I-Korote 3:1 - Te B'aib'ara

¹ Ma ngaia ae ngkai kam a manga uaia ni maiu ma Kristo man te mate, ao kam na ukoukori b'ain eta, ike E mena iai Kristo n tekateka i angaatain te Atua.

I-Korote 3:1 ပူးပေါင်းရင်းမြစ်များ

Taian Areru 110:1

E taku te UEA nakon au uea, ae te king, “Ko na tekateka i angaataiu, ni karokoa ae I kaakiia taan ribaiko i aani waem.”

Taian Areru 16:11

Ko na kaota nako iu te kawai are e nakon te maiu; E kaonai n te kukurei rokom ao e anganai te kakatonga n aki toki.

Taeka n Rabakau 15:24

A ira te kawai akana a wanawana ni kabane are e waerake nakon te maiu ao e raroa nako man te mate.

Te Minita 10:2

E kairiko te iango raoi nakoni karaoan te raoiroi; ao e kairiko te iango n nanobaba nakoni karaoan te kaairua.

Mataio 22:44

‘E taku te Uea nakon au Uea: Ko na tekateka i angaataiu ni karokoa I kaakiia am kairiribai i aani waem.’

Mataio 26:64

E taku Iesu nako ina, “Ngaia ane ko taku. Ma I tuangngkami b'a ane kam na nora Natin te Aomata ni moa man te tai aei b'a E tekateka i angatain Teuare M'aka, ao b'a E nako mai i aon nangini karawa!”

Mataio 6:20

Ma kam na kaiko ami b'ai aika kakawaki i karawa, ike e aki kangi b'aai iai te koa ma te raraa, ao a aki uru-b'ai ma n irae iai taan ira;

Mataio 6:33

Ma kam na ukoukora moa Uean te Atua ma ana raoiroi, ao E na karekei baikai ni kabane te Atua nako imi.

Mareko 12:36

E kairaki nanon Tawita iroun te Tamnei are Raoiroi b'a e taetae ni kangai: ‘E taku te Uea nakon au Uea: Tekateka ikai i angaataiu Ni karokoa I kakiia am kairiribai i aani waem.’

Mareko 14:62

E kaeka Iesu, ao E taku, “Boni Ngai; ao ane kam na nora Natin te Aomata b'a E na tekateka i angaatain Teuare m'aaka, ao b'a E na nako mai n nangini karawa.”

Mareko 16:19

Ngke E tia te Uea are Iesu n taetae nako ia, ao E uotaki rake nako karawa, ao E tekateka i angaatain te Atua.

Ruka 12:33

Kam na kabo nako ami b'ai, ao anga m'aneia b'a b'ai n tituaraoi nakoia akana akea aia b'ai; kareke ami b'auti-ni-m'ane aika na aki riki ni m'ane, ma baika kakawaki aika na aki kona ni bane i karawa, ike e aki rooroko iai te tia iraa, ao e aki ururu b'aai iai te koa.

Ruka 20:42

B'a e a boni manga kangai Tawita n te boki are Taian Areru, ‘E taku te Uea nakon au Uea, Ko na tekateka i angaataiu

Ruka 22:69

Ma ni moa ma ngkai ao ane E na tekateka Natin te Aomata i angaatain te Atua are M'aka.”

M'akuri 2:34

B'a e aki rierake Tawita nako karawa, ma e kaangai, “E taku te Uea nakon au Uea, Ko na tekateka i angaataiu,

M'akuri 7:55

Ma e on n te Tamnei are Raoiroi Tetebano, ao e kanene matana n tara karawa. E nora mimitongin te Atua, ma Iesu b'a E tei i angaatain te Atua;

I-Rom 8:34

Ao antai ae na kabureia? Kristo Iesu boni Ngaia are mate, are E a manga uti mai buakoia maate, ao are E mena naba i angaatain te Atua ni bububuti i bukira.

I-Rom 8:6

B'a nanon te rab'ata bon te mate, ma nanon te Tamnei are Raoiroi bon te maiu ao te raoi.

2.I-Korinto 4:18

B'a ti aki taratarai baika nonoraki, ma ti taratarai baika aki nonoraki; b'a baika nonoraki a kai toki, ma baika aki nonoraki a aki totoki.

I-Ebeto 4:10

Ma ngaia are, Teuare ruo boni Ngaia naba ae rierake nakon are moan te rietaata are i etani karawa, b'a E aonga n roti taabo nako.

I-Ebeto 5:22

Ainenum'a, kam na aan-taeka irouia buumi, n ai aromi n aan-taeka iroun te UEA:

I-Korote 2:20

Ngkai kam a tia ni mate ma Kristo ao kam a kainaomataki mani baika iai m'aakaia n te aonnaba aei. Bukin tera ngkai kam maiu ao n riki b'a kaain te aonnaba aei? Bukin tera b'a kam kairaki i aan tuua aikai

I-Korote 3:2

Kam na iangoi b'ain eta, ao tai iangoi b'ain aon te aba.

Ebera 1:13

Ao te anera ra ae E kangai te Atua nako ina n te tai teuana, “Ko na tekateka i angaataiu, ni karokoa I kakiia am kairiribai b'a neni katokaani waem.”

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Ebera 10:12

Ao ngke E a tia Kristo n anga te karea ae ti teuana i bukini buure, ae manena n aki toki, ao E tekateka i angaatain te Atua;

Ebera 12:2

ao ti na tarataraa Iesu are te tia kariki ara onimaki, ao te tia kakoroa; are E taona nanona nakon te kaibangaki, n aki mutiakina kamaamaeana, i bukin te kim'areirei are kamenaki i m'aina; ao E tekateka i angaatain ana kaintokanuea te Atua.

Ebera 8:1

Oin te kaantaninga ni baika ti taekin bon aei: b'a iai i roura te Ibonga ae Kakannato, are tekateka i angaatain ana kaintokanuea ae kakannato te Atua i karawa.

1.Betero 3:22

are nako karawa, ao E mena i angaatain te Atua, n tautaeka i aoia anera ma ake iai m'akaia ma aroia n tautaeka.