I-Rom 14:1 - Te B'aib'ara

¹ Kam na m'anea n akoa te aomata ae mamara n ana onimaki, ma tai kauntaeka ma ngaia i bukin tein aron ana iango.

I-Rom 14:1 ပူးပေါင်းရင်းမြစ်များ

Iobi 4:3

Uringnga b'a a kanga am taeka

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 42:3

E na bon aki otea naba te uteute ae manamana ke ni kabuokia, ma e na kakoaua raoi b'a e na karaoaki ae eti.

Etekiera 34:16

ma ni kakaaia ake a bua ma ni kaokiia ake a tiotio nako, ma ni bauti ikoakiia ake a ikoaki, ao n tararuai maiuia aika a mamaara. N na boni kamateia naba aika a marikarika ao a korakora, i bukina b'a I kakaaraoa ae e raoiroi n taai nako.

Etekiera 34:4

Kam aki roko n te kaawakiniia aika a mamaara ke ni kamaiuia aika a aoraki ke ni bauti ikoakiia aika a ikoaki. Kam kairiia mani katiotionakoia ao kam aki roko n te kakaaia aika a m'arua. Kam iowawa ao kam aki raoiroi nakoia Au tiibu.

Tekaria 11:16

N na manga kariaia b'a e na tautaeka te aomata ae akea manenana n te aba aei-temanna ae e aki tabe ma uamaenakoia tiibu ke kakaaeaia aika a uarereke ke kamaiuaia aika a aoraki ke kaam'arakeaia aika a marurung. E na ti kana te tiibu ae e marikarika, n aki katuka teutana b'a ti riina.”

Mataio 12:20

E na aki kinika te uteute mani m'aotona, ao E na aki kamatea m'aakaron taboni wiikin te taura ni karokoa ae katokanikaia te kaeti-taeka ae raoiroi.

Mataio 14:31

E waekoa Iesu ni kanakoa baina n taua, ao E taku nako ina, “Te aomata ae e karako am onimaki! Ko aera ngkai ko nanokokoraki?”

Mataio 18:10

Kam na kawakiningkami b'a kam na aki kakeaa bonganan temanna i buakoia aika uarereke aikai; b'a I taku nako imi, b'a a aki toki aia anera i karawa n rooroko iroun Tamau are i karawa.

Mareko 7:19

B'a te b'ai anne, e rin nako nanoni birotona, ma e aki rin nako i nanona, ao e oti nako ni kawaina. E atonga aei Iesu ni kaotia b'a a kona ni kanaki am'arake nako.

Ruka 17:2

E raoiroi riki i rouna ngkana e katineaki i roroana te atiibu ae rawawata ao e tewenakoaki i taari, nakon ae e na kaira temanna i buakoia aika uarereke aikai nakoni karaoan te bure.

Ioane 13:20

Bon te koaua ni koaua ae I a tuangngkami, b'a ane m'anea n akoa ane I kanakoa, ao e m'aneai n akoai; ao ane m'aneai n akoai, ao e m'anea n akoa naba Teuare kanakomaiai.”

M'akuri 28:2

E rangi ni moamoa aroia n akoi nako ira kaain te aba arei: b'a a kaura te ai ao a butim'aira n akoira, i bukina ngke e kakarau ao e kamariri.

I-Rom 11:15

B'a ngkana e riki kaakan taekaia b'a aroia aomata nako n riki b'a raoraon te Atua, ao tera ngkanne aroia ngkana a manga butim'aeaki? Kaanga ai aroia maate ake a manga uti.

I-Rom 14:2

E taku temanna n ana koaua b'a e riai i rouna te kang am'arake ni kabane, ao temanna ae mamara n ana onimaki e taku b'a e riai i rouna te kang am'arake man aroka nako.

I-Rom 14:21

E raoiroi te aki kang iriko ma te aki moi wain, ma aki karaoan te b'ai teuana are e na riki b'a te b'ai ni kab'akab'aka nakon tarim.

I-Rom 14:3

Te aomata are kang am'arake nako e na aki kakeaa bongan te aomata are iai baika e aki kona ni kang; ao te aomata are kang ti am'arake man aroka nako ke e tai kabuakaka te aomata are kang am'arake nako, i bukina b'a e butim'aeaki arona anne iroun te Atua.

I-Rom 15:1

E riai iroura ngaira aika a korakora ara onimaki b'a ti na taotaon nanora nakoia aika a mamara aia onimaki, ao ti na aki iri oin nanora ni karaoa are ti tangiria.

I-Rom 15:7

Ma ngaia ae kam na i m'anem'ane n i akoakoi, n ai aron naba Kristo ngke E m'aneira n akoira, b'a E aonga n neboaki iai te Atua.

I-Rom 4:19

Ao e aki kerikaaki ana onimaki ngke e iangoa rab'atana b'a kaanga e mamara ngke tao tebubua ana ririki; ao ngke e iangoa naba aron Tara n aki kona ni kariki.

1.I-Korinto 9:22

Ao ngkana I m'akuri i buakoia aika mamara n te onimaki, ao I riki n ai aroia ni mamara, b'a a aonga n riki ni Kristian. I a tia n riki n aekaia aomata nako n aroia nako, ao I karaoi b'aai ni kabane aika I konai, b'a a aonga ni kamaiuaki tem'angina mai buakoia i rou.

I-Biribi 2:29

Ma ngaia ae kam na m'aneia i nanon te UEA ma te kim'areirei ni kabanea; ao kam na karineia aomata aika aron teuaei:

1.I-Tetaronike 5:14

Ao ti kaungaingkami, taari, b'a kam na reireiia akana rawa ni m'akuri, kam na kaungai nanoia akana a kai toki nanoia, kam na buokiia akana mamara, ao kam na taotaon nanomi nakoia aomata ni kabaneia.

Ebera 5:14

Ma te am'arake ae matoatoa bon i bukiia aika ikawai, akana a kataneiaki b'a a aonga ni kona n ata te kaokoro i marenan ae raoiroi ma ae buakaka.

2.Ioane 1:10

Ngkana e kawaringkami temanna ao e aki uota te taeka n reirei aei, ao kam na tai butim'aia ni karinna i nanon ami auti, ao kam na tai kamauria.