I-Rom 10:17 - Te B'aib'ara

¹⁷ Ma ngaia ae e reke te onimaki man te ongora n te rongorongo, ao te ongora n te rongorongo e reke man tataekinani Kristo.

I-Rom 10:17 ပူးပေါင်းရင်းမြစ်များ

Iobi 42:5

Ngkoa, I ti atai baika I kaongoaki mai rouia aomata tabem'aang i bukim, ma ngkai, I a tia n nooriko ni matau.

Mareko 4:24

Ao E a manga taku nako ia, “Kam na karaua n iangoa ae kam ongo! B'aai ni baire ake kam kabonganai b'a b'aini motikan taekaia tem'angina i roumi, a na manga kabonganaki iroun te Atua b'a b'aini motikan taekami i Rouna-ma a na kakorakoraki riki nako imi.

Ruka 11:28

Ao Ngaia E kangai, “Te koaua, ma a kab'aia riki akana ongo ana taeka te Atua ao a kawakinna!”

Ruka 8:11

Aio nanon te rongorongo ni kabotau; Te koraa bon ana taeka te Atua.

Ruka 8:21

Ma E taku nako ia, “Tinau ma tariu bon aomata ake a ongo ana taeka te Atua ao a karaoia.”

Ioane 1:37

Ngke a ongo ana taeka aei ana reirei, ao a nako n ira Iesu.

I-Rom 1:16

B'a I aki mamaa n te euangkerio: b'a boni m'aakan te Atua ni kamaiuia aomata nako aika onimaki, aika I-Iutaia moa ao I-Erene naba.

I-Rom 10:14

Ao a na kanga ni wetea aran Teuare a aki onimakinna? Ao a na kanga n onimakinna ngkana a tuai n ongo taekana? Ao a na kanga n ongo ngkana akea te tia taekinna?

2.I-Korinto 2:17

B'a tiaki aroia aomata aika bati ngaira, ake a b'aini bob'aia ana taeka te Atua b'a a aonga ni kaub'ai iai; ma ti kanakoaki iroun te Atua, ao ti taetae i matana ma te nano ae itiaki i bukini Kristo.

I-Karatia 3:2

Ti aei te bae I kan ataia mai roumi, Kam anganaki te Tamnei i bukina ngke kam karaoi baika tangiraki n te Tua, ke i bukina ngke kam ongo taekan te euangkerio ao kam kakoauaa?

I-Karatia 3:5

Ma ngaia aei, b'a Teuare anganingkami te Tamnei, ma ni karaoi naba m'akuri aika m'aaka i buakomi, E karaoi i bukina ngke kam karaoi baika tangiraki n te Tua, ke i bukina ngke kam ongo taekan te euangkerio ao kam kakoauaa?

I-Korote 3:16

E na titiku ni maeka ana taeka Kristo i nanomi; ao kam na anenei taekan Taian Areru ma anene ma kuuna aika kam kairaki iai iroun te Tamnei; kam na anene nakon te Atua ma te nano ni katituaraoi.

1.I-Tetaronike 2:13

Ao aei naba bukin te bae ti aki toki ni katituaraoa iai te Atua: b'a ngke kam butim'aea ana taeka te Atua mai roura, ao kam kaki i nanomi b'a tiaki aia taeka aomata, ma n etina ni koaua, bon ana taeka te Atua ane m'am'akuri i nanomi ngkami akana kam onimaki.

Ebera 4:2

B'a e a tia n taekinaki te euangkerio nako ira, n ai aroia; naba; ma e matebuaka i rouia te rongorongo are a ongo, b'a a aki b'aina naba te onimaki are e reke irouia te koraki ake raoia n ongora.

1.Betero 1:23

B'a n ana taeka te Atua, ae te taeka ae maiu ae teimatoa, ao ai aron ae kam a manga bungiaki, tiaki mairoun te karo ae mamate, ma mairoun te karo ae aki mamate.

Te Kaotioti 1:9

Ngai ae Ioane, ae tarimi, ae raomi n uaia n rawawata ma ni kaaina Ueani Kristo ma ni b'aina te nanom'aka ngkai ti reitaki ma Iesu, I mena i aon te abam'akoro ae Batemoti, i bukin ana taeka te Atua ao i bukin naba te koaua are E tataekinna Iesu