I-Rom 11:14 - Te B'aib'ara

¹⁴ B'a a aonga ni bakantang kaain au botannaomata; ao n te aro anne a kona iai ni kamaiuaki tabem'aang i buakoia iroun te Atua n au m'akuri.

I-Rom 11:14 ပူးပေါင်းရင်းမြစ်များ

Karikani B'aai 29:14

ao e taku Raab'an, “Eng, bon te koaua b'a bon irikou, ao raraau ngkoe.” Ao e tiku ikekei Iakob'a n te nam'akaina arei.

2.Tamuera 19:12

Bon tarimi, bon ami koraki! E aera ngkai kam tuai karaoa te b'ai teuana ae e na oki iai nakoimi?”

I-Rom 10:19

I a manga titiraki riki ni kaangai, A aki ataia Iteraera? Aio moa ana taeka Mote: “N na kabakantangingkami i rouia ake tiaki oi ni botannaomata, Ao N na kauningkami iroun te botannaomata ae a nanobaba kaaina.”

I-Rom 11:11

E kaangai ngkanne au titiraki, A b'aka n aki kona ni manga teirake ngke a reke waeia ao a tata nako? A bon aki! Ma e roko te maiu irouia ake tiaki I-Iutaia ngke a bure Iteraera, b'a a aonga ni kabakantangaki.

I-Rom 9:3

Ao e bia reke kaiu, ma ni karaureaki ma Kristo i bukiia tariu ake au bu n te katei n aomata;

1.I-Korinto 1:21

B'a te Atua, n rabakauna, ao E a tia ni karaoa ae a na aki kona n ataia aomata n oin rabakauia. Ma e ngae n aei, ao E a bon tia ni baireia b'a E na kamaiuia aika onimaki n te rongorongo n nanobaba ae ti tataekinna.

1.I-Korinto 10:33

n ai arou naba ngkai I kakukureia aomata ni kabaneia ni b'aai ni kabane aika I karaoi, n aki ukoukora ae iai manenana nako iu; ma I ukoukora ae iai manenana nakoia aomata aika bati, b'a a aonga ni kamaiuaki.

1.I-Korinto 7:16

Ko aki ataia ngkoe ae te ainenum'a ae ko onimaki, b'a ngaia e na kamaiuaki buum i roum? Ao ngkoe ae te mm'aanenum'a ae ko onimaki, ko aki ataia b'a ngaia e na kamaiuaki buum i roum?

1.Timoteo 1:15

E koaua te taeka aei, ao e riai ni kakiaki i nanoia aomata ni kabaneia, ae te taeka ae kaangai, E roko Kristo Iesu i aon te aba b'a E na kamaiuia taani bure. Ngai te kabanea ni buakaka;

1.Timoteo 2:4

ae tangiriia aomata ni kabaneia b'a a na kamaiuaki, ma n ata te koaua ae kaangai,

1.Timoteo 4:16

Ko na tarataraiko n arom ni maium, ao tarataraa kanoan am reirei. Ko na kakaraoi baikai; b'a ngkana ko karaoa aei, ao ko na kamaiuaki iai ma ake a ongo i roum.

2.Timoteo 1:9

are kamaiura ao E weteira b'a ti na riki b'a ana aomata, tiaki i bukini baika ti a tia ni karaoi, ma i bukin oin ana kaantaninga ma ana akoi, are ti anganaki ngkai ti reitaki ma Kristo Iesu; ao te akoi aei e a kaman tauraoi i bukira ngke a tuai ni karikaki b'aai;

2.Timoteo 2:10

Ma ngaia ae I taona nanou nakoni b'aai ni kabane i bukiia ake a rineaki, b'a a aonga naba ni karekea te kamaiuaki ma te neboaki ae aki toki mairouni Kristo Iesu.

Tito 3:5

ao ti a kamaiuaki i Rouna, tiaki i bukini m'akuri aika ti a tia ni karaoi ngke ti kani karaoa nanon te Atua, ma i bukin oin nanona n nanoanga; are E kamaiura iai ri nanon te tebotebo ni kaitiaki n te ran are reitaki ma te manga bungiaki, ao n ana m'akuri te Tamnei are Raoiroi ni manga kabouan te maiu.

Biremon 1:12

ae I a manga kaokia nako im, ma nanou ae bane i rouna.

Ebera 1:14

Tiaki bon tamnei ni kabaneia anera, aika taani m'akuri aika kanakoaki b'a a na buokiia te koraki akana nang karekea te kamaiuaki?

Ebera 2:3

ao ti na iranira ni kareke maiura ngkana ti aki mutiakina te aro ni kamaiu ae kakannato aei? E moa n taekinaki iroun te Uea, ao e kakoauaki nako ira irouia ake a ongo;

Iakobo 5:20

ao e na ataia, b'a ane kaoka te tia bure man arona are kaairua iai, ao e na kamaiua maiun te tia bure anne man te mate, ao a na kamaunaki ana bure aika bati.