I-Rom 1:24 - Te B'aib'ara

²⁴ Ma ngaia are, E katikuia te Atua n aroia n tangira te kammaira, ao a karaoi m'akuri ni kamamaa nakon rab'ataia, temanna nakon temanna.

I-Rom 1:24 ပူးပေါင်းရင်းမြစ်များ

Nakoaia Ibonga 18:22

E na tai iein te m'aane ma te m'aane; e ribaia te Atua.

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

M'akuri 14:16

I nanon rooro ake rimoa, ao E aki tutukiia botannaomata nako mani karaoani baike a tangiri;

M'akuri 7:42

Ao E tannako te Atua mai rouia, ao E katikuia n aroia b'a a na taromauri itoini karawa; n ai aron are koreaki n aia boki burabeti, ni kaangai, “Ngkami aika te botannaomata ae Iteraera, tiaki i buku maan ake kam tiring ao kam anga b'a ami karea n te rereua angaun te ririki?

I-Rom 6:12

Ma ngaia ae tai kauea te bure i nanon rab'atami aika mamate, n ongo iroun aia kaib'ab'aru;

1.I-Korinto 6:13

Ao temanna e taku, “Te am'arake i bukin te biroto, ao te biroto i bukin te am'arake.” Eng; ma te Atua E na kamaunai ni kauoua. B'a te rab'ata tiaki i bukin te wene ni bure, ma bon i bukin te UEA; ao te UEA i bukin te rab'ata.

1.I-Korinto 6:18

Kam na biri nako man te wene ni bure. Buure nako aika e karaoi te aomata a mena i tinanikun te rab'ata; ma ane wene ni bure ao e bure nakon oin rab'atana.

I-Ebeto 2:3

ake boni ngaira naba ngkoa i buakoia ngke ti bane ni kaoti arora ni maiura b'a ti iri nanoni kaib'ab'arun rab'atara ma nanora; bon aomata ngaira aika e mena i aora unin te Atua, ao ti te bo arora ma aomata ni kabaneia.

1.I-Tetaronike 4:4

kam na atai aromi ngkami mm'aane n tatabemaningkami nako, ni maeka ma buumi n te aro ae itiaki ao n te aro ni karinerine,