I-Rom 12:17 - Te B'aib'ara

¹⁷ Tai karaoa ae buakaka nakon te aomata ae karaoa ae buakaka nako im, ma karaoi baika raraoi i mataia aomata nako.

I-Rom 12:17 ပူးပေါင်းရင်းမြစ်များ

Karikani B'aai 42:25

Ao e anga ana taeka Ioteb'a b'a a na kanoaaki aia baeki tarina akekei n te uita, ao a na kaokaki aia m'ane n tatabemaniia nako i nanon aia baeki, ao n anganaki naba kanaia ae tau i bukin m'anangaia. Ao e karaoaki arei nakoia.

Taeka n Rabakau 20:22

Ko na aki kataia ni kabooa mwiin te buakaka. Onimakina te UEA, ao ane e na buokiko.

Taeka n Rabakau 24:29

ke ni kaangai nakon temanna, “N na kaboraoai ma ngkoe!”

Mataio 5:24

ao ko na kitana am karea iai i rarikin te baonikarea ao naako; karekea moa te raoi ma tarim, ao rimwi ko na oki n anga am karea.

Mataio 5:39

ao Ngai I taku nako imi, Tai karaoa te b'ai ae buakaka nakon te aomata are karaoa ae bure nako im b'a booni mwin are e a tia ni karaoia; ma ane booa tabam ane mai ataim, ao raira tabam ane mai maingim b'a e na booia naba;

I-Rom 12:19

Ngkami aika kam tangiraki, tai iri taangami; E na karaoia te Atua; b'a e koreaki ae kaangai: E taku te UEA, “Au b'ai te irantaanga, N na kabobo Ngai.”

I-Rom 14:16

Ma ngaia ae kam na tarataraia b'a e na aki atongaki b'a e buakaka te bae raoiroi iroumi.

I-Korote 4:5

Kam na nakonako ma te wanawana i mataia akana tuai n onimaki, ni kamanenai raoi ami tai.

1.I-Tetaronike 4:12

Ao n te aro aei kam na kamoamoaki iai irouia aomata ake tiaki kaain te ekaretia, ao a na akea te bae kam na kainanoia.

1.I-Tetaronike 5:15

Kam na taraia b'a akea temanna ae na karaoa ae buakaka nakon temanna i bukina ngke te aomata arei e a tia ni karaoa ae buakaka nako ina; ma kam na ukoukora ae raoiroi i bukimi n taai nako, ao i bukiia naba aomata ni kabaneia.

1.I-Tetaronike 5:22

ao kam na rawa nakoni karaoan te buakaka ni kabane.

1.Timoteo 5:14

Ma ngaia ae I tangiriia riki ateiaine aika a mate buia b'a a na iein, a na karikiia natiia, a na tararuaia aia utu, ao a na aki karekea te anga are e na kabuakakaira iai te kairiribai;

1.Betero 2:12

A na raoiroi aroaromi i buakoia aomata aika tiaki I-Iutaia; b'a ngkana a bukiningkami b'a kam karaoa ae buakaka, ao a noori ami m'akuri b'a a raraoi, ao a na neboa te Atua iai n te bong are E na roko iai.

1.Betero 3:16

ma kam na kaeka ma te nimamannei ao te maku; kawakini mataniwin nanomi b'a a na itiaki; ao n te aro aei a na mamaa iai te koraki ake a taetae ni kabuakakai aroaromi aika raraoi ngkai kam reitaki ma Kristo.

1.Betero 3:9

Kam na tai kabooa te buakaka n te buakaka, ao te taetaebuaka n te taetaebuaka; ma kam na taetae ni kakab'aiaia aomata; b'a kam weteaki nakon aei, b'a kam aonga ni karekea te kakab'aiaki.

Ruuta 3:14

Ao e wene neirei i bukin waena ni karokoa te karangaina, ao e teirake ngke e aaiota, b'a e aki tangiria Boaati b'a e na ataaki rokon neierei i rouna.

1.Tamuera 26:11

E na bon aki kariaia te UEA b'a N na tiringnga teuae E a tia n rineia te UEA b'a e na uea! Ti na anaa ana kaniwai ao ana tiaeki n ran, ao tia nako naba.”