I-Rom 12:8 - Te B'aib'ara

⁸ Ngkana te kona ni kaungaa, ao ti na kaungaia aomata; ngkana te kona ni buokanib'ai, ao ti na i buokanib'ai ma te nanoraoi; ngkana te kona ni kairiri, ao ti na karaoia nakon ara kabanea n tamaroa; ao ngkana ti kona ni karaoa te m'akuri n nanoanga nakoia aomata, ao ti na karaoia ma te nano ni kukurei.

I-Rom 12:8 ပူးပေါင်းရင်းမြစ်များ

Karikani B'aai 18:19

I a tia n rineia n te aro b'a e na manga mwiokoia natina mm'aane, ma kanoana b'a a na ongotaeka irou ma ni kakaraoa te raoiroi ma te eti. Ngkana a karaoa aei, ao N na karaoi b'aai ni kabane ake I a tia ni berita iai.”

Taian Areru 112:9

E tituaraoi n anganga nakoia aika a kai nanoia, Ao akea tokin ana ataataiaomata; e na rikirake ni kamoamoaki n arona ma ni karineaki irouia aomata.

Taian Areru 37:21

E tatangob'ai te aomata ae buakaka, ao e aki kakaoki; ma e tituaraoi te aomata ae e raoiroi, ao akea tokin ana angaanga.

Taeka n Rabakau 22:9

E kakab'aiaia aomata nako te UEA akana a anga te am'arake n akea boona nakoia aomata aika a maiu ni kainano.

Te Minita 11:6

Unika arokam n te kaarangaina, ao tiiku ni m'akuri i nanon am tawaana ni karokoa e roo. Antai ae e ataia, ao ngaia e na kabooaki am m'akuri, ao a na bwebwerake am koraa.

Te Minita 9:10

M'akuri korakora ni b'aai ni kabane aika ko karaoi. Ko na waekoa n roko n aia aonnaba maate, ike akea iai ae e m'akuri, ke ni iango, ke ni kakaai bukin b'aai, ke n atai b'aai ni kabane.

Itaia 32:5

A nang aki rangi ni karineaki akana a nanobaba, ao a na aki anganaki nneia ni karineaki akana a maiuakina te aonikai.

Itaia 32:8

Ma aomata aika a i buobuoki a konaa n onimakinaki n taai nako i bukin karaoan babaaire ni buobuoki.

Itaia 64:5

Ko buokiia ni kabane akana a kukurei n ongotaeka ao ni karaoi b'aai akana ko tangiri, ma e karika marakin nanon te bure. Bon ti am buobuoki ae ti na kamaiuaki iai.

Mataio 25:40

Ao E na kaekaia te Uea ni kangai, “E koaua ae I a tuangngkami, b'a are kam karaoia nakon temanna ae mangori riki i buakoia tariu aikai, ao kam karaoia naba nako Iu.”

M'akuri 11:23

Ngke e roko ao e nora aron ana akoi te Atua nakoia, ao e kim'areirei; ao e kaungai nanoia ni kabane b'a a na nim ma te UEA ma nanoia ni koaua.

M'akuri 13:12

Ngke e nora te baerei Terekio, ao e onimaki; e rangi ni mimi n taekan te UEA.

M'akuri 13:15

I mwin te wareware man te Tua ma burabeti, ao a kanakoa aia taeka taan taua taekan te m'aneaba nakoia B'auro ma, ae kaangai, “Mm'aane, taari, ngkana iai ami taeka ni kakorakorai naano nakoia aomata, ao kam na taetae.”

M'akuri 15:32

A kaungaia naba taari Iuta ma B'auro n taeka aika bati, ngkai boni burabeti naba ngaiia, ao a kakorakorai nanoia.

M'akuri 20:2

Ngke e tia n ri nukan aaba akekei, ni kaungaia ake a onimaki n taeka aika bati, ao e roko i Erene.

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

M'akuri 4:36

Ao Ioteb'a, are e aranaki irouia taan tuatua b'a B'arenaba (ae nanona, “Natin te kaunga-nano”) ae te I-Kubero, ae kaain te utu ae te Rewi,

I-Rom 12:13

Kam na anga ami b'ai nakoia ake a itiaki b'a buokani kainnanoia, ao kam na butim'aia n akoia ni mwengami.

I-Rom 13:6

Ao bon aei naba bukin ae kam riai naba iai ni kab'akai ami taekiti: b'a a m'akuri i bukin te Atua taan tautaeka n aia m'akuri are a kakaonimaki nako iai.

1.I-Korinto 12:28

Ao E a tia te Atua ni kateia tem'angina i nanon te ekaretia: taan tuatua moa; te kauoua, burabeti; te katenua, taan reirei; ao i mwiia, taani karaoi m'akuri aika kamimii; ao i mwiia, te koraki aika anganaki te b'ai n tituaraoi i bukini katokan aoraki; ma taani buobuoki, ma taani kairiri, ma taan taetae n taetae aika a aki ataaki nanoia.

1.I-Korinto 14:3

Ma te aomata ae taetae ni burabeti nakoia aomata, e buokiia ni kateimatoaia ma ni kakorakoraia, ao e anganiia kabebetean nanoia.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

2.I-Korinto 11:3

Ma I maaku b'a a kawa n anaaki nanomi, n ai aron Nei Ewa ngke e m'am'anaki n nanowanawanan te naeta, ao kam kitana aromi n reitaki ma Kristo ae nako raoi ma n itiaki.

2.I-Korinto 8:12

B'a ngkana iai te nano ae korakora ni kan anga ao e butim'aeaki te b'ai n akoi n ai aroni m'aitin are e anga te aomata, ma tiaki n ai aron aekan ana b'ai.

2.I-Korinto 9:11

Kam na kaub'ai ni b'aai nako b'a kam aonga n teimatoa n aromi n tituaraoi n tai nako, b'a a aonga ni bati aomata aika na katituaraoa te Atua i bukin ami b'ai n akoi aika karekei mai roura.

2.I-Korinto 9:13

I bukin te m'akuri aei, are e a kakoauaki iai aromi, ao kam na neboa te Atua i bukin tataekinan euangkerioni Kristo iroumi ma ongeabami nako ia, ao i bukin naba ami tituaraoi n aromi ni buokanib'ai ma ngaiia ao aomata nako;

2.I-Korinto 9:7

E na angab'ai te aomata n ai aron are e taku, tiaki man te nano ae rawawata ke n te aro ni kairoro; b'a te Atua E tangira te aomata ae anga ma nanona ae kukurei.

I-Ebeto 6:5

Ao ngkami tooro, kam na ongotaeka irouia ami toka aika aomata, n ruru ni maku, ao karaoia ma te nano ni koaua, n ai aromi n ongotaeka irouni Kristo.

Te Tua-Kaua 15:14

anganiia taian tiibu ao kooti, ao taian uita ma taian wain aika raoiroi b'a uotaia. Kam na kam'aita anganakiia, n aron kam'aitakin anganakimi naba iroun te UEA.

I-Korote 3:22

Tooro, kam na ongeaba nakoia ami toka aika aomata ni b'aai ni kabane, tiaki ti i bukini kakukureiaia ngkana a taraingkami; ma kam na karaoia ma nanomi ni koaua, ni maaka te UEA.

1.I-Tetaronike 2:3

B'a arora ni kaungai nanomi e aki nako man te nano ae aki eti, ke man te nano ae kammaira, ma ni kani m'am'ana te aba:

1.I-Tetaronike 2:8

Ma ngaia ae ngkai ti rangi n tangiringkami, ao ti aki kan anganingkami ti ana euangkerio te Atua, ma ti kan anganingkami naba maiura, ngkai kam a riki ni bati n tangiraki i roura.

1.Timoteo 4:13

Ko na tabe ma warekan te B'aib'ara, te kab'arab'ara, ao te reireiia aomata ni karokoa rokou.

1.Timoteo 5:17

A riai unimm'aane aika raoiroi aia kairiri n iangoaki b'a e riai ni kataboroaki nakoia booia, ai moa ra riki nakoia te koraki aika korakora aia m'akuri ni kab'arab'ara ma n reirei;

1.Timoteo 6:18

A na kakaraoa ae e raoiroi, a na kabati m'akuri aika riai, a na maiu n tituaraoi, ao a na tauraoi ni buokanib'ai n aia b'ai;

Ebera 10:25

Ao ti na tai kaki arora ni bobotaki, n ai aroia tabem'aang; ma ti na b'aina te aro ni kaunga ni kabatia riki, ngkai kam ataia b'a e a kan roko te bong arei.

Ebera 13:17

Kam na ongeaba nakoia ami taani kairiri, ao kam na aan taeka i rouia: b'a a tantani n aki motirawa i bukini kawakinani maiumi, ngkai a nang taekin aroia ni m'akuri. Ngkana kam ongeaba i rouia ma n iri nanoia, ao a na karaoa aia m'akuri ma te kim'areirei; ma ngkana kam aki, ao a na karaoa aia m'akuri ma te rawawata n nano, ao anne bon akea buokami iai.

Ebera 13:22

Taari, I a tia ni korea te reta ae kimototo aei i bukini kakorakoraan nanomi, ao I butingkami b'a kam na ongora ma te taotaonaki n nano n te baere I a tia n taekinna iai.

Ebera 13:24

Kam na anga au kamauri nakoia ami taani kairiri ma ake a itiaki ni kabaneia. A kamauringkami taari aika I-Itare.

Ebera 13:7

Kam na ururingiia ami taani kairiri ngkoa, ake a tataekina ana taeka te Atua nako imi; kam na taratarai aroia ni maiuia ma mateia, ao kam na kakairi n aia onimaki.