I-Korote 2:16 - Te B'aib'ara

¹⁶ Ma ngaia are tai kariaia temanna b'a e na baireia b'a tera ae kam na kanna ao kam na nimma, ao tai kariaia naba b'a e na tuangngkami b'a kam na kawakina bongin te toa teuana, ma te Toa ae Moan Otin Nam'akaina, ma Taabati.

I-Korote 2:16 ပူးပေါင်းရင်းမြစ်များ

2.Uea 4:23

Ao e taku teuare buuna, E aera ngkai ko na kawaria n te bong aei, ao kai tiaki ngkai te Taabati ke te Toa ae Moan Otin Nam'akaina.

1.Rongorongo 23:31

A na riai naba n anga aia kaaitau ao n anene n nebonebo ngkana e tabe ni waaki te angakarea ni katoa Taabati, ao ai uana naba ni katoa te Toa ae Moan Otin Nam'akaina ao bootakin riki te aro ake tabeua. A na riai n tau m'aitiia n taai nako kanoan Rewi aika a na m'akuri n te Tembora ni karaoi baika a tangiraki ni katiaaki.

2.Rongorongo 31:3

E katauraoi taiani man Etekia man ake bon oin ana nanai n tiibu ao ana nanai ni kao b'a a na kabonganaaki i bukin karean te moaningabong ao te tairiki, ao ai uana naba ma taiani karea i bukin taiani bootaki ake a na karaoaki n te Taabati, ake te Toa ae Moan Otin Nam'akaina, ao taiani bootaki n am'arake ake tabeua ake a tangiraki karaoaia i aan ana tua te UEA.

Neemia 10:31

Ti aki kaboob'ai n te Taabati ke ni kabooa naba te uita n te Taabati ke ni boong riki tabeua aika a tabu, ao ti aki kariaia naba taian ianena b'a a na boob'ai ni boong akanne. Ti kakamotirawai ara tawaana ni katoa itiua te ririki, ao ti kamaunai taian taarau ni kabane.

Neemia 10:33

Ti karaoa aei i bukin boon te kariki are e tabu ao ai uana naba ma te karea are b'ain te bong koraki ao te karea ae e okoro n aron ake a kareanaki n te Taabati ao i nanon naba te Toa ae Moan Otin Nam'akaina ao taian toa naba ake tabeua. E na riki naba b'a boon te karea i bukin kab'araan buure ao taian kabanem'ane i bukin taromaurian te Atua n te Tembora.

Neemia 8:9

Ao a tang aomata ngke e a warekaki ana Tua te Atua nakoia. Ao i mwiina, e taku Neemia are te koowana, Etira are te ibonga ao te tia reirei, ao kanoan Rewi ake a tia n reireiniia aomata, “Bon aio te bong ae e kaokoro i bukin ami UEA ae Atuami. Ma ngaia ae kam na aki nanokawaki ao kam na aki tang!”

Taian Areru 42:4

E uruaki nanou ngke I uring boong ake a tia n nako: Ngke I m'ananga ma aomata aika bati, ni kairiia nakon um'an te Atua; Ao a anene ma te b'ana ni kakatonga ma n nebonebo nakon te Atua.

Taian Areru 81:3

Katanga te bu i bukin te bootaki ae ab'ab'aki are te Toa ae Moan Otin Nam'akaina ao ngkana e a tanimainiku.

Itaia 1:13

Akea boonganan ami karea, ao a rangi n ribaaki ami b'ai ni kaboiarara. I aki konaa moan ami m'akuri aika buakaka aika kam karaoi n ami Toa ae Moan Otin Nam'akaina ke n ami Taabati ao taai n taromauri ake tabeua.

Etekiera 4:14

Ao I taku, “Te Atua, taiaoka Ko na aki kariaia b'a N na karaoa anne! I bon tuai man kang am'arake aika N na riki iai n aki tau i matam. I tuai man kang b'aai aika a mate i bon irouia ke n tiringaki irouia maan aika a aki manana ke aika ko taku b'a a aki itiaki.”

Etekiera 45:17

Ma kam na katauraoi maan ake taiani karea ngkami aika taan kairiiri i bukin te Toa ae Moan Otin Nam'akaina, taian Bootaki i bukin te Taabati, ao bootakin te aro ake tabeua, ao ai uana naba ma te uita ma te wain. A na bane ni kabonganaaki baikai i bukin taiani karea i bukin bure, te karea te uita, te karea are kakukureiau, ao nakoia akana a buubutiai Au kakab'aia. N na bon kukurei ao N na kab'araa aia bure Au aomata.

Nakoaia Ibonga 16:31

ao man te tai aei, e na bukamaruaki ni katoa ririki. Kam na aki am'aam'arake ma ni karika te bong aei b'a te bong ni motirawa n aron te Taabati.

Amota 8:5

Kam kaangai i nanomi, “E na b'ara n ningai te bootaki ae kakannato aei b'a ti aonga ni manga kabooi ara uita. E na toki n ningai te Taabati, b'a ti aonga ni manga kaboonako ara b'ai ni boob'ai? Ao ngkanne ti na kaboobuakai ma ni babakanikawaia aomata n ara b'ai n tau rawawata aika a kewe.

Warekaia Iteraera 10:10

Kam na katanga naba te bu ngkana kam anga karea n tain te Toa ae Moan Otin Nam'akaina ao taian toa riki ake tabeua. E na riki aei b'a te b'ai ni kauring b'a bon te UEA Ngai ae Atuami.

Mataio 15:11

Tiaki te b'ai ae rin nako nanon te wii ae kam'araea te aomata; ma te b'ai ae oti nako man te wii, boni ngaia ae kam'araea te aomata.”

Mareko 7:19

B'a te b'ai anne, e rin nako nanoni birotona, ma e aki rin nako i nanona, ao e oti nako ni kawaina. E atonga aei Iesu ni kaotia b'a a kona ni kanaki am'arake nako.

M'akuri 15:20

Ma ti riai ni korea te reta nakoia, n tuangiia b'a a na aki kangi baike a tia ni kareanaki nakoni bouananti b'a a kam'ara; ao b'a a na aki b'aina te wene ni bure, ao a na aki kang irikoni maan aika a koonaki roroaia ngke a tiringaki, ao a na aki kana naba te raraa.

I-Rom 14:10

Ao ngkoe, ko aera ngkai ko motika taekan tarim? Ao manga ngkoe, ko aera ngkai ko kakeaa bongan tarim? B'a ane ti na bane n tei i matan te Atua b'a a na motikaki taekara i rouna.

I-Karatia 4:10

Kam kawakini boong, ma taian nam'akaina, ma tain nako taian toa, ma ririki.

I-Korote 2:20

Ngkai kam a tia ni mate ma Kristo ao kam a kainaomataki mani baika iai m'aakaia n te aonnaba aei. Bukin tera ngkai kam maiu ao n riki b'a kaain te aonnaba aei? Bukin tera b'a kam kairaki i aan tuua aikai

Ebera 13:9

A na tai anaaki nanomi n aeka n reirei nako aika kaokoro ma taekan te euangkerio. B'a e raoiroi ae reke kateimatoan te nano n te akoi, ma tiaki n taian am'arake, aika akea kab'aiaia iai akana katabeia iai.

Ebera 9:10

ngkai baikai, a tabe ma taekan ti taian am'arake ma ninima ma taian teboka nako, aika tuua i bukin te rab'ata aika a na karaoaki ni karokoa te bong are a na oneaki iai nakon aika a raraoi riki.

Iakobo 4:11

Taari, kam na tai kabuakaka. Ane kabuakaka tarina, ke ane motika taekan tarina, ao e kabuakaka te Tua, ke e motika taekan te Tua; ngkana ko motika taekan te Tua, ao tiaki te tia toua mwin te Tua ngkoe, ma bon te tia motiki-taeka iai ngkoe.

1.Tamuera 20:18

Ao e taku Ionatan nakoina, “Tain te Toa ae Moan Otin Nam'akaina ningabong, ao ko na bon ataaki ngkana ko aki roko n te am'arake.

1.Tamuera 20:5

Ao e kaeka Tawita ni kaangai, “Bon tain te Toa ae Moan Otin Nam'akaina nakon te ingabong, ao N na bae n am'arake ma te uea. Ma ngkana arona b'a akea am kangaanga iai, ao N na nako ni karabaai n te katawanang ni karokoa tairikin te bong are i mwiin te ingabong.