I-Rom 12:16 - Te B'aib'ara

¹⁶ Kam na kabobo nanomi. Tai b'aina te nano ni kani kakannato riki nakoia tem'angina, ma kam na kukurei n i raorao ma akana mangori. Tai iangoingkami b'a kam wanawana.

I-Rom 12:16 ပူးပေါင်းရင်းမြစ်များ

2.Rongorongo 30:12

Ao te Atua e karaoia aomata ni kabane i Iuta b'a a na rangi ni kan karaoi b'aai ake a tuangaki irouia Etekia ma ana mataniwi.

Iobi 36:5

Ai korakora ra te Atua! Bon akea temanna ae kakeaa bonganana. Bon akea naba te b'ai ae aki ataia.

Taeka n Rabakau 17:5

Ngkana kam kamamaaea te aomata ae e kainano, ao kam bon kamaamaea iai te Tia Karikib'ai. Kam na katuaaeaki ngkana kam b'ainingarea te aomata ae e reke n te kangaanga.

Taeka n Rabakau 19:17

Tararuaakin te kainano bon te angab'ai nakon te UEA, ao ane kam na manga kabooaki raoi.

Taeka n Rabakau 19:22

Te b'ai ae e rangi ni kakaawaki bon te kakaonimaki. E raoiroi riki ngkana kam maiu ni kainano nakon te riki b'a te tia kewe.

Taeka n Rabakau 19:7

Ngkana kam kainano, ao ane a na katinanikuingkami akana bon am koraki, ao a na rangi ni buakaka riki nakoim ake raraom ngkoa. A na aki reke iroum ngkana kam kainanoia,

Taeka n Rabakau 26:12

Bon iai riki te kaantaninga iroun ae e nanobaba nakona ae ane e na kaangai temanna, “I rangi ni wanawana!”

Taeka n Rabakau 26:5

Ma ngkana ko kaeka te nanobaba, ao kaeka n te kaeka ae e nanobaba, ao ane e na ataia iai b'a e aki wanawana riki nakoim.

Taeka n Rabakau 3:7

Ko na tai iangoia n taai nako b'a ko rangi ni wanawana, ma ko na karinea te UEA ao kararoako man taian buakaka.

Itaia 5:21

Kam taku b'a kam wanawana man rarabakau.

Ieremia 32:39

N angan nanoia te kantaninga ae ti teuana n te maiu aei b'a: neboakiu n taai nako, are e na bon nako ia mwiina ae e raoiroi ma aia kariki.

Ieremia 45:5

N nang karokoa te kabuanib'ai n taabo nako, ma ngaia are, kam na aki kabanea ami tai ni iangoa te b'ai teuana ma teuana. I berita b'a N na kaawakiningkami man te mate. Bon aei Au taeka Ngai ae te UEA.

Mataio 11:5

a noraba mataki, a nakonako m'auku, a kamaiuaki rebera, a uki taningaia taningabono, a manga maiu maate, ao a ongo taekan te euangkerio aomata ake a aki kaub'ai.

Mataio 26:11

B'a a aki toki ni mena i rarikimi aomata aika aki kaub'ai, ma e a bon tai toki memenau i roumi.

Ruka 14:13

Ma ngkana ko karaoa te am'arake, ao ko na kaoiia akana aki kaub'ai ma akana a aki toamau b'ain rab'ataia, ma akana aki kona te nakonako raoi, ma akana a mataki,

Ruka 6:20

E tabeki matana n taraia ana reirei, ao E taku, Kam a kab'aia ngkami akana kam aki kaub'ai, b'a ami b'ai uean te Atua!

M'akuri 4:32

A b'aina te nano ae ti teuana taan onimaki ake a bati, ao akea temanna i rouia ae tauti n ana b'ai; ma a buokanib'ai n aia b'ai nako.

I-Rom 11:20

E koaua ane ko taku; a oteaki i bukin aia aki-onimaki, ma ngkoe, ko mena ni nem ane ko mena iai i bukin am onimaki. Ma ngaia ae tai b'aina te kainikatonga, ma ko na b'aina te mamaku.

I-Rom 11:25

B'a I aki tangiringkami, taari, b'a kam na aki ata te b'ai ae raba aei, b'a kam kaawa ni bakanrabakau iai: b'a iai tem'angina i buakoia Iteraera aika a matoatoa nanoia n rawa n onimaki, ao a na tiku n aroia aei ni karokoa ae e koro m'aitiia aomata aika tiaki I-Iutaia n nakon te Atua.

I-Rom 12:3

I bukin te akoaki are I anganaki, ao aei au taeka nakoimi n tatabemaningkami nako: e na tai iango temanna i nanona ni kamoamoa i bon i rouna i aon ae riai; ma e na b'aina te iango raoi, ao e na kaetieta arona ma aron te onimaki are E a tia te Atua n tib'aia nakoia aomata nako.

I-Rom 15:5

Ao te Atua are e riki mai Rouna taotaonan te nano ma kabebetean te nano, E na anganingkami te nano ni bonnano are e reke ni katotongan aroni Kristo Iesu,

I-Rom 6:2

Ti na aki. Ti a tia ni mate nakon te bure, ao ti na kanga ni manga uti i nanona?

1.I-Korinto 1:10

I bubutingkami, taari, n aran ara UEA are Iesu Kristo, b'a kam na kaboraoi nanomi. A na akea te i kakaiwi i marenami, ma kam na reitaki n te nano ae ti te arona, ao n te kaantaninga ae ti te arona.

1.I-Korinto 3:18

E na tai burebureia te aomata i bon i rouna. Ngkana e taku temanna i nanona b'a e rabakau i buakomi n te maiu aei, ao ke e riki ni baba, b'a e aonga n rabakau.

1.I-Korinto 4:10

Ti baba i bukini Kristo, ma kam wanawana i Rouna. Ti mamara, ma kam korakora. Kam karineaki, ma ti aki karineaki.

1.I-Korinto 6:5

I taekina aei b'a kam aonga ni mamaa. E koaua b'a bon akea temanna ae rabakau i buakomi ae e kona ni karekea te baire ae raoiroi i marenaia raona n onimaki,

1.I-Korinto 8:2

Te aomata ane taku b'a e ata raoi te b'ai teuana, ao e bon tuai n ataia n ai aron are e riai n ataia;

2.I-Korinto 13:11

Te kabanea, taari, kam na kakatonga, kam na kanako raoi aromi, kam na karau nanomi, kam na b'aina te nano ae ti te arona, kam na raoi; ao E na mena i roumi te Atua are e reke mai Rouna te tangira ma te raoi.

I-Biribi 1:27

Kam na ti kakaraoa ae boraoi ma nanon ana euangkerio Kristo; b'a ngkana I roko n noringkami, ke ngkana tao I mena n te tabo teuana, ao I kan ongo rongorongomi, b'a kam teimatoa n aromi ni maiu b'a kanga te tamnei ae ti teuana, ni kakorakoraingkami b'a kanga te aomata ae ti temanna, i bukin te onimaki are reke man te euangkerio;

I-Biribi 3:16

Ma ae ti a roko iai, ao ti na nakonako iai n te kawai naba anne.

I-Biribi 4:2

I butiia Nei Euoria ma Nei Tuntuke, b'a a na b'aina te nano ae ti te arona ngkai a reitaki ma te UEA.

Ebera 13:5

A na akea ni maiumi te baki tianti, ma a na rauaki nanomi ni baika iai i roumi. B'a E a tia ni kangai te Atua, “N na bon aki kakiko, Ao N na bon aki kitaniko.”

1.Betero 3:8

Kabanean au taeka ngkanne: kam na bane ni b'aina te nano ae ti te arona, ma te namakin ae ti te arona; kam na tangiriia raomi ni Kristian, kam na nanoanga, ao kam na nanorinano.

1.Betero 5:3

ao tai tau-taekaniia akana mena i aan ami tararua, ma kam na riki b'a banna ni kakairi nakon te nanai.

3.Ioane 1:9

I a tia ni koroboki teutana nakon te ekaretia; ma Rioterebe are kani kakannato i buakoia, bon akea butim'aeara ae e raoiroi i rouna.