I-Rom 11:36 - Te B'aib'ara

³⁶ B'a mairoun te Atua b'aai ni kabane; a bane ni karikaki i bukina, ao a na bane ni manga oki nakoina. Ana b'ai te neboaki n aki toki. Amen.

I-Rom 11:36 ပူးပေါင်းရင်းမြစ်များ

Taian Areru 115:1

Tiaki ara b'ai te neboaki! Boni Ngkoe te UEA, ae Ko na anganaki te neboaki i bukin am Kakaonimaki ma am Atataiaomata.

Taian Areru 33:6

A karaoaki taiani karawa ma b'aai nako ake a mena iai n ana taeka te UEA.

Taeka n Rabakau 16:4

Bon iai bukin b'aai nako aika e karaoi te Atua, e kamaiuia aomata aika a buakaka ti i bukin katuaaeaia.

Itaia 42:12

Ke a katanoataa aron neboana n taabo nako.

Taniera 4:3

Ai korakorara taiani kamimii ake E kaoti te Atua nakoira! Ai m'aakara ana kakai ake E a tia ni karaoi! Bon te UEA te Atua n aki toki; E na uea n taai nako.

Taniera 4:34

E taku te uea, “Ngke e a koro itiua te ririki, ao I tararake nako karawa, ao e oki nanou. I neboa te Atua ae e m'aaka, ao I anga te karinerine ma te kamoamoa nakon teuae E maiu n aki toki. “E na tautaeka n aki toki, ao akea tokin ueana.”

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

Ruka 19:38

Ao a kangai, “E a kab'aia te King ae roko n aran te Uea! Te raoi i karawa ao te neboaki ike moan te rietaata.”

Ruka 2:14

“E na neboaki te Atua ike moan te rietaata! Ao e na mena te rau i aon te aba irouia aomata ake E kukurei i rouia te Atua.”

M'akuri 17:28

b'a boni Ngaia ae ti maiu i rouna, ti kakam'akuri i rouna, ao iai ngaira i rouna; n ai aron are a kaangai ami tia oto-kuna tabem'aang, “B'a ti riki naba mai Rouna.”

I-Rom 16:27

Ao ngkai, i bukin Iesu Kristo, ti a kona n angan te Atua, are ti Ngaia ae rabakau, te neboaki n aki toki. Amen “E na mena iroumi ana akoi ara UEA are Iesu Kristo.” Ao B'aib'ara tabeua a kaaki te kibu 25, 26 ao 27 ni kabanean te m'akoro 14; ao te B'aib'ara teuana e kaaki kiibu aikai ni kabanean te m'akoro 15; ao iai B'aib'ara tabeua ake akea i rouia kiibu aikai.

1.I-Korinto 11:12

B'a ngkae e riki te aine mairoun te mm'aane, ao ai aron naba te mm'aane: e riki mairoun te aine, ma n te aro ni bungiaki; ao a bane b'aai n riki mairoun te Atua.

1.I-Korinto 8:6

ma bon ti temanna te Atua i roura, ae te Tama, ae a bane n riki b'aai i Rouna, ao ti maiu i bukina; ao ti temanna te UEA b'a Iesu Kristo, are a bane ni karikaki b'aai i Rouna, ao ti maiu i Rouna.

I-Karatia 1:5

are ana b'ai te neboaki n aki totoki; Amen.

I-Ebeto 3:21

ana b'ai te neboaki n te ekaretia ao irouni Kristo Iesu man te rorona nakon te rorona ao n aki totoki. Amen.

I-Biribi 4:20

Ana b'ai te Atua ae Tamara te neboaki n aki toki. Amen.

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

1.Timoteo 6:16

ae ti Ngaia ae aki mamate, ae maeka n te oota are aki konaaki ni kawaraki; akea te aomata ae e a tia n noria, ao akea ae kona n noria. Ana b'ai te karineaki ma te m'aaka ae aki totoki. Amen.

2.Timoteo 4:18

E na boni kainaomataai te Uea man aaro nako aika bubuaka, ao E na kamaiuai ma ni karinai i nanoni ueana are i karawa. Bon ana b'ai te neboaki n aki totoki. Amen.

Ebera 13:21

E na katauraoingkami nakoni m'akuri aika raraoi ni kabane b'a kam aonga ni karaoa nanona, ao b'a kam aonga iroun Iesu Kristo ni karaoa are E na kukurei iai te Atua. Ao ana b'ai Kristo te neboaki n aki totoki. Amen.

Ebera 2:10

Bon te b'ai ae riai iroun te Atua, are Ngaia ae kariki b'aai ma ni kateimatoai aroia, b'a E na karaoa Iesu b'a E na bobonga raoi arona n te maraki, b'a a aonga natin te Atua aika bati ni buokanib'ai ma Iesu ni mimitongin te Atua. B'a Iesu boni Ngaia ae kairiia nakon te kamaiuaki.

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.

1.Betero 5:11

Ana b'ai te tautaeka n aki totoki. Amen.

2.Betero 3:18

Ma kam na rikirake n te akoi ao n ataakin ara Uea ao ara Tia Kamaiu are Iesu Kristo. Ana b'ai te neboaki ngkai, ao n aki toki. Amen.

Iuta 1:25

ana b'ai te Atua ae ti temanna, are ara Tia Kamaiu, iroun Iesu Kristo are ara Uea, te neboaki, ma te karineaki, ma te tau-taeka, ma te m'aaka, ngke a tuai ni karikaki b'aai, ao ngkai, ao n aki toki. Amen.

Te Kaotioti 19:1

I mwini baikai ao I ongo te bae kanga te b'anaa ae korakora ae b'anaaia kaain te botaki ae ab'ab'aki i karawa, ae kaangai, “Neboa te UEA! Ana b'ai Atuara te kamaiu, ma te neboaki, ma te m'aaka,

Te Kaotioti 21:6

Ao E taku nako iu, “A bane n tia. Boni Ngai te Moa ao te Toki; boni moani b'aai Ngai ao tokiia naba Ngai. N na angan ane kani moi nimana mani koburaken te ran, are te ran ni maiu, ae akea boona.

Te Kaotioti 7:10

ao a taetae n te b'anaa ae korakora, ao a kaangai, “Ana b'ai Atuara ae tekateka i aon te kaintokanuea te kamaiu; ao te kamaiu aei bon ana b'ai naba te Tiibuteteei.”

Te Kaotioti 7:12

ao a kaangai, “Amen! Ana b'ai Atuara te karaoiroaki, ma te neboaki, ma te rabakau, ma te katituaraoaki, ma te karineaki, ma te m'aaka, ma te korakora, n aki totoki. Amen!”