I-Rom 10:20 - Te B'aib'ara

²⁰ Ao e taetae Itaia n aki maku, ngke e taekina ana taeka te UEA are e kaangai: “I a reke irouia akana aki ukoukorai; I kaotai nakoia akana aki titiraki taekau.”

I-Rom 10:20 ပူးပေါင်းရင်းမြစ်များ

Taeka n Rabakau 28:1

A biri nako aomata aika a buakaka ngkana bon akea ae e kakioia, ma a ninikoria kaanga te raian aomata akana a eti maiuia.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 52:15

E na karikiia botannaomata au tia m'akuri b'a a na boongana i bukin taromauriakiu; a na aki kakarongoa uea ngkana a boobaraaki ni mimi. Ane a na noori ao a na iangoi b'aai aika a tuai ma n noori ke n tuai n iangoi mai m'aaina.

Itaia 58:1

Takaarua te rongorongo! Tai taua. Ko na kaangai nakoia au aomata ae Iteraera: Kam a tia ni bure! Ko a tia n rairaki nako mai roun te UEA.

Mataio 20:16

E a manga taku Iesu, “Ane a na riki n rimoa aika rimwi, ao a na riki n rimwi aika rimoa.”

Ruka 14:23

Ao e taku te mataniwi nakon te toro, “Ko na nako ni kawai aika raababa ma kawain te marenaua, ao imanonoia aomata b'a a na nako mai, b'a e aonga ni kaonaki au auti.

I-Rom 10:3

b'a a aki ata te aro are e na kaetaki iai aroia n reitaki ma te Atua, ao a kataia ni karaoa te aro are e na reke iai i rouia; ao aroia aei e a oti iai b'a a rawa n are E a tia te Atua ni karaoia i bukiia.

I-Rom 9:30

Ao tera ae ti na taekinna ngkanne? Bon aei: b'a aomata aika tiaki I-Iutaia, aika akea aia kekeiaki ni kaeti aroia n reitaki ma te Atua, a kunea b'a e kona n reke i rouia kaetan aroia n reitaki ma Ngaia n te onimaki;

I-Rom 9:31

ma te botannaomata ae Iteraera, ake a ukoukora te tua are e na kaeta aroia n reitaki ma te Atua, e bon tuai n reke i rouia.

1.Ioane 4:19

Ti b'aina te tangira, i bukina b'a E tangirira moa.