I-Rom 1:32 - Te B'aib'ara

³² A bon ata ana taeka te Atua ae kaangai, A riai mateia akana karaoi baikai. A aki ti kakaraoi baikai, ma a boni kaoti naba nanoia aika kukurei ngkana a karaoaki baikai irouia tem'angina.

I-Rom 1:32 ပူးပေါင်းရင်းမြစ်များ

Taian Areru 50:18

Ko riki b'a raoia taan iraa akana ko kaitibo ma ngaiia; Ao ko reitiko ma taani wenenibure.

Taeka n Rabakau 28:4

E neboa te aomata ae e buakaka taan urua te tua, ma a aki toki ni kaitaraaki n taai nako irouia aomata aika a kaawakin taian tua.

Otea 7:3

E rangi ni kukurei te uea ma ana mataniwi nako n aia bure ma aia b'anganikewe.

Ruka 11:48

Ma ngaia ae taani kakoaua ngkami nakon aia m'akuri ami bakatibu, ao kam kariai baike a karaoi: b'a a kamateia, ao kam karaoi ruanimateia.

M'akuri 22:20

ao ngke e tiringaki Tetebano are e tataetae i bukim, ao ngai naba are I tei ni kakoauaa b'a e bon riai matena, ao I kawakini kunnikaiia ake a kamatea.”

M'akuri 8:1

Ao e kakoauaa Tauro b'a e bon riai kamatean Tetebano. E korakora b'ainikirinaia kaain te ekaretia i Ierutarem; ao a bane ni kauamaaeaki nako kaaina nako aon te aba are Iutaia ma Taamaria, ma a aki kauamaaeaki taan tuatua.

I-Rom 1:18

B'a e kaotaki unin te Atua mai karawa nakoia aomata ake a tia ni kakaraoa te bure, ma te aro n iowawa; ao i bukin aroia aika bubuaka n tukiia aomata man atan te koaua.

I-Rom 1:21

A ata te Atua, ma a aki anganna neboana ngkai te Atua Ngaia, ao a aki kaitaua; ma a riki aia iango b'a baika akea bonganaia, ao a karooaki nanoia aika aki wanawana.

I-Rom 6:21

Tera te bae kam karekea ngke kam karaoi ngkoa baike kam mamaa iai ngkai? B'a tokini baikekei te mate.

I-Rom 6:23

B'a boon te bure te mate; ma ana b'ai n tituaraoi te Atua te maiu are aki toki i nanoni Kristo Iesu are ara UEA.

2.I-Tetaronike 2:12

ao b'a a aonga ni bane n atongaki b'a a bure akana rawa nakon te koaua, ma a kukurei n te buakaka.