I-Korote 4:6 - Te B'aib'ara

⁶ A na tangiraoi ami taeka n taai nako, ma ni kakan ongora; ao kam riai n ata te kaeka ae riai nakon temanna ma temanna.

I-Korote 4:6 ပူးပေါင်းရင်းမြစ်များ

1.Rongorongo 16:24

Tuangiia botannaomata nako n te aonnaba ni kaangai, “E kamimii te UEA e karaoi m'akuri aika a tamaroa”

Taian Areru 105:2

Anene nakoina, anenea karaoiroana: Taekini baika kamimii ake E a tia ni karaoi.

Taian Areru 119:13

N na karakin am Tua ake Ko a tia n taekin.

Taian Areru 119:46

N na tataekin am Taeka nakoia uea, Ao N na aki mamaa iai.

Taian Areru 45:2

Te kabanea ni botonim'aane ngkoe; Te tia taetae ngkoe ae ko wikateke. E aki toki ni kakab'aiako te Atua.

Taian Areru 66:16

Nako mai, ongora, ngkami akana kam karinea te Atua, Ao N na tuangngkami te b'ai ae E a tia ni karaoia i buku.

Taeka n Rabakau 10:21

A m'aiti aika a buokaki n taian taeka n reirei aika a manena, ma a tiringaki taian nanobaba ni bon oin nanobabaia.

Taeka n Rabakau 15:4

Bon taian b'ainaoraki taeka aika a raoiroi, ma taeka ni kewe a konaa ni kaikoaka te aomata.

Taeka n Rabakau 15:7

A karekea te iango raoi taeka ni wanawana; bon akea nanon te b'ai ae a iangoia aomata aika a nanobaba.

Te Minita 10:12

A na reke raraom, ngkana ko taetae ni iango raoi; ao ngkana ko taetae n nanobaba ao ko bon tiringko iai i bon iroum.

Etekiera 43:24

ao uotiia nakon au Tembora. E na kamraraa te taoro te ibonga i aoia ao e na anga b'a te karea are kakukureiau.

Nakoaia Ibonga 2:13

Kam na taoron ami karea ni kabane ake uita, i bukina b'a bon kanikinaean ana berita te UEA ma ngkami te taoro (Kam na taoron ami karea ni kabane.)

Mataio 5:13

Ai aron taoron te aonnaba ngkami; ma ngkana e mauna taorona, ao e na taoronaki n tera? Akea te b'ai ae e na bongana nako iai, ma ti te teweaki nako, ao ikanne are e a kona n reke ae e toutouaki iai irouia aomata.

Mareko 9:50

E raoiroi te taoro, ma ngkana e a bane taorona, ao ko na iranna ni karaoia b'a e na manga reke taorona? B'aina te taoro n i-raorao i marenami, ao kam na maeka ma te rau i marenami.”

Ruka 4:22

A bane aomata ni kaoti kukurein nanoia i Rouna n aia taeka, ao a mimi n taeka aika nako mai wiina b'a a kamaiu nano; ao a taku, “Tiaki natin Ioteb'a Teuaei?”

I-Ebeto 4:29

E na tai oti nako te taeka teuana ae kam'ara mai wiimi, ma e na oti nako te taeka ae e raoiroi ae na buokiia aomata ni kain nanoia, ao a na reke kab'aiaia iai akana ongo.

Te Tua-Kaua 11:19

Reireiniia ami ataei iai. Taetaekinna nakoia ni katoa tai--ngkana tao kam nakonako i aon te kawai ke ngkana kam nang matu i aon kiemi n te tairiki, ke ngkana kam uti n te ingabong.

I-Korote 3:16

E na titiku ni maeka ana taeka Kristo i nanomi; ao kam na anenei taekan Taian Areru ma anene ma kuuna aika kam kairaki iai iroun te Tamnei; kam na anene nakon te Atua ma te nano ni katituaraoi.

1.Betero 3:15

Ma kam na tabua Kristo i nanomi b'a te Uea; ao kam na tauraoi n te bong ae koraki b'a kam aonga ni kona ni kaeka te aomata ae titirakiningkami bukin te kaantaninga ae mena i nanomi;