I-Rom 12:20 - Te B'aib'ara

²⁰ Ma kam na karaoa are taekinaki ni kaangai: “Ngkana e kan am'arake te tia ribaiko, ao kaam'arakea; ao ngkana e kani moi, ao kamoiia; b'a ngkana arom anne, ao ai aron ae ko ikoikoti m'akaron te ai i aon atuna iai.”

I-Rom 12:20 ပူးပေါင်းရင်းမြစ်များ

Karikani B'aai 42:25

Ao e anga ana taeka Ioteb'a b'a a na kanoaaki aia baeki tarina akekei n te uita, ao a na kaokaki aia m'ane n tatabemaniia nako i nanon aia baeki, ao n anganaki naba kanaia ae tau i bukin m'anangaia. Ao e karaoaki arei nakoia.

2.Uea 6:22

E taku Eritai, “Ko na aki. Ko aki kataenikaiia tautia aikai n te bonibuaka, Ma ngaia are, akea kariaiakam n tiringiia. Ma n onean mwiin anne, ko na anganiia te am'arake ao te mooi, ao kaokiia nakon aia tia kairiiri.”

Taian Areru 120:4

kaniwangami bon taian kanoa ni kainikatebe aika rangi ni kakang taboia, aika kabuokaki n te m'akaro n ai!

Taian Areru 140:10

Kab'aka te kooro ae e ura i aoia ao karenakoia nako nanon te m'arua ae a aki konaa ni manga tam'arakeia.

Mataio 5:44

Ma Ngai I taku nako imi, Kam na tangiriia ami kairiribai, ao tataro i bukiia akana b'ainikiriningkami,

Ruka 6:27

I taku nako imi akana kam ongora i Rou, Kam na tangiriia ami kairiribai, ao karaoa ae raoiroi nakoia akana ribaingkami.

I-Rom 12:21

Tai taenikai n te buakaka, ma kam na kataea ana kai te buakaka n te raoiroi.

1.Tamuera 26:21

Ao e kaeka Tauro ni kaangai, “I a tia ni karaoa ae e kaairua. An ooki Tawita, ae natiu te rorobuaka! N na bon aki manga karaoa riki ae e buakaka nakoim, b'a ko a tia n nanoangaai n te tairiki aei. I a tia n nanobaba! I a tia ni karaoi m'akuri aika a kakamaaku!”