I-Rom 1:30 - Te B'aib'ara

³⁰ taani bukibuki, taan ribaa te Atua, taan taetaebuaka, taani kainikatonga, taani kamoamoaia, taani kariki iango aika bubuaka, taan aki iri nanoia aia karo,

I-Rom 1:30 ပူးပေါင်းရင်းမြစ်များ

1.Uea 20:11

Ao e taku Aaba, “Benatata, ko na aki kamoamoako i m'aain te bonibuaka. Ti na mataku ngkana ko na teimatoa ni maiu ni karokoa tokin te buaka.”

2.Rongorongo 19:2

Ma e kaaitibo ma te burabeti are Ieu are natin Anani te m'aane i aon kawaina ao e taku Ieu nako ina: Ngkai ko buoka te aomata ae e buakaka are Aaba, ao ko a tia n iraorao ma te aomata ae e ririiba te UEA. Ao ngkai, e un te UEA iroum!

2.Rongorongo 25:19

Amatia, tao ko taku ngkai b'a ko a rangi ni korakora i bukina ngke ko kataenikaiia Etom. Ma ko riai ni karauko ni mwengam ni booa am baka ni kukurei. Ngkana ko karaoa te kamwebuaka, ao ko na kaai ni kamaunaaki ngkoe ma abanueam ane Iuta.

Taian Areru 10:3

E kainikatonga te aomata ae buakaka n ana iango aika bubuaka; Ao te aomata ae kani b'aib'ai e karereantia te Atua.

Taian Areru 106:39

A kam'araeaki n aia m'akuri, ao a aki kakaonimaki nakon te Atua.

Taian Areru 49:6

Aomata ngaiia aika onimakini kaub'aia Ao a kamoamoaia n aia b'ai aika bati.

Taian Areru 5:5

Ko aki kan tei i matan te tia kainikatonga; Ko ribaia ni kabaneia akana karaoa ae buakaka.

Taian Areru 52:1

Ngkami aika aomata kam kona ni korakora, mani kainikatonga i bukin ami bure, ma E teimatoa onimakinan te Atua ni katoa bong

Taian Areru 81:15

A na bobaraaki i matau ma te maaku te koraki akana ribaai; A na karawaawataaki n aki toki.

Taian Areru 94:4

Ai ti maanraa aia tai akana iowawa ni kainikatonga ma ni kamoamoaia?

Taian Areru 97:7

A na bane ni kamaamaaeaki akana taromauri bouannanti; Akana kainikatonga i bukiia antiia aika bouananti; A bane anti ni bobaraaki n taromauria te UEA.

Taian Areru 99:8

Te UEA ae Atuara, Ko ongo irouia am Aomata; E boni ngae ngke Ko kareke kaiia i bukin aia bure, Ma Ko boni kaotiko naba nakoia b'a te Atua Ngkoe ae te tia kab'ara buure.

Taeka n Rabakau 24:8

Bon akea riki aika a iaiangoa te kakiriwe b'a bon ti taani kariki kiriwe.

Taeka n Rabakau 25:23

Ngkai e bon waaki te karau mai meang, ao ai aron naba taeka aika a buakaka b'a a nako man te maraki n nano.

Taeka n Rabakau 30:17

Ko na tai b'ainingarea tamam ke n aki ongotaeka iroun tinam A na katebea kanoani matam rebenin te m'arua ni karebenakoa, ao a na kana nikiran rab'atam taian ikare.

Taeka n Rabakau 8:36

Ma ngkana kam aki kuneai, ao kam bon kammarakiko i bon iroum, ao ngkana ko ribaai, ao kam tangira te mate.

Te Minita 7:29

Iai te b'ai teuana ae I ataia: Ti rangi n raoiroi ngkoa ngke e moan karikiira te Atua, ma ngkai a tia ni b'aoua ara iango.

Etekiera 14:5

Tao a na bae n okirai ke ni katoka taromauriakiia bouannanti ngkana a ongo au rongorongo.

Etekiera 22:7

Bon akea maibuakomi ae e karinea ana karo, ao kam m'am'anaia iruwa, ataei aika akea tamaia, ao aine aika a mate buuia.

Warekaia Iteraera 10:35

Ao e aki toki n tataro Moote ni katoa te bong are a nang m'ananga iai Iteraera, ao e tataro ni kaangai, “Ara UEA, kataenikaiia Am kairiribai, ao kakioia nako!”

Mataio 15:4

B'a E tua te Atua ni kangai, Ko na karinea tamam ma tinam, ao ane tabeki taeka aika buakaka i bukin tamana ke tinana, ao ke e mate.

Mataio 16:21

Man te tai arei, ao E moa ni kaotia Iesu nakoia ana reirei, “B'a e riai nakona nako Ierutarem ao b'a E na bati kamarakana irouia unimm'aane ma ibonga ake mataniwi ma taani koroboki, ao b'a E na kamateaki, ao E na manga kamaiuaki n te katenibong.”

Ruka 21:16

Ane kam na kam'aneaki irouia ami karo, ma tarimi, ma ami bu, ma raomi, ao ane a na kamateia tabem'aang i buakomi.

Ioane 7:7

Akea bukin ae kam na ribaaki iai irouia aomata nako; ma iai bukin ribakiu i rouia, b'a I aki toki n tuangiia b'a a bubuaka aia m'akuri.

M'akuri 5:36

B'a e teirake Teuta ngkoa, ni kaotia b'a te tia kairiri ngaia ae kakannato, ao a riki b'a raona, aomata aika tao abubua m'aitiia; e kamateaki Teuta, ao a bane ni kamaaeaki nako raona, ao e mauna matan aia botaki.

I-Rom 2:17

Ma ngkoe, ko taku b'a te I-Iutaia; ko onimakina te Tua, ma ni kamoamoako i bukin arom n reitaki ma te Atua;

I-Rom 2:23

Ngkoe ae ko kamoamoako i bukin te Tua, ko kamatauninga te Atua n riaoakin te Tua i roum?

I-Rom 3:27

Ao e nga te kamoamoa iai? E tukaki! N te tua ra? N tuan te m'akuri? Tiaki; ma e tukaki n te tua n onimaki.

2.I-Korinto 10:15

Ti aki kamoamoaira n aia m'akuri tem'angina are a karaoia i tinanikun te tia are E a tia te Atua ni baireia nako ira; ma bon ara kaantaninga b'a ngkana e rikirake ami onimaki, ao ara m'akuri e na karababaki riki i buakomi n ai aroni baireana.

2.I-Korinto 12:20

B'a I maaku, b'a I kawa n roko ao I noringkami b'a tiaki aron ae I tangiria, ao ngkami kam norai b'a tiaki naba aron ae kam tangiria; b'a a kawa n noraki i roumi taiani kauntaeka, ma te bakantang, ma un, ma unra i marenaia ami botaki nako, ma taeka ni kamaraki nano ma winanti, ma aaro ni kainikatonga, ma mwebuaka.

Te Tua-Kaua 7:10

Ma ngkana kam a manga kaitaraa te UEA, ao E na bon waekoa n tiringingkami.

2.I-Tetaronike 2:4

E na ekianako akana atongaki b'a atua ni kabaneia ma baika taromauriaki, ao e na rin n tekateka n um'antabun te Atua ma n taetae ni kaotia b'a aongkoa te Atua ngaia.

2.Timoteo 3:2

B'a ane a na riki aomata b'a taan tangiriia i bon i rouia, taani baki-tianti, taani kamoamoaia, taani kainikatonga, taan taetaebuaka, taan aki-ongeaba nakoia aia karo, taani bangaomata, taani kam'araai ana b'ai te Atua,

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

Iakobo 3:5

Ao ai aron naba te newe: boni b'ain te rab'ata ae uarereke, ao e kamoamoaa i bukin arona ni kona ni karaoi baika ab'ab'aki. Noria, ai uarereke ra te ai ao e kona ni kaurarakea te buakonikai ae ab'ab'aki!

Iakobo 4:16

Ma ngkai, kam kamoamoaingkami n ami kainikatonga. Kamoamoa ni kabane aika ai aron aikai a bane ni bubuaka.

2.Betero 2:18

B'a ngke a atongi taeka ni kainikatonga aika ria nako aika akea manenaia, ao a kamanena ni kabatiai kaib'ab'arun te rab'ata b'a kanga abeaia i bukini kam'aneaia akana moanna ni butaki nako mai buakoia akana maeka i buakon te buakaka.

Iuta 1:16

Bon taani b'angantaeka te koraki aei, ao taani ngurengure ma taan iri oin nanoia ni kaib'ab'aru; taan taetae ni kainikatonga, ao a kamoamoaia aomata ni karangiia b'a a aonga n reke i rouia baika tangiri.