I-Korote 3:11 - Te B'aib'ara

¹¹ Ao n te aro aei, akea iai te kaokoro i marenan te I-Erene ma te I-Iutaia, te itiaki ma te aki itiaki, te aomata ae tiaki te I-Erene, te I-Tekute, te toro ma te inaomata: ma ae moamoa i aoni b'aai ni kabane boni Kristo, ae E mena i roura ni kabane.

I-Korote 3:11 ပူးပေါင်းရင်းမြစ်များ

Taian Areru 117:2

E nene ni matoa ana tangira i bukira, ao akea tokin ana kakaonimaki. Kam na neboa te UEA!

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 52:10

E a tia te UEA ni kaota korakorani m'aakana nakoia botannaomata ni kabane; a bane aomata n noora m'aakan Atuara ni kakamaiu.

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

Etekiera 47:22

E na riai ni b'ainaki irouia Iteraera ao ianena aika a maeka i buakoia ake a bungiaki natiia i Iteraera. A riai n aranaki ianena aikai b'a bon Iteraera, ao e na reke naba

Otea 2:23

N na kaamae n uniki taian ati ao ni kaota te nanoanga nakon Roo-Ruam'a. N na kaangai nakon Roo-Ammi, “Bon Au aomata ngkami,” ao a kaeka ni kaangai, “Atuara Ngkoe.”

Amota 9:12

b'a a na manga rawea nikiran aban Etom aomatan Iteraera b'a abaia, ao a na tautaekaniia botannaomata b'a Au aomata. Bon Ana taeka te UEA ae E na karaoi baikai.

Mika 4:2

Ao a kaangai aomata, “Ti a rierakea ana tabuki te UEA, are e mena iai ana Tembora Atuaia Iteraera, b'a E na reireiniira baika E tangirira b'a ti na karaoi. Ti na nakonako i nanon kawai ake E a tia n rinei. A roko ana taeka n reirei te UEA mai Ierutarem, ao E taetae nakoia ana aomata mai Tion.”

Tekaria 2:11

Ngkana E karaoa anne, a na bati botannaomata aika a na rairaki nakoina ma n riki b'a Ana aomata. Ao ane kam na ataia iai b'a bon te burabeti mairoun te UEA ae Moan te M'aaka.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Ioane 14:23

E kaekaa Iesu ao E taku, “Ngkana e tangirai te aomata, ao e na ongeaba nakon au taeka; e na tangiraki iroun Tamau, ao ti na nakoina ni maeka ma ngaia.

Ioane 15:5

“Ngai te kai ae te kureebe, ao ngkami m'aangana. Ane nim ma Ngai, ao I nim ma ngaia, ao e na kariki uaa aika bati; b'a akea te b'ai ae kam kona ni karaoia ngkana akea Ngai.

Ioane 17:23

Ngai i nanoia, ao Ngkoe i nanou, b'a a aonga ni katiteuanaki raoi, ao e na ataia te aba b'a Ko kanakomaiai ao Ko tangiriia, n ai arom ngkai Ko tangirai.

M'akuri 15:17

B'a a na ukoukora te UEA nikiraia aomata, ni botaki ma Tientaire, ake I a tia n atongiia b'a oin au b'ai.

M'akuri 28:2

E rangi ni moamoa aroia n akoi nako ira kaain te aba arei: b'a a kaura te ai ao a butim'aira n akoira, i bukina ngke e kakarau ao e kamariri.

M'akuri 28:4

Ngke a nora te naeta n tinetine ni baini B'auro, ao a i taetae irouia kaain te tabo arei, ni kaangai, “Bon te koaua b'a te tia tiritiri te aomata aei: b'a e ngae ngke e reke maiuna mai tari, ma e aki kariaia antin te kaetitaeka b'a e na maiu.”

I-Rom 1:14

Iai tabeu ae I riai ni karaoia nakoia I-Erene ma aomata aika tiaki I-Erene, ao nakoia aika reireiaki ma aika aki reireiaki;

I-Rom 10:12

Te taeka aei bon i bukiia aomata ni kabaneia: b'a akea kaokoron te I-Iutaia ma te I-Erene, b'a ti temanna aia UEA aomata ni kabaneia, ae E kabatiai kab'aiaia aomata nako ake a butiia buokaia;

I-Rom 3:22

E kaeti aroia aomata te Atua n reitaki ma Ngaia n onimakinan Iesu Kristo i rouia; ao E karaoa aei nakoia aomata ni kabaneia aika onimakina Iesu.

I-Rom 3:29

Ti Atuaia I-Iutaia te Atua, ao tiaki Atuaia naba aomata aika tiaki I-Iutaia?

1.I-Korinto 12:13

B'a ti bane ni b'abetitoaki nako nanon te rab'ata ae ti teuana iroun te Tamnei are Raoiroi ae ti temanna, ngaira aika I-Iutaia ma I-Erene, ma tooro ma inaomata; ao a bane n anganaki nanora te Tamnei are Raoiroi ae ti temanna.

1.I-Korinto 14:11

Ma ngaia ae ngkana I aki ata nanon te taetae, ao I riki b'a kanga kaain te aba teuana ngai nakon ane taetae, ao ane taetae b'a kanga kaain te aba teuana nako iu.

1.I-Korinto 7:19

Akea manen te kaitiakaki, ao akea naba manen te aki-kaitiakaki; ma bon iai maneni kawakinan ana tua te Atua.

I-Karatia 2:20

Ao ai tiaki ngai ae I maiu ngkai, ma Kristo ae maiu i nanou; ao arou ae I maiu iai n te rab'ata, I maiu n onimakinan Natin te Atua, are E tangirai, are E anga Ngaia i buku.

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

I-Ebeto 1:23

ao te ekaretia bon rab'atani Kristo, ao onrakeni Kristo bon kakororaoan aron b'aai ni kabane n taabo nako,

I-Ebeto 2:14

B'a Kristo boni Ngaia ara raoi, b'a E karikiia I-Iutaia ma aomata aika tiaki I-Iutaia b'a te botannaomata ae ti teuana; ao ni matena i aon te kaibangaki E urua te riribai are tei b'a kanga te roki i marenaia.

I-Ebeto 2:15

E kamaunaa te Tua are kanoana taeka i bukini baika riai ni karaoaki ao n aki karaoaki irouia aomata, b'a e aonga ni karikiia botannaomata aika uoua b'a kanga te aomata ae ti temanna ae boou n arona ni kaatiteuanaki ma Ngaia; ao n te aro aei e a reke iai te raoi.

I-Ebeto 3:17

b'a E na maeka Kristo i nanomi i bukin ami onimaki, ao b'a a na iai wakaami ma aami n te tangira,

I-Ebeto 3:6

te kaantaninga n te baere raba aei: b'a a na raoniia Iteraera ni b'aib'ai aomata aika tiaki I-Iutaia, ma n riki b'a te rab'ata ae ti teuana ma ngaiia, ao b'a a na reke tib'angaia n te taeka n akoi ngkai a reitaki ma Kristo Iesu n te euangkerio;

I-Ebeto 6:8

Kam bon ataia b'a e na reke nakon temanna ma temanna boona mairoun te UEA n te m'akuri ae e raoiroi are e karaoia, n aki warekaki b'a te toro ngaia ke te inaomata.

I-Korote 2:10

Ao kam a tia n anganaki te maiu ni koaua ngkai kam reitaki ma Ngaia, are atuuni m'aaka ma korakora ni bane.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.

2.Ioane 1:9

Ane aki toua mwin ana taeka n reirei Iesu ma e kitanna n tan nako, ao akea te Atua i rouna; ane toua mwin ana reirei, ao bon iai i rouna te Tama ma te Nati.