I-Rom 11:17 - Te B'aib'ara

¹⁷ Ngkami aika tiaki I-Iutaia, ti te bo ngkami ma m'aangan te kai ae te oriwa are riki n aki akaaka, aika m'aangana ake a katomaaki ni kamaiuaki ma m'aangan te oriwa are unikaki raoi, aika m'aangana ake a tia n oteaki. Kam a tia n onei mwini m'aanga tabeua ake a tia ni koreaki mai iai; ao i bukin aromi aei, ao kam a b'aina te kab'aia are e reke man rikimi b'a m'aangan te kai are unikaki raoi.

I-Rom 11:17 ပူးပေါင်းရင်းမြစ်များ

Taian Areru 52:8

Ao ngai ai aron te kai ae te oriwa ae maiu raoi n um'an te Atua: I onimakina ana ataataiaomata te Atua n aki tootoki.

Itaia 27:11

Ao ngkana a b'aka m'aangana aika a m'aoto i aontano ao a manga roko aine n anaia b'a kanaan aia ai. Ma a bon rangi n nanobaba aomata aikai n te aro are E aki konaa n nanoangaiia te Atua are e karikiia.

Itaia 6:13

E ngae ngkana ti teuana te katebwina aomata n tiku, N na bon tiringiia naba. A na riki b'a kaanga boton kaai aika a tia ni koreaki ni kab'akaaki, A na tiku tabeman au aomata aika a rineaki.

Ieremia 11:16

N te tai teuana kam riki b'a te kai te kureebe ae e onrake n te uaa. Ma n te tai ae e aki maan ao N na kanako ia taani kakiriwe aika a kakarongoa b'a a na urui m'aangam ma ni kaurarakei n te ai.

Iona 1:16

Ao a maaka te UEA kaimoa ao a anga karea nakoina, ao n tuea b'a ana m'akuri i bukina.

Tekaria 4:3

Tekaina te aroka te oriwa e mena i angaatain nnen te oera, ao are te kaina i maingina.

Mataio 21:43

Ma ngaia ae I taku nako imi, “E na anaaki mai roumi Uean te Atua, ao e na anganaki te botannaomata teuana ane e na ongeaba nakon te Atua.

Ioane 15:1

“Ngai te kai ae te kureebe ni koaua, ao Tamau te tia ribana.

Ioane 15:2

Te m'aanga ae nim ma Ngai ae e aki uaa, ao E kanakoa; ao te m'aanga ae uaa, E kaitiakia, b'a e aonga ni kariki uaana aika m'aiti.

Ioane 15:6

Ane aki nim ma Ngai, ao e teweaki nako n ai aron te m'anga, ao e rai. A bobotaki aeka ni m'anga aikai, ao a teweaki nako nanon te ai, ao a bue.

M'akuri 2:39

B'a E a tia te Atua n anga ana taeka n akoi nakoimi, ao nakoia ami kariki, ao nakoia naba ake a mena i kiraroa, ake E weteia te UEA are Atuara nakoina.”

I-Rom 11:24

B'a ngke ko koreaki man te oriwa are riki n aki akaaka, ao ko katomaaki nakon te oriwa are unikaki raoi, e ngae ngke bon tiaki m'angana ngkoe, ao ai bebete ra riki aroia ni katomaaki m'aanga ake boni m'angan te oriwa are unikaki raoi, ngkana a kaokaki nakon aroia ake rimoa?

I-Karatia 2:15

Ngaira bon I-Iutaia n rikira, ao tiaki aomata aika ianena aika taani bure, n aron are atoatongaki;

I-Ebeto 3:6

te kaantaninga n te baere raba aei: b'a a na raoniia Iteraera ni b'aib'ai aomata aika tiaki I-Iutaia, ma n riki b'a te rab'ata ae ti teuana ma ngaiia, ao b'a a na reke tib'angaia n te taeka n akoi ngkai a reitaki ma Kristo Iesu n te euangkerio;

Te Tua-Kaua 8:8

Kam kona ni ken taiani kaab'a n taian tabuki aikai, ao atiibuna bon taiani biti. Kam aki kona ni baki iai b'a a m'aiti iai taiani uita, b'aare, ao taiani katawanang, ao ai uana naba ma taiani kureebe, ao oriwa aika rawata uaaia, bamkuranete, ao taiani kainam'arake, ao a m'aiti naba ikekei aia karewe te manibeeru.

I-Korote 2:13

Ao ngkami, akana kam mate i bukin aromi ni bubure ao i bukina ngkai tiaki ana aomata te Atua ngkami, E a manga kamaiungkami te Atua ma Kristo, ngkae E a tia ni kab'ara ara bure ni kabane;

Te Kaotioti 11:4

Taani kakoaua akekei bon oriwa ake uakai, ao kain-tei n taura ake uaai ake a tei i matan Uean aonnaba.