I-Korote 2:2 - Te B'aib'ara

² I karaoa aei b'a a aonga ni kauungaki nanoia, n aroia n reitaki n te tangira, ao b'a a aonga n aki nanokokoraki teutana n te atatai, are e na ataaki raoi iai te baere raba, are Kristo, are mairoun te Atua,

I-Korote 2:2 ပူးပေါင်းရင်းမြစ်များ

1.Uea 3:28

Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.

Taian Areru 133:1

Ai raoiroira ao ai rerei ra ngkana a maeka ni bootaki aomata n ai aroia taari!

Itaia 32:17

Ao ane e na kaotinakoa te rau ao te kamanoaki ae akea tokina.

Itaia 40:1

E a tia ni kaangai te Atua: “Kaungai nanoia au aomata! Anganiia te rau.

Itaia 53:11

Ti na karekea raoi nanon te ongotaeka iroun te UEA i nanon rawaawatan te tia m'akuri. E ngae ngke akea ana bure, ma e na bon anaa naba tuaaia taani bure tem'angina, b'a a aonga ni m'aiti mai buakoia aika a na b'ara aia bure.

Ieremia 9:24

Ngkana kam tangiria ni kamoamoaingkami, ao kam iango raoi riki ngkana kam kamoamoaa taromauriakiu, Ngai ae te UEA. Te b'ai ae I tangiria riki bon kaotan te akoi te motikitaeka ae eti, ao te nanoanga nako ia aomata ni kabane n te aonnaba.

Mataio 11:25

Ao ni boong akekei, ao E taetae Iesu ni kangai, I karab'ako, Tamau, ae Ueani karawa ma aonnaba, b'a Ko karabai baikai nakoia akana rabakau ma akana wanawana, ao Ko kaoti nakoia merimeri.

Mataio 11:27

“I anganaki b'aai ni kabane iroun Tamau; ao akea ae ata te Nati, ma ti te Tama ae ataia; ao akea ae ata te Tama, ma ti te Nati ae ataia, ao ane E kani kaotia te Nati nako ina.

Mataio 13:11

Ao E kaekaia ni kangai, Kam a tia n anganaki baika raba aika b'ain Uean te Atua; ma ngaiia, a tuai n anganaki.

Ruka 1:1

A bati aomata ake a tia ni koroi taekani baike a tia n riki i buakora,

Ioane 10:30

Ti temanna Ngai ma te Tama.”

Ioane 10:38

ma ngkana I karaoi, e aoria ngkana kam aki kakoauaai, ma kam na kakoauai au m'akuri, b'a kam aonga n ataia ma ni kakoaua b'a iai te Tama i nanou, ao Ngai i nanon te Tama.”

Ioane 16:15

Bon au b'ai b'aai ni bane ake iroun te Tama; ao aei bukin are I kaangai iai, b'a te Tamnei are Tabu E na anai au taeka ao E na taekin nakoimi.

Ioane 17:3

Ao aio aron reken te maiu are aki toki: bon te ataiko b'a ti Ngkoe ae te Atua ni koaua, ao te ata Iesu Kristo, ae Ko kanakomaia.

Ioane 5:17

E kaekaia Iesu ao E taku, “E m'am'akuri nako naba Tamau, ao Ngai I riai naba ni m'akuri.”

Ioane 5:23

b'a a aonga ni bane aomata nako ni karinea te Nati, n ai aroia ngkai a karinea te Tama. Ane aki karinea te Nati, ao e aki karinea naba te Tama are kanakomaia.”

Ioane 6:69

Ti kakoauako ao ti ataiko b'a Teuare Moan te Raoiroi Ngkoe, are Natin te Atua.”

M'akuri 4:32

A b'aina te nano ae ti teuana taan onimaki ake a bati, ao akea temanna i rouia ae tauti n ana b'ai; ma a buokanib'ai n aia b'ai nako.

I-Rom 15:13

Ao te Atua are e riki mai Rouna te kaantaninga, E na kaon nanomi n te kim'areirei ni kabanea ma te rau i bukina ngkai kam onimakinna, b'a e aonga n teimatoa ami kaantaninga ni m'aakan te Tamnei are Raoiroi.

I-Rom 16:25

Ti na neboa te Atua! B'a E kona ni kateimatoaingkami n te euangkerio are I tataekinna, are rongorongon Iesu Kristo, ao ni kaotiotan te baere raba are karabaki ma ngkoa i nanon rooro ma rooro;

I-Rom 2:4

Ke ko aki rangi ni mutiakina ana ataataiaomata ae bati, ma taotaonan nanona, ma arona n aki kakaiun? Ao ko aki ata ana ataataiaomata te Atua b'a e kairiko nakon rairan nanom?

1.I-Korinto 14:31

B'a kam bane ni kona n taetae ni burabeti n tatabemaningkami nako, b'a a aonga ni bane n reireiaki ami koraki, ao a na bane naba ni kakorakoraki nanoia.

1.I-Korinto 2:12

Ao ngaira ti aki anganaki te tamnei ae b'ain aon te aba, ma ti anganaki te Tamnei are mairoun te Atua, b'a ti na atai ana b'ai n tituaraoi te Atua nako ira.

I-Karatia 3:28

Akea kaokoron te I-Iutaia ma te I-Erene i nanoni Kristo, ao akea kaokoron te toro ma te aomata ae inaomata, ao akea naba kaokoron te mm'aane ma te aine: b'a ti temanna ngkami ni kabaneingkami i nanoni Kristo Iesu.

I-Ebeto 1:7

are ti karekea te kainaomataaki i rouna n raraana are nanona b'a a kab'araki ara bure. Ai m'aitira ana akoi,

I-Ebeto 3:16

b'a E na anganingkami mani kaub'ain arona aika kamimii, te m'aaka iroun Tamneina b'a kam aonga ni kakorakoraki n nanomi;

I-Ebeto 3:3

b'a e kaotaki nako iu te baere raba n te kaotioti, n ai aron are I a tia ni korea taekana ni kauarerekea nakoimi;

I-Ebeto 6:22

b'a anne bukin ae I kanakoa iai nakoimi, b'a kam na atai arora, ao e na karau nanomi.

I-Biribi 2:1

Ma ngaia aei, ngkai e reke karauan te nano irouni Kristo, ngkai iai kaungaan te nano n te tangira, ngkai iai te i-raorao ma te Tamnei, ngkai iai te ataataiaomata ma te nanoanga,

I-Biribi 3:8

Tiaki ti baikai aika I taku b'a akea bonganaia, ma I atongi b'aai ni kabane b'a akea bonganaia i bukin te b'ai ae moanibaan te bongana riki, are ataakini Kristo Iesu are ara UEA, are I kabua au b'ai ni kabane i bukina, ao I atongi b'a maange, b'a E aonga n reke i rou bonganan arou ngkai ana aomata Kristo ngai,

I-Korote 1:26

are te baere raba, are karabaki ma ngkoangkoa ao mairouia rooro nako; ma ngkai, e a kaotaki nakoia ana aomata aika itiaki.

I-Korote 1:27

E karaoa aei te Atua b'a E tangiringkami aika tiaki I-Iutaia b'a kam na ata te baere raba ae kamimii ae mimitong; ao te bae raba aei boni Kristo i nanomi, are Ngaia ami kaantaninga b'a e na reke neboami.

I-Korote 1:9

Ma ngaia ae ti aki toki naba n tataro i bukimi, man te tai are ti ongo iai taekami, ao ti aki toki ni butia te Atua b'a kam na kaonaki n ataakin nanona, ao n te rabakau ma te ataib'ai ni kabanea are mairoun te Tamnei,

I-Korote 2:19

ao e a tia n aki nim ma Kristo, are atun te rab'ata ae b'anin, are Ngaia ae anga te korakora nakon te rab'ata, ao E kamanenai toma n ri ma iaia b'a b'ain tauani b'ain te rab'ata.

I-Korote 3:14

Ao kam na b'aina te tangira i aoni baikai ni kabane, b'a ngaia ae boti ni kabaei b'aai ni kabane.

I-Korote 4:3

ao kam na tataro naba i bukira, b'a E na karekea nako ira te anga are ti na kona iai n taekina te rongorongo are taekan te baere raba are taekani Kristo, are ngaia, are I kabaeaki iai i bukina;

I-Korote 4:8

Ao I kanakoa nako imi i bukin aei, b'a kam na atai arora; ao e na kaungai nanomi.

1.I-Tetaronike 1:5

b'a te euangkerio are ti taekinna e aki roko i roumi n ti te taeka, ma e roko naba n te m'aaka, ao iroun te Tamnei are Raoiroi, ao n te aki-nanokokoraki naba teutana; n ai aromi ngkai kam bon atai arora ni menara i buakomi i bukimi.

1.I-Tetaronike 3:2

ao ti kanakoa Timoteo, ae tarira, ae raora ni m'akuri i bukin te Atua, n tataekinan euangkerioni Kristo, b'a e na kateimatoaingkami ma ni kaungaingkami n ami onimaki;

1.I-Tetaronike 5:14

Ao ti kaungaingkami, taari, b'a kam na reireiia akana rawa ni m'akuri, kam na kaungai nanoia akana a kai toki nanoia, kam na buokiia akana mamara, ao kam na taotaon nanomi nakoia aomata ni kabaneia.

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

Ebera 10:22

ao ti na kaania te Atua ma nanora ni koaua ao n ataakin raoi te onimaki, ngkai a tia ni kaitiakaki nanora man namakinani mwin te bure are ti taonaki iai, ao a tia rab'atara n tebokaki n te ran ae itiaki.

Ebera 6:11

Ma ti tangiringkami n tatabemaningkami nako b'a kam na kaota te ingainga n nano ae ti te arona ni karokoa te toki, b'a kam aonga ni koaua raoi ni b'aai aika kam kaantaningai b'a a boni koaua:

2.Betero 1:10

Ma ngaia aei, taari, kam na rangi ni kekeiaki m'aaka ni kaotingkami ni maiumi b'a kam boni weteaki ma n rineaki; b'a ngkana kam karaoa aei, ao kam na bon aki b'aka.

2.Betero 1:3

E a tia te Atua n oini m'aakana n anganira b'aai ni kabane i bukin te maiu ni Kristian, n ataakin Teuare weteira b'a ti na buokanib'ai ma Ngaia n arona ma kateina ae e raoiroi;

2.Betero 3:18

Ma kam na rikirake n te akoi ao n ataakin ara Uea ao ara Tia Kamaiu are Iesu Kristo. Ana b'ai te neboaki ngkai, ao n aki toki. Amen.

1.Ioane 3:19

Ane ti na kona n ataira iai b'a ana b'ai te koaua ngaira, ao b'a a na reke raun nanora ngkana ti tei i matana;

1.Ioane 5:7

B'a teniman taani kaotioti.