I-Korote 3:5 - Te B'aib'ara

⁵ Ma ngaia ae kam na kamate aron rab'atami akana b'ain aon te aba, aika te wene ni bure, te kammaira, te kaib'ab'aru, te tangira ae buakaka, ao te mataai ni kanib'aib'ai ae ti te bo arona ma taromaurian te bouannanti.

I-Korote 3:5 ပူးပေါင်းရင်းမြစ်များ

Te Otinako 37:22

A karaoaki kaintaura, n reitaki ma taian m'aanga ao taian uee ni katamaroa, man te koora ae raneanea ae ti teuana ae e tia n amanaki.

Mataio 15:19

B'a a nako man te nano iango aika buakaka aika kaira te aomata b'a e na tiritiri, e na wene ni bure ma te ainenum'a, e na wene ni bure ma te aine ae akea buuna, e na iraa, e na bukibuki ni kewe, ao e na taekini baika aki raraoi b'a taekaia aomata tem'angina.

I-Rom 1:26

Ma ngaia are, E katikuia te Atua nakon aroia ni kaitataan aika bubuaka: b'a aia aine a onea aroia n iraorao ma mm'aane are riai ao a iraorao ma raoia n aine;

I-Rom 1:29

A kaonaki nanoia n te buakaka ni kabanea, ma te kani buakaka, ma te kani b'aib'ai ae korakora, ma te babakanikawai. A on n te bakantang, ma te nano ni kamamate ma ni kauntaeka, ma te uarao, ma te iowawa. Bon taani winanti,

I-Rom 6:13

ao tai angan te bure b'ain rab'atami, b'a a na kabonganaki i bukini kaantaninga aika buakaka; ma kam na anga ngkami nakon te Atua b'a ai aroia aika maiu mai buakoia maate, ao b'ain rab'atami b'a a na kabonganaki i bukini karaoan te eti.

I-Rom 6:6

B'a ti ata aei: b'a e tauraki aomatara nikawai i aon te kaibangaki ma Ngaia, b'a e aonga ni kamaunaki te rab'ata ae bure, b'a ti na aki manga toronaki n te bure.

I-Rom 7:23

ma I nora te tua ae kaokoro ae m'akuri i nanoni b'ain rab'atau, ae te tua ae buakana tuan nanou, ao e tauai b'a te bure ngai nakon tuan te bure ae i nanoni b'ain rab'atau.

I-Rom 7:5

B'a ngke ti maiu n iri nanon rab'atara, ao a m'am'akuri i nanoni b'ain rab'atara naano aika kani kakaraoa te bure, aika naano aika bwebwerake ngkai iai te Tua; ao a kariki uaa aika ana b'ai te mate.

I-Rom 8:13

B'a ngkana kam ira nanona ni maiumi, ao ane kam na mate; ma ngkana kam katoki aromi aika buakaka n ana buobuoki te Tamnei, ao kam na maiu.

1.I-Korinto 5:1

A taku aomata b'a bon iai te wene ni bure i buakomi, ae te aeka ni wene ni bure ae akea n ai arona i buakoia aomata aika tiaki I-Iutaia b'a e buuna buun tamana te aomata.

1.I-Korinto 6:11

Ao akanne anuani maiuia ngkoa tem'angina i buakomi. Ma kam a tia n tebokaki; kam a katabuaki b'a ana b'ai te Atua, ao a tia ni kaetaki aromi n reitaki ma te Atua n aran ara UEA are Iesu, ao iroun naba Tamnein Atuara.

1.I-Korinto 6:13

Ao temanna e taku, “Te am'arake i bukin te biroto, ao te biroto i bukin te am'arake.” Eng; ma te Atua E na kamaunai ni kauoua. B'a te rab'ata tiaki i bukin te wene ni bure, ma bon i bukin te UEA; ao te UEA i bukin te rab'ata.

1.I-Korinto 6:18

Kam na biri nako man te wene ni bure. Buure nako aika e karaoi te aomata a mena i tinanikun te rab'ata; ma ane wene ni bure ao e bure nakon oin rab'atana.

2.I-Korinto 12:21

Ao I maaku naba, b'a I kawa ngkana I roko riki ao N na karinanoaki iroun Atuau i matami, ao N na katumaua te tang i bukiia te koraki ake a tia ni bure ao a tuai man rairi nanoia man te kammaira, ma te wene ni bure, ma te tam'are.

I-Karatia 5:24

Ao akana ana aomata Kristo Iesu a taura te maiu n rab'ata ma nanona ni kammaira ma ni kaib'ab'aru n te kaibangaki.

I-Ebeto 4:19

E a tia ni bua mai rouia namakinan te mamaa, ao a anga ngaiia nakon te maiu n tam'are b'a a na karaoa te aro ni kammaira ni kabane ma nanoia ae korakora nako iai.

I-Korote 2:11

N aromi naba n reitaki ma Ngaia ao kam a tia ni kaitiakaki, tiaki n te kaitiakaki are korean te iriko man te rab'ata ni bain te aomata, ma n ana kaitiaki Kristo;

1.I-Tetaronike 4:3

B'a aio nanon te Atua i bukini katabuani maiumi b'a ana b'ai: kam na rawa nakon te wene ni bure;

1.I-Tetaronike 4:5

ma tiaki n te aro ni kaitataan ni kaib'ab'aru n ai aron ae noraki irouia aomata aika tiaki I-Iutaia aika aki ata te Atua.

1.Timoteo 6:10

B'a te baki-tianti boni ngaia ae a nako mai iai aaro nako aika buakaka. Iai tabem'aang aika rangi ni baki-tianti n te aro are a kitana iai te onimaki, ao a uruaki nanoia n te aro ae a rawawata iai.

Ebera 12:16

E na aki riki temanna b'a te tia wene ni bure, ke te tia kam'araai baika tabu aika ana b'ai te Atua, n ai aron Etau are anga nako baika kakawaki n reitaki ma arona ni karimoa i bukin te am'arake ae ti teuana taina ni kanaki.

Ebera 13:4

E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.

Ebera 13:5

A na akea ni maiumi te baki tianti, ma a na rauaki nanomi ni baika iai i roumi. B'a E a tia ni kangai te Atua, “N na bon aki kakiko, Ao N na bon aki kitaniko.”

Iakobo 4:1

A riki maia taiani buaka, ao a riki maia taian un i buakomi? Tiaki a riki man naano n aonnaba aika kume ni buaka i nanoni b'ain rab'atami?

1.Betero 2:11

Ngkami akana kam tangiraki, I butingkami ngkai kanga iruwa ngkami ao kanga aomata aika maeka n aki maan n te aonnaba aei, b'a a na aki tauaki aromi n iangoan nanomi aika bubuaka aika aki toki ni buakana te maiu are kam anganaki.

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.