I-Rom 12:19 - Te B'aib'ara

¹⁹ Ngkami aika kam tangiraki, tai iri taangami; E na karaoia te Atua; b'a e koreaki ae kaangai: E taku te UEA, “Au b'ai te irantaanga, N na kabobo Ngai.”

I-Rom 12:19 ပူးပေါင်းရင်းမြစ်များ

Taeka n Rabakau 20:22

Ko na aki kataia ni kabooa mwiin te buakaka. Onimakina te UEA, ao ane e na buokiko.

Taeka n Rabakau 24:29

ke ni kaangai nakon temanna, “N na kaboraoai ma ngkoe!”

Ieremia 51:36

Au aomata, I mena n ami itera, N na kaoka te kai nakon B'aburon. N na korouaa ana ran ao e na m'autakataka ana karaanga n ran.

Etekiera 25:12

Ao E a manga taku te UEA ae te Atua, “A bure kaain Etom ngkai a karekea kain Iuta.

Nakoaia Ibonga 19:18

Toki man te unun ao tai kataia ni kabooa kaim. Bon te UEA Ngai ae Atuami, ao I tuangngkami b'a kam na kakorakorai ngkami n tangiriia raomi n ai aron tangirakimi i boni i roumi.

Mataio 5:39

ao Ngai I taku nako imi, Tai karaoa te b'ai ae buakaka nakon te aomata are karaoa ae bure nako im b'a booni mwin are e a tia ni karaoia; ma ane booa tabam ane mai ataim, ao raira tabam ane mai maingim b'a e na booia naba;

I-Rom 12:14

Kam na taetae ni kakab'aiaia akana b'ainikiriningkami; taetae ni kakab'aiaia, ao tai atongi taeka aika a na reke kaiia iai.

I-Rom 12:17

Tai karaoa ae buakaka nakon te aomata ae karaoa ae buakaka nako im, ma karaoi baika raraoi i mataia aomata nako.

I-Rom 13:4

B'a ana aomata te Atua ngaia ao tabena bon te buokiko nakon ae e raoiroi. Ma ngkana ko karaoa ae buakaka ao ko bon riai ni maku, i bukina b'a bon iai m'aakana ni kareke kai: b'a ana aomata te Atua ngaia ae te tia irantaanga ae karaoa nanon te Atua ni karekea kain ane karaoa ae buakaka.

I-Ebeto 4:27

ao tai angan te riaboro ana tai.

Te Tua-Kaua 32:35

A na reke kaiia ara kairiribai n te tai ae aki maan ao ane a na karina ni marannako ao e na waekoa n taorimwiiaki n te kabuanib'ai ae korakora.

Te Tua-Kaua 32:43

Tuangiia taiani karawa b'a a na karaoa aia bootaki ni kukurei ao taian atua ni kabane b'a a na bobaraaki nakon te UEA, i bukina b'a E na irantaangaia mairouia kairiribai aika ribaaki aika tiringiia ana Aomata. E na kab'arai ana bure Iteraera ma ni kaitiaka abaia.

1.I-Tetaronike 4:6

E na aki bure temanna nakon raona ke ni babakanikawaia ni baika kaeti ma aron te mm'aane nakon te aine b'a te Uea boni Ngaia te tia kareke-kai i bukini baikai ni kabane, n ai aron are ti tuangngkami rimoa, ma ni kaotiotia naba.

2.Timoteo 4:14

Arekantero are te tia karaoi b'aai man te buraati e karaoi baika bubuaka aika bati nako iu. Ane e na kaboaki mwin ana m'akuri aika buakaka iroun te Uea n ai aroni baike e karaoi.

Ebera 10:30

B'a ti ata Teuare kangai, “Au b'ai te kareke kai; N na kabobo Ngai”; Ao manga aio: “E na motiki taekaia ana botannaomata te Uea.”

1.Tamuera 25:26

Bon te UEA ae e tautauko b'a ko na aki tiringa am kairiribai. Ao I tuea ngkai n aran te UEA ae E maiu b'a a na aki konaa n tiringko am kairiribai ma aomata ni kabane akana a tangiria ni kan tiringko ao ana katuaaeaki kaanga Nab'ara.

1.Tamuera 25:33

E rab'a te Atua i bukin am iango raoi ao i bukin naba te b'ai ae ko a tia ni karaoia ngkai ko tautauai man karaoan te bure n tiritiri ao man irantaangaku i bon irou.

1.Tamuera 26:10

Ngkai bon iai te UEA ae e maiu, ao I ataia b'a E na bon tiringa Tauro, tao ni bon ana tai ni mate ke e na mate n te buaka.

1.Tamuera 26:11

E na bon aki kariaia te UEA b'a N na tiringnga teuae E a tia n rineia te UEA b'a e na uea! Ti na anaa ana kaniwai ao ana tiaeki n ran, ao tia nako naba.”