I-Korote 4:10 - Te B'aib'ara

¹⁰ E kamauringkami Arititareko ae raou ni kabaeaki, ma Mareko ae ai tarini B'arenaba (are kam a tia n anganaki te kaetieti i bukina, b'a ngkana e roko i roumi ao kam na m'aneia n akoia).

I-Korote 4:10 ပူးပေါင်းရင်းမြစ်များ

M'akuri 12:12

Ngke e a ata te baere riki nakoina, ao e nako n ana auti Nei Maria are tinan Ioane, are arana teuana Mareko. A botaki iai n tataro aomata aika bati.

M'akuri 12:25

Ngke a tia aia m'akuri B'arenaba ma Tauro, ao a oki mai Ierutarem, ao a kaira Ioane are arana teuana Mareko.

M'akuri 13:13

A borau ngkanne B'auro ma raona mai Babo, ao a roko i Bereke are i Bamburia; e kitaniia Ioane ikekei, ao e okira Ierutarem.

M'akuri 13:5

Ngke a roko i Tarami, ao a tataekina ana taeka te Atua ni m'aneabaia I-Iutaia. Ao raoia Ioane b'a e buokiia n aia m'akuri.

M'akuri 19:29

E buta aon te kaawa arei n te kiriwe, ao a tauaki irouia aomata Kaio ma Arititareko, aika I-M'aketonia, aika raoni B'auro ni m'am'ananga. A bane ni b'aina te nano ae ti teuana ni kanenei nakon te tabo are a bobotaki iai kaain te kaawa, ao a tauia uakekei.

M'akuri 20:4

Ao e iria Tobatero are natini Buro, are te I-Beroia; a iri naba Arititareko ma Tekunro ake I-Tetaronike, ma Kaio are te I-Rerebe, ma Timoteo, ao Tukiko ma Terobimo ake I-Atia.

M'akuri 27:2

Ao ti toka ni kaibuken Areramuteno tewaana, ae nangi borau nakon taabo n rooro i Atia, ao ti borau; ao raora Arititareko ae te I-M'aketonia mai Tetaronike.

M'akuri 4:36

Ao Ioteb'a, are e aranaki irouia taan tuatua b'a B'arenaba (ae nanona, “Natin te kaunga-nano”) ae te I-Kubero, ae kaain te utu ae te Rewi,

I-Rom 16:2

M'aneia n akoia n aran te UEA, n te aro ae riai irouia ana aomata te Atua; ao kam na buokia n te b'ai ane e kainanoia mai roumi: b'a te tia buokiia aomata aika bati ngaia, ao te tia buokai naba.

I-Rom 16:7

Anga au kamauri nakon Anteroniko ma Nei Iunia, ake au bu, ake a mena ma ngai n te karabuuti; a rangi ni kinaki irouia taan tuatua, ao a onimakina Iesu i m'aiu.

2.Timoteo 4:11

Ai ti Ruka ae mena i rou ngkai. Ko na wetea Mareko, ao kairiia mai b'a raom: b'a e manena i bukini buokau n te m'akuri.

Biremon 1:23

E kamauriko Eb'abera, ae raou ni kabaeaki i bukini Kristo Iesu;

Biremon 1:24

ao a kamauriko naba Mareko, ma Arititareko, ma Tema, ma Ruka, aika raou ni m'akuri.

1.Betero 5:13

E kamauringkami neiei, ae e mena i B'aburon ae neie rineaki naba ma ngkami; ao e kamauringkami naba Mareko ae natiu.