I-Korote 1:9 - Te B'aib'ara

⁹ Ma ngaia ae ti aki toki naba n tataro i bukimi, man te tai are ti ongo iai taekami, ao ti aki toki ni butia te Atua b'a kam na kaonaki n ataakin nanona, ao n te rabakau ma te ataib'ai ni kabanea are mairoun te Tamnei,

I-Korote 1:9 ပူးပေါင်းရင်းမြစ်များ

Taian Areru 119:99

I rabakau riki nakoia au tia reirei ni kabaneia, i bukin ae I iaiangoi am Taeka.

Taian Areru 143:10

Bon Atuau Ngkoe; reireiai karaoan nanom. E na kairiirai Tamneim ae e raoiroi n te kawai ae aoraoi.

Ioane 7:17

Ane kukurei ni karaoa nanon te Atua, ao e na ataia iai b'a te b'ai ae I anga b'a au reirei e nako mairoun te Atua, ke e nako boni man au iango.

M'akuri 12:5

Ma ngaia are, e kawakinaki Betero i nanon te karabuuti; ao a kakorakoraia kaain te ekaretia n tataro nakon te Atua i bukina.

I-Rom 12:2

Tai katotonga aroni katein te maiu aei; ma a na bitaki tein ami iango man are kam tataneiai iai, b'a kam aonga n ata raoi aroni karaoan te bae e raoiroi ma ni kakukurei nakon te Atua.

1.I-Korinto 1:5

b'a kam a tia n rangi ni buokaki i Rouna n te aro n taetae ma te ataib'ai ni kabanea.

I-Ebeto 1:8

are E kabatia n akoira iai! B'a n te rabakau ni kabanea ma te ataib'ai,

I-Ebeto 5:10

ao kataa te kakukureia te Atua.

I-Ebeto 5:17

Ma ngaia ae kam na tai baba, ma kam na ata ae tangiraki iroun te UEA b'a e na karaoaki.

I-Ebeto 6:6

Kam na karaoia tiaki i bukina ngke kam kani kakukureia ngke a taraingkami; ma kam na karaoia n ai aroia ana toro Kristo aika karaoa nanon te Atua ma nanoia ni koaua.

I-Biribi 1:4

ao n taai ni kabane ake I tataro iai i bukimi ni kabane, ao I tataro ma te kim'areirei,

I-Korote 1:6

are roko i roumi ao i aonnaba ni kabane: ao e kariki uaa ma n riki rake naba i nanomi man te bong are kam ongo taekana iai, ao n ata raoi ana akoi te Atua n arona ni koaua.

I-Korote 3:16

E na titiku ni maeka ana taeka Kristo i nanomi; ao kam na anenei taekan Taian Areru ma anene ma kuuna aika kam kairaki iai iroun te Tamnei; kam na anene nakon te Atua ma te nano ni katituaraoi.

I-Korote 4:12

E kamauringkami Eb'abera, ae raomi, ae ana toro Kristo Iesu, ae e aki toki ni kakorakora n tatataro i bukimi b'a kam aonga n ata raoi te bae E tangiringkami iai te Atua b'a kam na karaoia, ao b'a kam na kabanea ni karaoia.

I-Korote 4:5

Kam na nakonako ma te wanawana i mataia akana tuai n onimaki, ni kamanenai raoi ami tai.

1.I-Tetaronike 1:3

ngkai ti aki toki, i matan te Atua are Tamara n ururinga ami m'akuri ae kanoan ami onimaki, ma ami m'akuri korakora ae kanoan ami tangira, ao ami kaantaninga ae nene i nanon ara Uea are Iesu Kristo.

1.I-Tetaronike 5:17

ao tataro n taai nako,

2.I-Tetaronike 1:11

Anne bukin ae ti aki toki iai n tataro i bukimi, b'a E na karaoingkami Atuara b'a kam na tau nakon te maiu are E a tia ni weteingkami nako iai b'a kam na b'ainna; ao E na kabongana m'aakana ni kakororaoa nanomi n tangira te raoiroi, ma ni katiai baika kam karaoi i bukin ami onimaki;

Biremon 1:4

I aki toki ni m'anea aram ngkana I tataro, ao I kaaitaua te Atua,

Biremon 1:6

Bon au tataro b'a arom n iraorao ma aomata i bukin am onimaki e na karika i rouia ataakin raoi baika raraoi ni kabane aika iai i roura, aika a kairira nakoni Kristo.

Ebera 10:36

E riai b'a kam na nanom'aka, b'a kam aonga ni karaoa nanon te Atua ao e na reke i roumi iai te baere e taekinaki n te taeka n akoi.

Ebera 13:21

E na katauraoingkami nakoni m'akuri aika raraoi ni kabane b'a kam aonga ni karaoa nanona, ao b'a kam aonga iroun Iesu Kristo ni karaoa are E na kukurei iai te Atua. Ao ana b'ai Kristo te neboaki n aki totoki. Amen.

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.

Iakobo 3:17

Ma te rabakau are mai eta e kairiia aomata nakon te maiu moa ae itiaki, ao ae rau ma n nimamannei, ae b'aina te iraorao; e on n te nanoanga, ao e karaoi m'akuri nako aika raraoi; e aki nanonano ao e aki m'am'anaa te aba.

1.Betero 2:15

B'a E tangiringkami te Atua b'a kam na katoki taeka n nano roo aika aia taeka aomata aika nanobaba, ni karaoan ae e raoiroi iroumi.

1.Betero 4:2

B'a kam na aki kabane ami bongi ni maiu n rab'atami n iri nanoni iango n aomata aika naano ni kaib'ab'aru, ma kam na ira nanon te Atua.

1.Ioane 2:17

E tabe ngkai ni mauna te aonnaba ae bubure ma kaib'ab'aruna; ma ane kakaraoa nanon te Atua, ao e na maiu n aki toki.

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.

1.Tamuera 12:23

Ngkana I katoka au tataro i bukimi, ao I aki ongotaeka iai nakon te UEA! N na reireiningkami n taai nako aromi ni maiuakina te raoiroi.