I-Korote 1:29 - Te B'aib'ara

²⁹ ao anne bukin ae I kekeiaki m'aaka naba ni m'akuri, ao I kamanena te korakora ae bati are E anganai Kristo, ao ae e m'am'akuri i nanou.

I-Korote 1:29 ပူးပေါင်းရင်းမြစ်များ

Ruka 13:24

Kakorakoraingkami b'a kam na rin n te mataroa are wariki; b'a I taku nako imi b'a a bati aika ukoukora te kan rin iai, ma a aki kona.

I-Rom 15:20

I kekeiaki n tataekina te euangkerio tiaki n taabo ike e a tia n roko iai taekani Kristo, b'a N na aki reita nako te m'akuri are e a tia ni moanaki i m'aiu iroun temanna.

I-Rom 15:30

I bubutingkami, taari, i bukin ara UEA are Iesu Kristo ao i bukin te tangira are mairoun te Tamnei, b'a kam na kakorakoraingkami ma ngai n tataro nakon te Atua i buku,

1.I-Korinto 12:11

Bon te Tamnei are Raoiroi naba aei ae ti temanna ae karaoi baikai ni kabane, n tib'atib'ai nakoia aomata n tatabemaniia nako n ai aron nanona.

1.I-Korinto 12:6

Ao a bati aaro ni m'akuri, ma ti temanna te Atua, ae m'akuri i nanoia aomata ni kabaneia ao E buokiia ni b'aai ni kabane aika a karaoi.

1.I-Korinto 15:10

Ma n ana akoi te Atua ao I riki n ai arou aei; ao e aki matebuaka ana akoi nako iu: b'a I m'akuri korakora riki nakoia taan tuatua akekei; ma tiaki ngai, b'a bon ana akoi te Atua are i rou.

2.I-Korinto 11:23

Ana taani m'akuri Kristo uakekei? I taetae n ai aron ae baba: i aoia riki ngai; b'a I m'akuri korakora riki nako ia, a bati riki au tai ni kabureaki, a bati riki au tai ni kataereaki, ao a bati riki au tai ae e kaani mateu iai.

2.I-Korinto 13:3

ngkai kam ukoukora te b'ai ae na kakoauaki iai b'a E taetae Kristo i rou. E aki mamara Kristo nako imi, ma E m'aaka i buakomi.

2.I-Korinto 5:9

Ma ngaia aei, b'a ti mena ni mwengara aei ke ti kitanna, ma nanora bon ti te kani kakukureia te Atua.

2.I-Korinto 6:5

Ti oreaki, ti kabureaki, ao ti kakiriweaki n taiani kiriwe. Ti a tia ni m'akuri korakora n aki mamatu ao n aki mamatam.

I-Ebeto 1:19

ao tera aroni m'aakana ae raka korakorana, nako ira ngaira aika ti onimaki. Te m'aaka aei bon ti te bo ma korakorani m'aakana,

I-Ebeto 3:20

Ao nakon Teuare kona ni karaoi b'aai aika moan te bati aika m'aiti riki nakoni b'aai aika ti bubuti ma n ururing, n ai aron te m'aaka ae m'am'akuri i nanora:

I-Ebeto 3:7

are I riki b'a te tia m'akuri ngkai iai, n ai aron te b'ai n tituaraoi are ana akoi te Atua, are I anganaki ni m'am'akurini m'aakana.

I-Biribi 1:27

Kam na ti kakaraoa ae boraoi ma nanon ana euangkerio Kristo; b'a ngkana I roko n noringkami, ke ngkana tao I mena n te tabo teuana, ao I kan ongo rongorongomi, b'a kam teimatoa n aromi ni maiu b'a kanga te tamnei ae ti teuana, ni kakorakoraingkami b'a kanga te aomata ae ti temanna, i bukin te onimaki are reke man te euangkerio;

I-Biribi 1:30

Kam a rin ngkai n te buaka ae ti te bo ma are kam a tia n norai iai ngkoa, ao n aron ae kam ongo iai ngkai b'a ae I mena naba i nanona.

I-Biribi 2:13

B'a bon te Atua ae m'am'akuri i nanomi b'a kam aonga ni kukurei ni karaoa ana kaantaninga n akoi.

I-Biribi 2:16

n aromi n taua ni kamatoa taekan te maiu. Ma ngaia ae ngkana e roko ana bong te UEA, ao N na boni kim'areirei iroumi, ngkai e aki matebuaka au kekeiaki ma au m'akuri.

I-Korote 2:1

B'a I tangiringkami b'a kam na ata arou ni kakorakoraai ni m'akuri i bukimi, i bukiia ake i Raorikeia, ao i bukiia naba aika m'aiti aika tuai n nora matau.

I-Korote 2:12

ao ngke kam b'abetitoaki, ao ti te bo ma kam taunaki ma Ngaia ao kam a manga uaia ni manga uti ma Ngaia i bukina b'a kam onimakina ana m'akuri te Atua are E a manga kamaiua man te mate.

I-Korote 4:12

E kamauringkami Eb'abera, ae raomi, ae ana toro Kristo Iesu, ae e aki toki ni kakorakora n tatataro i bukimi b'a kam aonga n ata raoi te bae E tangiringkami iai te Atua b'a kam na karaoia, ao b'a kam na kabanea ni karaoia.

1.I-Tetaronike 2:9

Taari, kam bon uringa ara m'akuri b'a e kakua ao e kanganga; ngke ti m'akuri n te bong ao n te ngaina, b'a ti aonga n aki karawawata temanna i buakomi n ara tai n tataekina ana euangkerio te Atua nako imi.

2.I-Tetaronike 3:8

ao ti aki n ae ti am'arake ao ti aki kabooa karara mairoun are ti karekea i rouna. Ma ti rangi ni kakorakoraira ni m'akuri n te bong ao n te ngaina, b'a ti aonga n aki karawawata temanna i buakomi.

2.Timoteo 2:10

Ma ngaia ae I taona nanou nakoni b'aai ni kabane i bukiia ake a rineaki, b'a a aonga naba ni karekea te kamaiuaki ma te neboaki ae aki toki mairouni Kristo Iesu.

Ebera 12:4

B'a n ami buaka are kam kaitaraa iai ma te bure, ao akea i roumi ae e mate.

Ebera 13:21

E na katauraoingkami nakoni m'akuri aika raraoi ni kabane b'a kam aonga ni karaoa nanona, ao b'a kam aonga iroun Iesu Kristo ni karaoa are E na kukurei iai te Atua. Ao ana b'ai Kristo te neboaki n aki totoki. Amen.

Te Kaotioti 2:3

Iai i roum te nanom'aka, ao ko taotaona nanom i bukin arau, ao e aki b'ara nanom.