I-Rom 11:13 - Te B'aib'ara

¹³ I taetae nakoimi ngkami aika tiaki I-Iutaia; b'a ngkai aia tia tuatua aomata aika tiaki I-Iutaia ngai, ao N na taua nakoau aei b'a te b'ai ae rangi ni kakawaki i rou.

I-Rom 11:13 ပူးပေါင်းရင်းမြစ်များ

M'akuri 13:2

Ngke a tabe uakai n taromauria te UEA, ma n aki mamatam, ao E taku nakoia te Tamnei are Raoiroi, “Kam na kaokoroa B'arenaba ma Tauro b'a au aomata nakon te m'akuri are I a tia n rineia nako iai b'a a na karaoia.”

M'akuri 22:21

Ao Ngaia E taku nako iu, “Naako, b'a N na kanakoko nako kiraroa nakoia aomata aika Tientaire.”

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

I-Karatia 1:16

b'a E na kaota Natina i rou, b'a I aonga n tataekinna i buakoia aomata aika tiaki I-Iutaia, ao I aki iango ma temanna ngkekei naba;

I-Karatia 2:2

I nako b'a tuangau n te kaotioti are roko i rou; ao I tuangiia te euangkerio are I tataekinna i buakoia aomata aika tiaki I-Iutaia; ao I karaoa aei nakoia uake a atoatongaki b'a taani kairiri, ngke ti ngai ma ngaiia, b'a a kaawa ni matebuaka au m'akuri ake I a tia ni karaoi n taai aika nako, ao aika I karaoi ngkai.

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,

1.Timoteo 2:7

ao anne bukin ae I rineaki iai b'a te tia katanoataa taekana, te tia tuatua, ao te tia reireiia aomata aika tiaki I-Iutaia taekan te onimaki ma te koaua. I atonga te koaua, I aki kewe.