I-Rom 11:33 - Te B'aib'ara

³³ Ai batiraa kaub'ain te Atua, ao ai nanora rabakauna ma ana atatai! Ai kangaanga ra ataakin ana moti, ao ai kangaanga ra kuneakin arona!

I-Rom 11:33 ပူးပေါင်းရင်းမြစ်များ

Etita 2:22

Ao e karekea te rongorongo arei Moretekai, ao e tuanga te ueanaine are Nei Etita, ao e a manga tuanga te uea neierei te rongorongo are e reke mairoun Moretekai.

Iobi 10:13

Ko karaoi b'aai akekei ni kabane, ma I ataia ngkai b'a Ko bon baaireia b'a Ko na kaikoakai.

Iobi 15:8

Ko mena ikekei ngke E karaoi Ana babaire te Atua? Ti ngkoe ni wanawana?

Iobi 23:14

E na bon kakoroa bukin te b'ai ae E iangoia i buku; are bon teuana mai buakon Ana iango.

Iobi 26:14

Ma bon ti bururun m'aakana, ao ti neaan naba rongorongona aika ti ongo. B'a antai ae kona n ataa raoi korakoran m'aakana?

Iobi 33:13

E aera ngkai ko bukina te Atua b'a E aki kaekaekai ngurengureia aomata?

Iobi 37:19

Reireiniira ara taeka nakon te Atua; a nanoroo nanora, akea te b'ai ae ti na taekinna.

Iobi 37:23

E rangi ni korakora m'aakan te Atua n te aro are ti aki kona ni kaaniia; E rangi n raoiroi man eti raoi nako ira.

Iobi 5:9

Ti aki kona n atai b'aai aika ab'ab'aki aika E karaoi, ao bon akea tokin m'aitin Ana m'akuri aika kamimii.

Iobi 9:10

Ti aki kona n atai baika ab'ab'aki aika E a tia ni karaoi, ao akea tokin Ana m'akuri aika kamimii.

Taian Areru 139:6

E kamimii irou te ataib'ai aei; e ri aon au atatai.

Taian Areru 145:3

E kakannato te UEA, ao E riai ni kabatiaki kamoamoana; Akea temanna ae ataa aroni kakannatona ni kabane.

Taian Areru 36:6

Ai aron te maunga ae te kabanea n rietaata am Raoiroi; Ai aron nanoni marawa ae nano am Kaeti-taeka. A mena aomata ma maan i aan am Tararua.

Taian Areru 40:5

Te UEA ae Atuara, a bati am M'akuri aika kamimii aika Ko karaoi i bukira: bon akea n ai arom! A bati am Iango aika kamimii i bukira; I aki konai n taekin ni kabane: A m'aiti riki nakon aika konaaki ni warekaki!

Taian Areru 77:19

Ko nakonako ri buakon naao; Ko ri nuukani kabini marawa, Ao a aki noraki m'anekam.

Taian Areru 92:5

Te UEA, ai kamakuraa am M'akuri! ao ai nanora am Iango nako!

Taian Areru 97:2

E otab'aniniaki rarikina n taian nang ma te roo; E tautaeka n te raoiroi ma te eti.

Taeka n Rabakau 25:2

E neboaki te Atua i bukin arona ni kamimii; a neboaki taan tautaeka i bukin kab'arab'araan taiani kamimii.

Taeka n Rabakau 25:3

Antai ae e konaa raoi n ataa ana iango te tia tautaeka? A rooti tinanikun karawa ao a ruorikaaki nako kabin aonnaba.

Te Minita 3:11

E kariki b'aai te Atua n taia aika a riai. Ma bon akea temanna mairoura ae e ataa raoi te b'ai ae E a tia ni karaoia, ao E katikui inanora taian titiraki i bukin boong aika a tia n nako, ao boong aika a na roko.

Te Minita 7:24

E korakora riki te koaua nakoira. E rangi n nano.

Te Minita 8:17

I noori b'aai ni kabane aika e karaoi te Atua, ao I a ataia b'a bon akea temanna ae e konaa n atai aroia. Ti konaa n rangi ni wanawana, ma bon akea boonganana b'a tao m'aitira ara tai ni kataia, ke n taekinna b'a ti ataia, ma ti bon aki atai b'aai n aroia ni kabane.

Itaia 28:29

E roko te ataib'ai aei mai roun te UEA ae Moan te M'aaka are iai rabakauna ae moan te korakora.

Itaia 40:28

Kam tuai ataia? Kam tuai naba ongo? Bon akea tokin te UEA, Te tia karaoa te aonnaba. E bon aki konaa ni kainano ke ni kua; bon akea tian wanawanana.

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

I-Rom 2:4

Ke ko aki rangi ni mutiakina ana ataataiaomata ae bati, ma taotaonan nanona, ma arona n aki kakaiun? Ao ko aki ata ana ataataiaomata te Atua b'a e kairiko nakon rairan nanom?

I-Rom 9:23

E kaota aron neboakina ngke E nanoangaiia aomata ake E a tia n rineia b'a a na reke naba tib'angaia n neboakina.

1.I-Korinto 2:10

E a tia ni kaotii te Atua nako ira iroun Tamneina. B'a akea te b'ai teuana ae E aki ata arona te Tamnei, ao E atai naba ana kaantaninga te Atua aika nano.

I-Ebeto 1:7

are ti karekea te kainaomataaki i rouna n raraana are nanona b'a a kab'araki ara bure. Ai m'aitira ana akoi,

I-Ebeto 2:7

b'a E aonga ni kaotia nakoia rooro ma rooro aika na roko aron ana akoi ae akea n ai arona ni kaub'aina, n ana ataataiaomata nako ira, irouni Kristo Iesu.

I-Ebeto 3:10

b'a e aonga ni kaotaki n te ekaretia rabakaun te Atua ae a bati arona nakoia uea ma ake a korakora i karawa,

I-Ebeto 3:16

b'a E na anganingkami mani kaub'ain arona aika kamimii, te m'aaka iroun Tamneina b'a kam aonga ni kakorakoraki n nanomi;

I-Ebeto 3:18

b'a e aonga n iai iroumi ma ake a itiaki ni kabaneia te kona n ata rababan, ma anaun, ma nanon, ma rietan ana tangira Kristo,

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,

I-Korote 1:27

E karaoa aei te Atua b'a E tangiringkami aika tiaki I-Iutaia b'a kam na ata te baere raba ae kamimii ae mimitong; ao te bae raba aei boni Kristo i nanomi, are Ngaia ami kaantaninga b'a e na reke neboami.