoia aomata ni kabaneia, ngke E a manga kamaiua mai buakoia maate.

M'akuri 4:11

Boni Ngaia te atibu are e kakeaki bongana iroumi, ngkami aika taani kateitei ma bon te atibu ae moan te kakawaki, b'a bouan te maninganinga,

I-Rom 2:16

Ma ngaia are, n reitaki ma kanoan te euangkerio ae I tataekinna, ao bon aei aron te bae e na riki n te bong arei, ngkana E motiki taekaia aomata te Atua i nanon Iesu Kristo ni kaeti ma iango ake a raba i nanoia aomata.

1.I-Korinto 4:5

Ma ngaia ae kam na tai motika taekan te aomata i m'ain taina raoi, are tain rokon te UEA, are E na kaoti b'ain te roo aika raba, ao E na kaoti naba iango aika raba i nanoia aomata. Ao ngkanne ane a na anganaki aomata nako kamoamoaaia mairoun te Atua.

2.I-Korinto 5:10

B'a ti na boni bane ni kateaki i matan ana kaintoka ni motikitaeka Kristo, b'a e aonga n anganaki temanna ma temanna booni mwin ana m'akuri ni kabane ake e a tia ni karaoi n rab'atana, aika baika raraoi ke a bubuaka.