I-Rom 12:5 - Te B'aib'ara

⁵ Ao ai arora naba: b'a e ngae ngke ti bati, ma te rab'ata ngaira ae ti teuana i nanoni Kristo, ao ti bane n reitaki temanna ma temanna n arora aika kakaokoro b'a b'ain te rab'ata ae ti teuana.

I-Rom 12:5 ပူးပေါင်းရင်းမြစ်များ

Ioane 17:11

Ao ngkai, N nangi nakoim; N nang aki tiku ni maan i aon te aba, ma a na tiku ngaiia i aon te aba. Tamau ae Ko Raoiroi, kawakinia ni m'akan aram, ae te ara are Ko anganai, b'a a aonga n riki n teuana, n ai arora.

I-Rom 12:4

B'a ngkai a bati b'ain te rab'ata ae ti teuana, ao ngkai a kakaokoro aroia ni m'akuri.

1.I-Korinto 10:17

Ngkai ti teuana te berena, ao ngaira aika ti bati, bon te rab'ata ae ti teuana: b'a ti bane ni buokanib'ai n te berena ae ti teuana.

1.I-Korinto 10:33

n ai arou naba ngkai I kakukureia aomata ni kabaneia ni b'aai ni kabane aika I karaoi, n aki ukoukora ae iai manenana nako iu; ma I ukoukora ae iai manenana nakoia aomata aika bati, b'a a aonga ni kamaiuaki.

1.I-Korinto 12:20

Ma n arona ae ngkai: a bati b'aina, ma te rab'ata bon ti teuana.

1.I-Korinto 6:15

Kam aki atai rab'atami b'a b'ain rab'atani Kristo? I a anai b'ain rab'atani Kristo ni karaoi b'a b'ain rab'atan te kabekaau? I bon aki kona!

I-Ebeto 1:23

ao te ekaretia bon rab'atani Kristo, ao onrakeni Kristo bon kakororaoan aron b'aai ni kabane n taabo nako,

I-Ebeto 4:12

E karaoa aei i bukini kabobongaia ake a itiaki nakoni karaoan nakoaia, are kateimatoan rab'atani Kristo;

I-Ebeto 4:25

Ma ngaia ae kam na kaaki te kewekewe, ao kam na atoatonga te koaua n tatabemaningkami nako nakoia raomi n onimaki, ngkai b'ain rab'atani Kristo ngaira n tatabemaniira nako.

I-Ebeto 5:23

b'a iai m'aakan te mm'aane i aon te aine, n ai aron naba Kristo ngkai iai m'aakana i aon te ekaretia; ao Kristo boni Ngaia ana Tia Kamaiu te ekaretia, are bon rab'atana.

I-Ebeto 5:30

n aron ae ti ataia ngkai kaain te ekaretia ngaira.

I-Korote 1:24

I kim'areirei ngkai ni marakiu i bukimi, b'a I a kona ni kakororaoa iai marakin Kristo ni marakin rab'atau i bukin rab'atana, ae te ekaretia;

I-Korote 2:19

ao e a tia n aki nim ma Kristo, are atun te rab'ata ae b'anin, are Ngaia ae anga te korakora nakon te rab'ata, ao E kamanenai toma n ri ma iaia b'a b'ain tauani b'ain te rab'ata.